كورەيانىڭ زۇڭتۇڭدى قورعاۋ باسقارماسى ۇستاپ قالۋدان، تىنتۋدەن تاعى دا باس تارتتى
شينحۋا اگەنتتىگىنىڭ 1 – ايدىڭ 20 - كۇنى سەۋلدەن بەرگەن حابارى. كورەيا ساقشى مەڭگەرمەسىنە قاراستى مەملەكەتتىك تەكسەرۋ ءبولىمىنىڭ ەرەكشە تەكسەرۋ ۇيىرمەسى 1 – ايدىڭ 20 - كۇنى زۇڭتۇڭدى قورعاۋ باسقارماسى مەن زۇڭتۇڭنىڭ حاۋىپسىز ءۇيىن ۇستاپ قالۋدى، ءتىنتۋدى تاعى ءبىر رەت سىناپ كوردى، ءبىراق قارسى جاق سايكەسۋدەن باس تارتقاندىقتان ءساتسىز بولدى.
كورەيا اقپارات قۇرالدارىنىڭ حابارىنا قاراعاندا، ساقشىلار 1 – ايدىڭ 20 – كۇنى تۇستەن كەيىن سەۋلدىڭ لۇڭشان رايونىنداعى زۇڭتۇڭدى قورعاۋ باسقارماسى مەن سەۋل سانچيڭدۇڭداعى زۇڭتۇڭنىڭ حاۋىپسىزدىك ۇيىنە بارعان، حاۋىپسىز ۇيگە جەتكەن ساقشى جاقتىڭ قىزمەتكەرلەرى ۇستاپ قالۋ، ءتىنتۋ بۇيرىعىن كورسەتتى، ءبىراق باس تارتۋعا ۇشىرادى؛ ساقشى جاقتىڭ قىزمەتكەرلەرى زۇڭتۇڭدى قورعاۋ باسقارماسىمەن بىرنەشە ساعات سويلەسسە دە ەڭ سوڭىندا ۇستاپ قالۋ، ءتىنتۋ مىندەتىن اتقارا المادى.
كورەيا ساقشى جاعى سول كۇنى كەشتە اقپارات قۇرالدارىنا حابارلاندىرۋ شىعارىپ، ساعات 17 دەن 10 مينۋت وتكەندە، ساقشى جاق زۇڭتۇڭدى قورعاۋ باسقارماسى جىبەرگەن تۇسىنىك حاتىن تاپسىرىپ العاندىعىن، «سايكەسۋگە بولمايدى» دەپ ايتقاندىعىن، سول كۇنگى ۇستاپ قالۋ، ءتىنتۋ جۇمىسىنىڭ اياقتاعاندىعىن جاريالادى. ەرەكشە تەكسەرۋ ۇيىرمەسى زۇڭتۇڭدى قورعاۋ باسقارماسىنان تۇيىق جولدى تەلەۆيزوردى جانە شۇعىل اسكەري ءتۇس وقيعاسىنا قاتىستى ماتەريالداردى ىرىقتىلىقپەن تاپسىرۋدى ءارى رەسمي حات ارقىلى جاۋاپ قايتارۋدى تالاپ ەتتى.
كورەيا ساقشى جاعى وسىدان بۇرىن زۇڭتۇڭ سارايى مەن زۇڭتۇڭنىڭ حاۋىپسىز ءۇيىن ۇستاپ قالۋدى، ءتىنتۋدى تالاي رەت سىناپ كورگەن، زۇڭتۇڭدى قورعاۋ باسقارماسى اسكەري قۇپيالىققا سايادى دەگەن سىلتاۋمەن ودان باس تارتقان.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
