18 تاراۋ قۇجات جاريالادى: قيىنشىلىعى بار بالالاردىڭ جەكەلىك ينفورماتسياسىنان پايدالانىپ جىلۋ جيناۋعا، تىكە تاراتىلىم ارقىلى زات ساتۋعا بولمايدى
قيىنشىلىعى بار بالالاردىڭ جەكەلىك ينفورماتسياسىن پايدالانۋدى ارناعا ءتۇسىرىپ، قيىنشىلىعى بار بالالاردىڭ جەكەلىك ينفورماتسياسىنىڭ حاۋىپسىزدىگىن قورعاپ، قيىنشىلىعى بار بالالاردىڭ زاڭدى ۇقىق - مۇددەسىن قورعاۋ ءۇشىن، جۋىردا حالىق ىستەرى مينيسترلىگى قاتارلى 18 تاراۋ «قيىنشىلىعى بار بالالاردىڭ جەكەلىك ينفورماتسياسىن قورعاۋ قىزمەتى جونىندەگى ءادىستى» باسىپ تاراتقان. ادىستە مىنالار بەلگىلەنگەن:
حالىق ىستەرى مينيسترلىگى قوعامدىق قۇتقارۋدى، قايىرىمدىلىق ىستەۋ جانە كومەكتەسۋ - سۇيەمەلدەۋدى، قامقورلىق جاساۋدى جانە قىزمەت وتەۋدى ۇيىمداستىرىپ اتقارعان كەزدە، قيىنشىلىعى بار بالالاردىڭ جەكەلىك ينفورماتسياسىن زاڭ بويىنشا قورعاۋ تالاپ ەتىلەدى.
بالالارعا ارنالعان يگىلىك قۇرىلىمدارى، ازامات جاسىنا تولماعانداردى قۇتقارۋ - قورعاۋ قۇرىلىمدارى، قاتىستى قوعامدىق ۇيىمدار جانە ولاردىڭ قىزمەتكەرلەرى، سونداي – اق، بالالار باقىلاۋشىلارى، بالالار مەڭگەرۋشىلەرى قاتارلىلاردىڭ ينفورماتسيانى قورعاۋ تانىمىن جوعارىلاتۋىنا باقىلاۋ جۇرگىزۋ جانە جەتەكشىلىك ەتۋ كەرەك.
ءار دارەجەلى جۇمىسشىلار ۇيىمى، كوممۋنيستىك جاستار وداعى، ايەلدەر بىرلەستىگى، كەلەسى ۇرپاققا قامقورلىق جاساۋ قىزمەت كوميتەتى، سونداي – اق، قاتىستى قوعامدىق ۇيىمدار، ەرىكتىلەر قاتارلىلار وتباسىلىق ءتالىم – تاربيە جاعىندا جەتەكشىلىك ەتۋ، بالالارعا قامقورلىق جاساۋ جانە قىزمەت وتەۋ قيمىلىن ورىستەتكەن كەزدە، قيىنشىلىعى بار بالالاردىڭ جەكەلىك ينفورماتسياسىن ءبىرجاقتىلى ەتۋگە تۋرا كەلسە، قيمىلدى ورىستەتۋگە قاجەتتى ەڭ تومەنگى شەكپەن جانە كولەممەن شەكتەلۋى ءارى سايكەستى قورعاۋ قىزمەتىن ويداعىداي ىستەۋى كەرەك.
ءارقانداي ۇيىم مەن جەكەنىڭ قيىنشىلىعى بار بالالاردى ماركاعا اينالدىرۋىنا، قيىنشىلىعى بار بالالاردىڭ جەكەلىك ينفورماتسياسىنان پايدالانىپ وقىرمانداردى باۋراۋىنا، كورىلىم توپتاۋىنا بولمايدى، قيىنشىلىعى بار بالالاردىڭ جەكەلىك ينفورماتسياسىنان پايدالانىپ جىلۋ جيناۋىنا، تىكە تاراتىلىم ارقىلى زات ساتۋىنا بولمايدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
