كوكتەم مەرەكەسىنەن بۇرىن قاجەتتى تاقتاي ۇيلەردى قۇراستىرىپ بولۋعا كۇش سالىنادى
شيزاڭداعى جەر سىلكىنگەن وڭىرلەر جالپى بەتتىك وتپەلى ورنالاستىرۋ كەزەڭىنە قادام تاستادى
1 – ايدىڭ 16 – كۇنى تۇستەن كەيىن، شيزاڭ اۆتونوميالى رايوندىق حالىق ۇكىمەتىنىڭ اقپارات كەڭسەسى شيزاڭ اۆتونوميالى رايونى رىكازى قالاسى ديڭرى ادانىندا تۋىلعان 6.8 بال جەر سىلكىنىسى جونىندە اقپار جاريالاۋ ءماجىلىسىن اشتى. رىكازى قالالىق حالىق ۇكىمەتىنىڭ ورىنباسار باستىعى ليۋ حۋاجۇڭ كوكتەم مەرەكەسىنەن بۇرىن قاجەتتى قۇراستىرمالى ۇيلەردى سالىپ بولۋعا كۇش سالاتىنىن ءبىلدىردى.
ليۋ حۋاجۇڭ بىلاي دەدى: قازىر جەر سىلكىنىسى اپاتى تۋىلعان رايون ۋاقىتتىق ورنالاستىرۋدان جالپى بەتتىك وتپەلى ورنالاستىرۋعا ويىستى. جەرگىلىكتى ورىن ءتۇرلى جاقتارداعى بايلىقتى ءبىر تۇتاس جوسپارلاپ، تاقتاي ۇيلەر مەن ونى قۇراستىرۋشىلاردى، ماشينالاردى كۇش سالا ۇيىمداستىرىپ، ايازدى ۇستىرتتە وتتەگى جەتىسپەۋ، بوران سوعۋ، قۇمدى بوران سوعۋ قاتارلى قيىنشىلىقتاردى جەڭىپ، ۇستەمە جۇمىس ىستەپ، تاقتاي ءۇيدىڭ قۇرىلىسىن ىلگەرىلەتىپ، كوكتەم مەرەكەسىنەن بۇرىن قاجەتتى تاقتاي ءۇيدى سالىپ بولۋعا كۇش سالىپ، اپاتقا ۇشىراعان بۇقارانىڭ قىستان حاۋىپسىز، جىلى وتۋىنە كەپىلدىك ەتەدى. (باس ستانسيانىڭ ءتىلشىسى چىن چىن، دوجي رىنچيڭ)
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
