كوكتەم سامالى ارەكەتىن ورىستەتەدى

شينحۋا اگەنتتىگىنىڭ ءتىلشىسى جياڭ لين 1 – ايدىڭ 16 – كۇنى بەيجيڭنەن حابارلايدى. ءتىلشىنىڭ 1 - ايدىڭ 16 – كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، ەڭبەكشىلەردىڭ ءساتتى جۇمىستانىپ، كىرىسىن ارتتىرۋىنا، كاسىپورىنداردىڭ ءوندىرىس پەن تيجاراتتى ورنىقتىرۋىنا دەم بەرىپ، ەكونوميكانىڭ دامۋىن ىلگەرىلەتىپ، ”ورنىقتى باستامانى“ ىسكە اسىرۋ ءۇشىن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، قاتىناس – تاسىمال مينيسترلىگى، اۋىل شارۋاشىلىعى جانە اۋىل – قىستاق مينيسترلىگى قاتارلى 8 تاراۋ 1 - ايدىڭ ورتا شەنىنەن 3 - ايدىڭ ورتا شەنىنە دەيىن بۇكىل ەلىمىز كولەمىندە 2025 - جىلعى كوكتەم سامالى قيمىلىن ورىستەتىپ، اۋىل – قىستاقتاعى جۇمىستانۋدى، شارۋاشىلىق قۇرۋدى ءۇمىت ەتەتىن ەڭبەكشىلەرگە، جۇمىسشى ىستەتۋدى قاجەت ەتەتىن ادام ىستەتەتىن ورىندارعا جۇمىستانۋ جاعىندا شوعىرلى تۇردە قىزمەت وتەيدى.

ادام كۇشى بايلىعى جانە قوعامدىق قامتاماسىزداندىرۋ مينيسترلىگى جۇمىستانۋدى جەبەۋ مەڭگەرمەسىنىڭ قاتىستى جاۋاپتىسى بىلاي دەپ تانىستىردى: بۇل رەتكى قيمىلدا «كوكتەم سامالىمەن جۇمىس ورنىن جەتكىزىپ، جۇمىستانۋدى جەبەپ، دالمە - ءدال قىزمەت وتەپ، جۇرتتى مەيىرگە بولەۋ» نەگىزگى تاقىرىپ ەتىلدى. قيمىل كەزىندە، جەر - جەر ”جۇمىسقا ورنالاستىرۋ بويىنشا حالىقتىڭ جاعدايىن ۇعىسۋ“ جانە ”كاسىپورىندارعا بارىپ، قاجەتىن ۇعىسۋ“ قيمىلىن شوعىرلى ۇيىمداستىرىپ، شارۋا جۇمىسكەرلەر جۇمىستاناتىن ءداستۇرلى جۇمىس ورىندارى، اۋىل - قىستاقتاعى ەڭبەكشىلەردىڭ شەبەرلىك دەڭگەيىنە ساي كەلەتىن جاڭادان گۇلدەنگەن سالالارداعى جۇمىس ورىندارى، قىزمەت وتەۋ تۇرىندەگى جۇمىسشى قاجەت ەتەتىن جۇمىس ورىندارى، سونداي – اق، سول جەردىڭ وزىندە، جاقىن ماڭدا جۇمىسقا ورنالاستىراتىن جۇمىس ورىندارى قاتارلىلاردى كۇش سالا جيناقتاپ، جۇمىسقا قابىلداۋ قيمىلى، شۇعىل قاجەتتى، جۇمىسشى كەمشىل جۇمىس ورىندارى، تاربيەلەۋ قۇرىلىمدارىنىڭ تىزىمدىگى قاتارلى ينفورماتسيالاردى دالمە - ءدال جەتكىزەدى. بىرلەسىپ قىزمەتكەر قابىلداۋ قيمىلى، كولەمدى قىزمەتكەر قابىلداۋ قيمىلى، ارناۋلى قىزمەتكەر قابىلداۋ قيمىلى، جىلجىمالى قىزمەتكەر قابىلداۋ قيمىلى، تۇيىندە تۇرىپ قىزمەتكەر قابىلداۋ قيمىلى قاتارلى ءتۇرلى فورمالاردان پايدالانىپ، قىزمەتكەر قابىلداۋ قيمىلىن شوعىرلى وتكىزىپ، ۋاقىتتىق جۇمىس بازارىنا، ۋاقىتتىق جۇمىس بەكەتتەرىنە سۇيەنىپ، يكەمدى جۇمىستانۋشىلارعا باعىتتالعان جۇمىس ىزدەۋشىلەردى ۇشتاستىرۋ قيمىلىن اناعۇرلىم كوپ ۇيىمداستىرادى.

وڭىرلىك سايكەستى دامۋ ستراتەگياسىنا، وڭىرلىك كەلەلى ستراتەگياعا جانە نەگىزگى تۇلعالىق فۋنكتسيالىق رايون ستراتەگياسىنا قىزمەت وتەۋدى ارقاۋ ەتىپ، جەر ـ جەر ەڭبەككۇشتەردى جۇمىس ورىندارىمەن ۇشتاستىرۋدى كەڭ كولەمدە ورىستەتىپ، ديقان جۇمىسكەرلەردىڭ ءجۇرىس ـ تۇرىسىنا قولايلىلىق جاراتادى. قاتىستى ۇقتىرۋدا جەر – جەردەن كوكتەم مەرەكەسى كەزىندە جۇمىسكەرلەردىڭ اۋىلىنا قايتاتىن مەزگىلىن مىقتى يگەرىپ، جەلىلەس تانىستىرۋ قيمىلىن ورىستەتىپ، اۋىلىنا قايتىپ شارۋاشىلىق قۇرۋشىلاردىڭ شارۋاشىلىق نىساندارىن شارۋاشىلىق قۇرۋشىلاردى جەتىلدىرۋ بازاسىنا، اۋىلىنا قايتىپ شارۋاشىلىق قۇرۋشىلاردىڭ نىسان باقشاسىنا بارىپ ورنالاسۋعا ۇيىمداستىرىپ، شارۋاشىلىق قۇرۋ نىسانىنىڭ تياناقتاندىرىلۋىنا، زورايۋىنا كومەكتەسۋ تالاپ ەتىلدى.

كوكتەم مەرەكەسىنىڭ الدى – ارتىنداعى مەزگىلدە ديقان جۇمىسكەرلەردىڭ جۇمىس ورنىن اۋىستىرىپ جۇمىس ىزدەۋى ەڭ جوعارى شەككە جەتەدى. جوعارىدا اتالعان جاۋاپتى ادام: ”ءبىر قىدىرۋ قيمىلداردى شوعىرلى ىلگەرىلەتۋ ارقىلى جۇمىستانۋ جاعىندا قىزمەت وتەۋمەن كەڭ كولەمدى قامتۋدى، جۇمىستانۋ جاعىندا كومەكتەسۋ ـ سۇيەمەلدەۋدىڭ ءونىمدى بولۋىن، بازاردىڭ جاندانا ءتۇسۋىن ىسكە اسىرامىز“ دەدى.