ەكى تاراۋ اۋىل – قىستاقتا ەگىستىك جەردى بەتالدى يەمدەنىپ ءۇي سالۋ ماسەلەسىن تەجەدى
قارا توپىراقتى يەمدەنىپ ”ەرەكشە شاعىن قالاشىق“ قۇرۋ قاتارلى ەگىستىك جەردى يەمدەنىپ الۋ ماسەلەسىن باتىل جونگە سالادى
ءىشىنارا جەرلەردە ءالى دە ورىن تەۋىپ وتىرعان ”سەگىزگە جول قويماۋ“ تالابىنا قايشىلىق جاساۋ، ەگىستىك جەردى الباتى يەمدەنۋ، ءبۇلدىرۋ قاتارلى ماسەلەلەرگە قاراتا، جاراتىلىستىق بايلىق مينيسترلىگى، اۋىل شارۋاشىلىعى جانە اۋىل – قىستاق مينيسترلىگى تاياۋدا ”سەگىزگە جول قويماۋ“ تالابىنا قاتاڭ بويسۇنىپ، جاڭادان قوسىلعان ماسەلەلەردى باتىل تەجەۋ جونىندە ۇقتىرۋ شىعاردى.
ەگىستىك جەر — استىق ءوندىرىسىنىڭ جان تامىرى. ەگىستىك جەردى قورعاۋ ءبىر ميلليارد 400 ميلليون ادامنىڭ تاماق ماسەلەسىنە سايادى، تيتتەي دە اعاتتىق جىبەرۋگە بولمايدى. حابارلاندىرۋدا مىنالار تالاپ ەتىلدى: ەگىستىك جەردى بەتالدى يەمدەنۋ، ءبۇلدىرۋ سىندى زاڭعا قايشى ارەكەتتەردى باتىل جونگە سالىپ، ءتۇسىن وزگەرتىپ ساۋدالاۋدان، جەردى قوسىپ الۋدان قاتاڭ ساقتانىپ، ”جىلىجايلاردىڭ“ قايتا باس كوتەرۋىنەن شىنايى ساقتانىپ، قارا توپىراقتى يەلەپ”ەرەكشە شاعىن قالاشىق“ سالۋ قاتارلى ەگىستىك جەردى يەمدەنىپ الۋ ماسەلەلەرىن باتىل وڭاۋ كەرەك. تۇتاس تىزبەكتى باقىلاۋ ـ باسقارۋدى كۇشەيتىپ، جەر بايلىعىن اشۋدىڭ، پايدالانۋدىڭ تۇتاس بارىسىن، ءارقايسى بۋىندارىن باقىلاۋ ـ باسقارۋ وتكەلىن ويداعىداي يگەرىپ، ەگىستىك جەردى قورعاۋ قىزمەتىن ونان ارى قاتايتىپ، ءبىر ميلليارد 800 ميلليون مۋ ەگىستىك جەردىڭ قىزىل سىزىعىن مىقتاپ ساقتاۋعا كەپىلدىك ەتۋ كەرەك.
ۇقتىرۋدا قاتاڭ باقىلاپ – باسقارۋعا جانە زاڭ اتقارۋعا تاباندى بولىپ، اۋىل – قىستاقتا ەگىستىك جەردى بەتالدى يەلەپ ءۇي سالۋدى ارناۋلى جونگە سالۋ قىزمەتىنىڭ تابىسىن بەكەمدەۋ باسا دارىپتەلدى. ”سەگىزگە جول قويماۋ“ تالابىنا قايشىلىق جاساپ، ەگىستىك جەردى جاڭادان زاڭعا قايشى يەمدەنۋ ماسەلەسىنە استە جول قويماۋ پوزيتسياسىمەن زاڭ بويىنشا قاتاڭ ءبىر جاقتى ەتۋ، اسىرەسە يەمدەنىپ الۋ، كوپ يەمدەنۋ، زاڭسىز ساتۋ قاتارلى جەردى جات نيەتپەن يەمدەنىپ ءۇي سالۋ ارەكەتتەرىن قاتاڭ، اۋىر جازالاۋ كەرەك. ەگىستىك جەردى قورعاۋدىڭ تۇلعالىق جاۋاپكەرشىلىگىن اناعۇرلىم قاتايتىپ، ناقتىلاندىرىپ، زاڭعا قايشى ارەكەتتەردى باقىلاۋ ـ تەكسەرۋ، باقىلاۋ ـ باسقارۋ تەبىنىن كۇشەيتىپ، ەرتە بايقاۋدى، ەرتە تيۋدى، قاتاڭ تەكسەرىپ ءبىر جاقتى ەتۋدى شىنايى ورىنداۋ كەرەك. زاڭعا قايشىلىق جاساپ ەگىستىك جەردى يەمدەنىپ الىپ، اۋىل شارۋاشىلىعىنا جاتپايتىن قۇرىلىستارمەن شۇعىلدانعاندار جونگە سالۋ، رەتكە سالۋ، ءبىر جاقتى ەتۋدى تياناقتاندىرۋدان بۇرىن، اۋىل شارۋاشىلىعىنا جاتپايتىن قۇرىلىستاردى يەمدەنۋمەن، تولىقتاۋمەن بايلانىستىرىلعان ولكەلەردە، الدىمەن سول جەردەگى سايكەستى زاپاس ەگىستىك جەر تولىقتاۋ كورسەتكىشىن مۇزداتۋ كەرەك. كەلەلى تيپتىك ماسەلەلەر جونىندە ماڭدايشالىق اسىپ قۋزاۋ، تىكەلەي دەلو تۇرعىزۋ، اشىق حابارلاندىرۋ سياقتى تاسىلدەرمەن ءبىر جاقتى ەتۋ كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
