شينجياڭ بۇل جاعىندا بۇكىل ەل بويىنشا ءبىرىنشى بولدى!
1 - ايدىڭ 16 – كۇنى، ءتىلشىنىڭ شينجياڭنىڭ استىق جانە زاتتىق ماتەريالداردى زاپاس ساقتاۋ قىزمەتى ماجىلىسىنەن ۇعىسۋىنشا، 2024 - جىلى شينجياڭ زاپاس استىق ساقتاۋ جاڭا تەحنيكاسىن جالپىلاستىرۋدى، قولدانۋدى جەدەلدەتىپ، تۇتاس جىلدا جاڭادان ورىلعان ءبيدايدىڭ ساپاسى بۇكىل ەل بويىنشا ءبىرىنشى ورىندى يەلەپ، ۇكىمەتتىڭ زاپاس استىققا ۇيلەسەتىن ساقتاۋ مولشەرى %100 كە جەتىپ، بۇكىل شينجياڭنىڭ استىق حاۋىپسىزدىگىن قامتاماسىز ەتۋ قابىلەتى اناعۇرلىم جوعارىلاعان.
ساندى مالىمەتتە كورسەتىلۋىنشە، 2024 ـ جىلى شينجياڭنىڭ ءبيداي ازىق ـ تۇلىك حاۋىپسىزدىگى كورسەتكىشىنىڭ تولىمدىلىق مولشەرى %100 بولىپ، بۇكىل ەل بويىنشا ءبىرىنشى ورىندى يەلەگەن. ءبىرىنشى دارەجەلى ءبيدايدىڭ سالىستىرماسى %96 كە جەتىپ، بۇكىل ەلدىڭ ورتاشا شاماسىنان 30 پايىزعا جۋىق جوعارى بولىپ، بۇكىل ەل بويىنشا ءبىرىنشى ورىندى يەلەگەن.
شينجياڭ ۇيعۇر اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسىنىڭ ورىنباسار باستىعى يۋان حايبو بىلاي دەپ تانىستىردى: 2024 ـ جىلى شينجياڭ ساپالى استىق ينجەنەرياسىن ىشكەرىلەي اتقارىپ، 20 ميلليون 860 مىڭ يۋان قازىنالىق جاردەماقى قارجىسىن ءوتىنىش ەتىپ، بۇكىل رايونداعى 84 ساپالى استىق ينجەنەريا نىسانىنا قولداۋ كورسەتىپ، استىق بەتىن باسىپ جابۋ تەحنيكاسىن، نۇردى شاعىلىستىرۋ ارقىلى جىلۋ وتكىزبەۋ، فوتوۆولتتىق ەلەكتر ارقىلى توڭازىتۋ سياقتى تومەن تەمپەراتۋرادا استىق ساقتاۋعا تەحنيكالىق وزگەرىس ەنگىزۋدى جالپىلاستىرىپ، جوعارى ولشەمدى استىق قامباسى قۇرىلىسىن جەدەل ىلگەرىلەتىپ، استىقتىڭ جاسىل قامبادا ساقتاۋ دەڭگەيى مەن ساپا حاۋىپسىزدىگىن تەكسەرۋ ـ ولشەۋ قابىلەتىن ۇزدىكسىز جوعارىلاتتى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
