كورەيا سوت مەكەمەسى يىن شييۋەنى بوساتۋ ءوتىنىشىن تويتارىپ تاستادى
شينحۋا اگەنتتىگىنىڭ 1 – ايدىڭ 16 - كۇنى سەۋلدەن بەرگەن حابارى. كورەيانىڭ سەۋل ورتالىق جەرگىلىكتى سوت مەكەمەسى 1 – ايدىڭ 16 - كۇنى قاۋلى شىعارىپ، جوعارى دارەجەلى ۇكىمەت قىزمەتكەرلەرىنىڭ قىلمىسىن تەكسەرۋ باسقارماسىنىڭ يىن شييۋەنى قولعا الۋ بۇيرىعىن اتقارۋىنىڭ زاڭدى ەكەندىگىن مويىنداپ، يىن شييۋەنى بوساتۋ ءوتىنىشىن تويتارىپ تاستادى.
سوت مەكەمەسى سول كۇنى يىن شييۋە جاقتىڭ ءوتىنىشى بويىنشا قولعا الۋدى لايىقتى تەكسەرۋ جونىندە تەرگەۋ جۇرگىزگەندە، يىن شييۋە جاق پەن جوعارى دارەجەلى ۇكىمەت قىزمەتكەرلەرىنىڭ قىلمىسىن تەكسەرۋ باسقارماسى يىن شييۋە جاق ورتاعا قويعان جوعارى دارەجەلى ۇكىمەت قىزمەتكەرلەرىنىڭ قىلمىسىن تەكسەرۋ باسقارماسىنىڭ بىلىقپالىق تۋدىرۋ قىلمىسىن تەكسەرۋ ۇقىعى بار ما، جوق پا دەگەن ماسەلە جونىندە، سەۋلدەگى باتىس بولەك جەرگىلىكتى سوت مەكەمەسىنە قولعا الۋ بۇيرىعىن ءوتىنىش ەتۋى باسقارۋ كولەمىنە قايشىلىق جاسادى ما، جوق پا دەگەن ماسەلە جونىندە قيان - كەسكى ايتىس جۇرگىزدى.
ەڭ سوڭىندا سوت مەكەمەسى جوعارى دارەجەلى ۇكىمەت قىزمەتكەرلەرىنىڭ قىلمىسىن تەكسەرۋ باسقارماسىنىڭ يىن شييۋەنى قولعا الۋىندا ”ماسەلە جوق“، يىن شييۋەنىڭ ”ءوتىنىشى ورىنسىز“ دەپ قاراپ، ونى تويتاردى.
قولعا الۋداعى لايىقتى تەكسەرۋ دەپ قولعا الىنعان كۇماندى ادامنىڭ قولعا الىنۋى ۇيلەسىمدى بولمادى دەگەن سەبەپپەن سوت مەكەمەسىنەن بوساتۋدى ءوتىنىش ەتۋ ءتارتىبى ايتىلادى. يىن شييۋەنىڭ ادۆوكاتتار ۇجىمى 1 – ايدىڭ 15 – كۇنى قولعا الۋدىڭ لايىقتىلىعىن تەكسەرۋدى ءوتىنىش ەتتى. قاتىستى زاڭدارعا نەگىزدەلگەندە، سوت مەكەمەسى ءوتىنىشتى تاپسىرىپ العاننان كەيىن 48 ساعات ىشىندە كۇماندىنى تەرگەۋى ءارى تەرگەۋ اياقتاعاننان كەيىنگى 24 ساعات ىشىندە ۇيعارىم جاساۋى كەرەك.
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
