جۇڭگو جىلجىمالى حابارلاسۋ توبى شەكتى سەرىكتەستىگى ءتارتىپ تەكسەرۋ، باقىلاۋ ـ تەكسەرۋ گرۋپپاسىنىڭ، گانسۋ ولكەسى جيايۇيگۋان قالالىق باقىلاۋ ـ تەكسەرۋ كوميتەتىنىڭ حابارىنا قاراعاندا، تاياۋدا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتىنىڭ بەكىتۋىمەن، جۇڭگو جىلجىمالى حابارلاسۋ توبى شەكتى سەرىكتەستىگى ءتارتىپ تەكسەرۋ، باقىلاۋ ـ تەكسەرۋ گرۋپپاسى، گانسۋ ولكەسى جيايۇيگۋان قالالىق باقىلاۋ ـ تەكسەرۋ كوميتەتى جۇڭگو جىلجىمالى حابارلاسۋ توبى شينجياڭ شەكتى سەرىكتەستىگى پارتكومىنىڭ بۇرىنعى ورىنباسار شۋجيى، ورىنباسار باس ديرەكتورى ليۋ يىڭجيەنىڭ تارتىپكە، زاڭعا اۋىر قايشىلىق جاساۋ ماسەلەسىنە ءتارتىپ تەكسەرۋ جانە باقىلاۋ ـ تەكسەرۋ جۇرگىزدى.

تەكسەرۋ ارقىلى مىنانى انىقتادى: ليۋ يىڭجيە پارتيالى باسشى كادر رەتىندە، مۇرات ـ سەنىمنەن ايرىلىپ، اۋەلگى ماقساتتان، بورىشتان بەزىپ، پارتياعا ادال بولماي، شىنايى بولماي، ۇيىمنىڭ تەكسەرۋىنە قارسىلىق كورسەتكەن؛ ورتالىقتىڭ سەگىز تارماقتى بەلگىلەمەسىنىڭ رۋحىنا نەمقۇرايدى قاراپ، بەلگىلەمەگە كوپ رەت قايشىلىق جاساپ تارتۋ ـ تارالعى جانە تۇتىنۋ كارتوچكاسىن قابىلداپ، ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان قوناعاسى پەن ساياحات ورنالاستىرۋىن قابىلداعان؛ ۇيىمدىق تانىمى سولعىنداپ، قىزمەت ۇقىعىنان پايدالانىپ باسقالاردىڭ مىندەت دارەجەسىن وسىرۋىنە پايدا جەتكىزگەن؛ پاكتىكتىڭ سوڭعى شەگىن ساقتاماي، ەرەكشە بايلانىسى بار ادامداردىڭ قىزمەت ۇقىعىنان پايدالانىپ باس پايداسىن كوزدەۋىنە جول قويعان، بىلمەسكە سالعان، باسقارۋ جانە قىزمەت وتەۋ وبيەكتىلەرىنىڭ كولىكتەرى مەن تۇرعىن ۇيلەرىن ۇزاق ۋاقىت ىستەتكەن، ەرەكشە بايلانىسى بار ادامداردىڭ تيجارات قيمىلى ءۇشىن پايدا جەتكىزگەن، اقىسىز قىزمەت وتەۋدى قابىلداعان، ءوزى تولەۋگە ءتيىستى قاراجاتتى سەلبەسكەن ساۋداگەرلەرگە تولەتكەن؛ مىندەتىن دۇرىس اتقارماي، بەلگىلەمەگە قايشىلىق جاساپ، سەرىكتەستىكتىڭ قورا – جايىن سىرتقا قارىزعا بەرگەن؛ تۇرمىس تارتىبىنە قايشىلىق جاساعان؛ قىزمەت قولايلىلىعىنان پايدالانىپ، باسقالاردىڭ جىلجىمالى حابارلاسۋ نىساندارىن كوتەرەگە الۋ، كاسىپتىك اقشامەن ەسەپ جابۋى قاتارلى جۇمىستارىنا كومەكتەسكەن ءارى زاڭسىز تۇردە قوماقتى مال – مۇلىك العان، پارا الۋ قىلمىسىن وتكىزدى دەگەن كۇمان تاعىلدى.

ليۋ يىڭجيە پارتيانىڭ ساياسي تارتىبىنە، ورتالىقتىڭ سەگىز تارماقتى بەلگىلەمەسىنىڭ رۋحىنا، ۇيىمدىق تارتىپكە، پاكتىك تارتىبىنە، قىزمەت تارتىبىنە، تۇرمىس تارتىبىنە اۋىر دارەجەدە قايشىلىق جاساعان، مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، پارتيانىڭ 18 - ، 19 -، ءتىپتى 20 - قۇرىلتايىنان كەيىن دە تيىلماعان، تىزگىنىن تارتپاعان، توقتاتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى» قاتارلى قاتىستى بەلگىلەمەلەرگە ساي، جۇڭگو جىلجىمالى حابارلاسۋ توبى شەكتى سەرىكتەستىگى پارتگرۋپپاسىنىڭ اقىلداسۋىمەن ليۋ يىڭجيەگە پارتيادان شىعارۋ جازاسىن بەرۋدى ۇيعاردى؛ جۇڭگو جىلجىمالى حابارلاسۋ توبى شەكتى سەرىكتەستىگىنىڭ ءتارتىپ تەكسەرۋ، باقىلاۋ - تەكسەرۋ گرۋپپاسى ليۋ يىڭجيەنى قىزمەتتەن ايدادى؛ تارتىپكە، زاڭعا قايشىلىق جاساپ تاپقان تابىسىن تاركىلەدى. گانسۋ ولكەسى جيايۇيگۋان قالالىق باقىلاۋ - تەكسەرۋ كوميتەتى ونىڭ پارا الۋ قىلمىسىنا ساياتىن ماسەلەسىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەردى، وعان ساياتىن مال - مۇلىك دەلومەن بىرگە وتكىزىپ بەرىلدى.