”ۇستاز، كەرنەۋ وزگەرتۋ ورنىندا ۇيىلگەن ۇساق-تۇيەك زاتتاردى تازالاۋ كەرەك ەكەن...“ جۋىردا، ايماقتىق بازاردى باقىلاۋ-باسقارۋ مەكەمەسىنىڭ ەرەكشە جابدىقتاردى تەكسەرۋ ورنىنىڭ قىزمەتكەرلەرى التاي قالاسى لانتيان جىلۋمەن قامداۋ شەكتى جاۋاپكەرشىلىك سەرىكتەستىگىندە جىلۋمەن قامدايتىن پار قازانداردى جالپى بەتتىك ”تەكسەرىپ“، جىلۋمەن قامداۋ جابدىقتارىنىڭ حاۋىپسىز اينالىمىنا شىنايى كەپىلدىك ەتتى.
تەمپەراتۋرانىڭ تومەندەۋىنە بايلانىستى، ايماقتىڭ جىلۋمەن قامداۋ قىزمەتى جاپپاي باستالدى. بىرنەشە كۇننەن بەرى، ايماقتىق بازاردى باقىلاۋ-باسقارۋ مەكەمەسىنىڭ ەرەكشە جابدىقتاردى تەكسەرۋ ورنىنىڭ قىزمەتكەرلەرى جىلۋمەن قامدايتىن كاسىپورىنداردىڭ ءبىرىنشى شەبىنە بارىپ، پار قازان اينالىمىنداعى ارناۋلى جابدىقتاردى، سۋ ساپاسىن تەكسەردى.
قىزمەتكەرلەر تەحنيكالىق ولشەمنىڭ تالابىنا ساي، پار قازاننىڭ تۇلعاسى، حاۋىپسىزدىك قوسىمشا جابدىعى، قوسىمشا جابدىقتاردى جانە قىزمەتكەرلەردىڭ كۋالىكپەن قىزمەتكە شىعۋى قاتارلى جاعدايلاردى مۇقيات تەكسەردى ءارى كاسىپورىنداردىڭ پار قازان جابدىقتار اينالىمىندا ورىن تەۋىپ وتىرعان حاۋىپ-قاتەر، كومەسكى كىناراتتى شەكتى مەرزىم ىشىندە تۇزەتۋگە قۋزادى. سونىمەن بىرگە، كاسىپورىنداردىڭ قىزمەت ورنى جاۋاپكەرشىلىك ءتۇزىمىن كۇشەيتۋ، قىزمەتكەرلەردىڭ كۋالىكپەن قىزمەتكە شىعۋىن باسقارۋىن ارناعا ءتۇسىرۋ جانە پار قازان شىرعالاڭىنا شۇعىل توتەپ بەرۋ، ءبىر جاقتى ەتۋ قابىلەتىن جوعارىلاتۋ قاتارلىلار جونىندە ارناعا ءتۇسىرۋ ۇسىنىسىن ورتاعا قويدى.
التاي قالاسى لانتيان جىلۋمەن قامداۋ شەكتى جاۋاپكەرشىلىك سەرىكتەستىگىنىڭ وندىرىسكە جاۋاپتى ورىنباسار ديرەكتورى سۇڭ ۋىنشىڭ بىلاي دەدى: وسى رەتكى تەكسەرۋ ءبىزدىڭ ماسەلەنى بايقاۋىمىزعا پايدالى بولىپ عانا قالماستان، ناقتى تۇزەتۋ پىكىرىن دە ورتاعا قويدى، ءبىز تالاپ بويىنشا قاتاڭ رەتتەپ-تۇزەتىپ، جىلۋمەن قامداۋ مەزگىلىندەگى پار قازان جابدىقتارىنىڭ حاۋىپسىز اينالىمىنا شىنايى كەپىلدىك ەتىپ، قالا تۇرعىندارىنىڭ قىستان الاڭسىز وتۋىنە مۇمكىندىك جاسايمىز.
قازىرگە دەيىن ايماقتىق بازاردى باقىلاۋ-باسقارۋ مەكەمەسىنىڭ ەرەكشە جابدىقتاردى تەكسەرۋ ورنى جىلۋمەن قامدايتىن 9 كاسىپورىنداعى 28 پار قازانىنىڭ اينالىمىن تەكسەردى جانە سۋ ساپاسىن 7 رەت تەكسەردى.
”الداعى جەردە اۋداندارعا بارىپ، جىلۋمەن قامداۋ جابدىقتارىن تەكسەرۋدى جاپپاي ورىستەتىپ، كاسىپورىنداردى ءوزىن-ءوزى تەكسەرۋگە، رەتتەۋ-تۇزەتۋگە قۋزاپ، ايماقتىڭ پار قازان حاۋىپسىزدىك حاۋىپ-قاتەرىنەن ساقتانۋ جانە ونى تىزگىندەۋ ورەسى مەن باسقارۋ دەڭگەيىن ۇزدىكسىز جوعارىلاتىپ، تۇرعىنداردىڭ قىستان الاڭسىز وتۋىنە كەپىلدىك ەتەمىز“،-دەدى ايماقتىق بازاردى باقىلاۋ-باسقارۋ مەكەمەسىنىڭ ەرەكشە جابدىقتاردى تەكسەرۋ ورنى قىسىم توزىمدىلىگىن تەكسەرۋ كەڭسەسىنىڭ مەڭگەرۋشىسى داي لي.
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
