ەلىمىزدىڭ جاڭا ەنەرگيالى اۆتوموبيلدى ءوندىرۋ، ساتۋ مولشەرى ءۇرتىس 10 جىل دۇنيە ءجۇزى بويىنشا ءبىرىنشى ورىندى ساقتادى
شينحۋا اگەنتتىگىنىڭ تىلشىلەرى جاڭ شينشين، جاڭ شياۋجيە 1 – ايدىڭ 21 – كۇنى بەيجيڭنەن حابارلايدى. ونەركاسىپ جانە ينفورماتسيالاندىرۋ مينيسترلىگىنىڭ ورىنباسار مينيسترى جاڭ يۇنميڭ 1 – ايدىڭ 21 – كۇنى مەملەكەتتىك كەڭەستىڭ اقپارات كەڭسەسى وتكىزگەن ”جۇڭگو ەكونوميكاسىنىڭ جوعارى ساپالى دامۋىنىڭ ناتيجەسى“ اتتى جەلىلەس اقپار جاريالاۋ ماجىلىسىندە بىلاي دەدى: 2024 ـ جىلى ەلىمىزدىڭ جاڭا ەنەرگيالى اۆتوموبيلدەرىنىڭ جىلدىق ءوندىرۋ مولشەرى مەن ساتىلىم مولشەرى تۇگەلدەي 10 ميلليون اۆتوموبيلدىق ساتىعا كوتەرىلىپ، جەكە ـ جەكە 12 ميلليون 888 مىڭ اۆتوموبيل جانە 12 ميلليون 866 مىڭعا اۆتوموبيلعا جەتىپ، جاڭا ەنەرگيالى اۆتوموبيلدەردى ءوندىرۋ، ساتۋ مولشەرى ءۇرتىس 10 جىل دۇنيە ءجۇزى بويىنشا 1 ـ ورىندى يەلەگەن.
وتكەن 10 جىلدا ەلىمىزدىڭ جاڭا ەنەرگيالى اۆتوموبيلدەرىنىڭ جىلدىق ساتىلىم مولشەرى 10 مىڭ اۆتوموبيل دارەجەسىنەن 10 ميلليون اۆتوموبيل دارەجەسىنە جەتىپ، ونىمدەرى 70 نەشە مەملەكەت پەن رايونعا ەكسپورت ەتىلىپ، جۇڭگودا جاسالعان ونىمدەردىڭ ”تاماشا تانىسقىسىنا“ اينالعان.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
