تۇيۇقسىز كەلگەن مۇھەببەت 76-قىسىم_ قۇتۇلۇش

76-قىسىم قاراڭغۇلۇقتىن قۇتۇلۇش 

بۇ يەردە  ئىشلىتىلگەن ھاۋا تەڭشىگۈچ پەقەت بولمايدىكەن.

مۇنىرە ئىسسىپ، قىزىپ كېتىۋاتقان يۈزىنى تۇتۇپ، خوجايىننىڭ ھاۋا تەڭشىگۈچ زاۋۇتىغا پىكىر بېرىپ قويۇشىنى كۈچلۈك تەۋسىيە قىلدى.

پۇئېر چاي بەشىنچى قېتىم ئىچىلدى، ھەر خىل گۈل تورتلىرىدىن يەتتە-سەككىز پارچە يەپ بولغاندىن كېيىن، ئۇنىڭ يۈزىدىكى قىزىش سۇسلاشتى.

    قورسىقىڭىز  تويغان بولسا ماڭايلى، - دېدى نادىر ئورنىدىن تۇرۇپ، كىچىك ئايرىمخانىدىكى غەمسىز ۋاقىتلاردىن مېھرىنى ئۈزەلمىگۈدەكمۇ ئىش يوق.  چايخانىغا كىرىشىمۇ، خۇددى تاماقخانىغا كىرگەندەك قورساق تويغۇزۇش ئۈچۈن.

مۇنىرە ئۆزىنىڭ ئېغىر قورسىقىنى سىلاپ، ئەڭ ئاخىرىدا ئەسلىمىسىدە بار بولغان بىر يۈرۈش چىنە-چەينەكلەرگە بىر قارىۋەتكەندىن كېيىن، نادىرغا ئەگىشىپ كېتىپ قالدى.

بامبۇك پەردە كۆتۈرۈلۈپ، يەنە جىمجىت چۈشتى.

تاسادىپىي ئۇچرىشىپ قېلىش، كۆپ ھاللاردا مۇشۇنداق پۈتۈنلەي تەييارلىقسىز ۋاقىتتا يۈز بېرىدۇ.

ھەيرانلىق ئىپادىسى بىرلا ۋاقىتتا ئىككى قىزنىڭ چىرايىدا پەيدا بولدى، ھەر ئىككىسىنىڭ ئىنكاسىمۇ ئوخشىشىپ قالدى، ھەر بىرى كەينىگە بىر قەدەم چېكىندى، كەيپىيات بىر دەمدىلا مۇزلاش نۇقتىسىغا چۈشۈپ قالدى.

ئۇلارغا كەينىنى قىلىپ  نادىرنىڭ كەينىدىن بىرسى تىكىلىپ قارىغاندەك بىلىنىپ، دەرھال كەينىگە بۇرۇلدى.

مۇرات نادىرنى كۆرۈپ، ئاچچىق كۈلۈپ قويۇپ <دەرۋەقە مۇشۇ ئادەمكەن> دېدى ئىچىدە.

مۇشۇنداق كۆرۈنۈشلەردىمۇ نادىرنىڭ مەۋجۇتلۇقى ئىنتايىن كۈچلۈك ئىدى، پەزىلىيەنىڭ نەزىرى ناھايىتى تېزلا بۇ ناتونۇش ئەرگە چۈشتى، قارشى تەرەپنىڭ ھېچقانداق ھېسسىيات بولمىغان پەرۋاسىز كۆزلىرىگە قاراپ، يۈرىكى پوك-پوك بولۇپ، تېزلا قايتۇرۇۋالدى.

بۇ ئادەم كىم؟ مۇنىرە قانداقسىگە بۇنداق يېقىن تۇرىدۇ؟

ئۇ ئىختىيارسىز ھالدا چەتكە قاقتى، بۇ ئىنكاس مۇنىرەنىڭ نادىرنى تۇنجى قېتىم كۆرگەندىكى ئىنكاسى بىلەن ئوخشاش بولۇپ، ئارىلىق ساقلىماقچى بولدى.

ئۇ ئىككىسىنىڭ بىللە تۇرغانلىقىنى كۆرۈپ، نېمىشقىدۇر مۇنىرەنىڭ كۆڭلى جايىغا چۈشتى، ئۇ نادىرنىڭ كىيىمىنى تارتىپ  پەس ئاۋازدا:

    نادىر  ئەپەندى، يۈرۈڭ. - دېدى.

پەزىلىيەنى تونۇمايدىغان نادىرنىڭ لەۋلىرى سەل-پەل كۆتۈرۈلۈپ، مۇنىرەنىڭ كۆڭۈل قويۇپ پەرۋىش قىلغان ئۇزۇن چاچلىرىنى سىلاپ قويۇپ، قولىدىن  يېتىلەپ ماڭماقچى بولدى.

   مۇ... مۇنىرە! 

بىر ئايدىن كۆپرەك كۆرۈشمىگەن پەزىلىيە تىت-تىت بولۇپ، ئاخىرى ئۆزىنى تۇتۇۋالالماي:

    بىز پاراڭلىشىپ باقايلى، بولامدۇ؟ - دېدى.

مۇنىرە قەدىمىنى توختىتىپ، ئىختىيارسىز يېنىدىكى نادىرغا قارىدى، نادىر قېشىنى ئېتىپ قويۇپ،  مەسخىرىلىك ھالدا:

    ماڭا قاراپ نېمە قىلىسىز؟ - دېدى.

مۇنىرەنىڭ ئېغىزى ئۇچلىنىپ قالدى،  ياردەم قىلىپ بىر ئامال تېپىپ بەرمەمسىز! دېگەندەك ئىشارەت قىلدى.

    بوينىڭىزنىڭ ئۈستىدىكى بۇ نەرسىنىڭ نېمە پايدىسى بار؟  - دېدى نادىر .

ئاقكۆڭۈللۈكى ساختاكەن  ! ساختا! ھەممىسى يالغان!

مۇنىرەنىڭ ئىچى ئاچچىق بولدى، بايا تېخى بوۋىسىنىڭ ئىز باسارى بولۇشنى تەلەپ قىلغان تۇرۇقلۇق، مانا مۇشۇنداق پوزىتسىيەدە بولدى، ھەقىقەتەن ئۆزگىرىشچان ئەر ئىكەن!

ئۆزى قارار قىلسا تامامەن بولىدۇ، ئۇ يا راستتىنلا قارار قىلالمايدىغان ئادەم بولمىسا.

مۇنىرە كەينىگە بۇرۇلۇپ، پەزىلىيەنىڭ كۆزلىرىگە يەنە بىر قارىۋەتكەندىن كېيىن، تەمكىن ھالدا:

   ئەمىسە پاراڭلىشايلى، - دېدى. 

ئىككى قىز چايخانىغا قايتىپ كېلىپ، ئېگىز بويلۇق ئىككى ئەرنى قالدۇرۇپ قويدى، بىرسى قاپىقىنى تۈرۈپ، يەنە بىرى چىراي ئىپادىسى يوق ھالەتتە قالدى.

ئۇ تەرەپتىكى قىزغىنلىق بىلەن مۇلازىمەت قىلىۋاتقان خوجايىن ئۇلارغا قاراپ كۈلۈپ قويۇپ:

    مەن سىلەرگە يەنە بىر تەخسە ئەتىرگۈل تورتى سوۋغا قىلاي، ۋاقىت ئۆتكۈزۈشكە ئەسقاتىدۇ ، - دېدى. 

ئەسلىدىمۇ ئىككى ئايرىمخانىدا ئولتۇرغانىدى، ھازىرمۇ يەنىلا ئىككى ئايرىمخانىغا كىرىپ قالدى.

نادىر ئىچىگە كىرىپ ئولتۇرۇپ، بىر ئېغىزمۇ گەپ قىلمىدى، ھەم ھېچنېمىنى سورىمىدى.

نادىرنىڭ ھەرقانداق ۋاقىتتا، ھەرقانداق سورۇندا، ھېچقانداق گەپ قىلماي تۇرۇپمۇ ئوڭايسىزلىنىپ قالمايدىغان ئىقتىدارى بار، لېكىن بۇ ماھارەتنى ھەممە ئادەم ھازىرلىيالمايدۇ، ھېچ بولمىغاندا مۇراتتا يوق.

شۇنىڭ بىلەن ئىككىيلەن بىر-بىرىگە قارىشىپ ئولتۇرۇپ، ئاۋۋال مۇرات ئېغىز ئېچىپ:

   مۇنىرە ئىككىڭلار مۇھەببەتلىشىۋاتامسىلەر؟ - دەپ سورىدى. 

نادىر قاپىقىنى تۈرۈپ، كۆزىنىڭ قۇيرۇقىدا قاراپ قويۇپ:

    پاكىت سىزنىڭ بىر ئېغىز سوئالىڭىز بىلەن ئۆزگىرىپ قالمايدۇ، ئەمەلىيەتتە سىز ئوبدان بىلىسىز.  - دېدى.

    ھەقىقەتەن رەھىمسىز ئىكەنسىز.  - دېدى مۇرات بېشىنى چايقاپ،   مەندىن بۇرۇن پەيدا بولغان بولسىڭىز، ئەجەبلىنەرلىك ئەمەستى، مۇنىرەمۇ دەسلەپتە سىزنى ياخشى كۆرمەيتتى. - دېدى .

    دېگىنىڭىز توغرا. - دېدى نادىر بېشىنى لىڭشىتىپ،    سىزنىڭ باشلىنىشىڭىز بار، مېنىڭ جەريانىم ۋە نەتىجەم بار، - دېدى. 

 ئۇنىڭ ئالدىدا ئۆزىنى تۇتۇۋالالماي ئولتۇرغان ئادەم شۇ تاپتا  مۇشت ئاتقۇدەك بولدى.

مۇرات چىداپ تۇرۇشنى تاللىدى، يېڭىلگۈچى بولۇش سۈپىتى بىلەن يەنە قوپاللىق قىلسا، ئابرۇيىنى يوقىتىپ قويىدۇ، شۇڭا ئاۋۋال قول سالالمايدۇ.

بۇنداق رەھىمسىز بولۇش نادىرنىڭ تەبىئىتى ئەمەس، ئۇنىڭ مىجەزى كەسكىن، دۇرۇس، ئادەتتە قارشى تەرەپ بىلەن كارى بولمايدۇ، ھەم ئالدىراپ ياخشى گەپ قىلمايدۇ. ئالدىنقى قېتىم  ئەمەت بىلەن پاراڭلاشقاندىمۇ، ھازىرقىدەك قولى قىچىشىپ كەتمىگەن، ئەمما بۇ ئادەمنى كۆرۈپلا  ئاچچىقى كېلىپ قالدى خالاس.

مۇنىرە نادىرنى ھەرقانچە چوڭ بىلىپ، بېشىغا ئېلىپ كۆتۈرسىمۇ ، نادىرنىڭ ئۆزى ناھايىتى سەگەك، ئۇ ئادەتتىكى بىر ئەر بولۇش سۈپىتى بىلەن كۈندەشلىك قىلغاندا، كۆزىگە ھېچنېمە كۆرۈنمەيدۇ.

 مۇراتمۇ بۇنى بايقاپ قالدى، كۆڭلى ئارامىغا چۈشمىگەن يالغۇز ئۇلا ئەمەسكەن،  بىردىنلا روھىي ھالىتىنى تەڭشەپ، قايتىدىن كۈلۈمسىرەپ:

- ھەر ئىككىمىز بىر-بىرىمىزدىن قانچىلىك زېرىكسەكمۇ، ئۇلار چىقمىغىچە مۇشۇنداق ئولتۇرۇشىمىز كېرەك. بولمىسا بىز تىكىشىپ باقايلى، ئۇلار چىققاندا يارىشىپ قالامدۇ - يوق پەرەز قىلىپ باقايلى. - دېدى. 

نادىر ئۇنىڭغا قاراپ قويۇپ:

   - دو تىكىشمەيمەن، - دېدى. 

 يىللىق تېما ئاخىرلاشتۇرغۇچى چېمپىيونلۇقىنى باھالاشتا نادىردىن باشقا ھېچكىم يوق.

بۇ تەرەپتە ئوت يالقۇنى، ئىس-تۈتەكنى قىلچە يوشۇرغىلى بولمىدى، ئەمما ياندىكى ئۆي خۇددى يامغۇر ياغقاندەك شىرىلداپ، كىشىنى تولىمۇ ئەندىشىگە سالدى.

 - مۇنىرە، بىز 20 نەچچە يىل ياخشى دوست بولدۇق. - دېدى پەزىلىيە.

-    ھەئە.  - دېدى مۇنىرە.

 -  ئىلگىرى گەپ تالىشىپ، ماي تارتىشىپ قالىدىغان ۋاقىتلارمۇ بولغان، بىراق شۇ كۈنىلا ئەپلىشىپ قالاتتۇق، ئەزەلدىن كېيىنگە سۈرمەيتتۇق. - دېدى پەزىلىيە. 

    ھەئە.   - دېدى مۇنىرە.

-              بۇ قېتىم بىز شۇنچە ئۇزۇن ئۇرۇشتۇق، يارىشىپ قالساق قانداق؟ - دېدى پەزىلىيە ئۇنىڭغا ئۈمىد بىلەن قاراپ،    يارىشىپ قالىدىغان ۋاقىتىمىز بولدى، توغرىمۇ؟ -  دېدى؟ 

مۇنىرە بۇ قېتىم بېشىنى لىڭشىتمىدى، قەتئىيلىك بىلەن:

-   ياق.  - دېدى مۇنىرە.

پەزىلىيە ئۆزىنىڭ رەت قىلىنىدىغانلىقىنى ئويلاپمۇ باقمىغانىدى:

   - نېمىشقا  ... - دېدى.

 -  چۈنكى يارىشىپ قالساق بولمايدۇ. - دېدى مۇنىرە.

 -  قانداق قىلىپ ياخشى يارىشىپ قالساق بولمايدىغان بولۇپ قالدى؟ ھازىر بىزنىڭ ئارىمىزدا ھېچقانداق توقۇنۇش يوق، شۇنداق ئەمەسمۇ؟ ـ دېدى پەزىلىيە جىددىي ھالدا، ـ بىز شۇنچە يىل دوست بولدۇق، بىر ـ بىرىمىزنى چۈشىنىپ، چىقىشىپ ئۆتسەك ھەممىمىز خۇشال بولىمىز، نېمىشقا يارىشىپ قالساق بولمىغۇدەك؟  - دېدى.

مۇنىرە كۈلۈپ تۇرۇپ:

 -   مەسىلە مانا مۇشۇ يەردە. - دېدى. 

   -  نەدە؟ - دېدى پەزىلىيە. 

 -    ئارىمىزدا ھېچقانداق توقۇنۇش بولمىغانلىقىدا، يەنى مۇراتنى راستتىنلا ياخشى كۆرمىگەنلىكىم ئۈچۈن، مەن بىلەن يارىشىپ قالغۇڭىز  كەلگەنلىكىدە، -  دېدى مۇنىرە بۇ قېتىم  غەيرەتكە كېلىپ،   شۇڭا سىز بىلەن دوست بولغۇم يوق.   بۇنداق داۋاملاشقان 20 نەچچە يىللىق دوستلۇقنى قويۇڭ، ماڭا لازىم ئەمەس.  - دېدى.

بۇنداق كەسكىن گەپنىڭ ئۆزى كىچىكىدىنلا ئەركىلىتىپ، يۆلەنچۈك بولۇپ كەلگەن مۇنىرەنىڭ ئاغزىدىن چىقىدىغانلىقىنى ئويلاپمۇ باقمىغانىدى. پەزىلىيەنىڭ كاللىسى گادىرماچ خىياللار ئىچىدىن پەقەتلا چىقالماي:

- مۇنىرە، شۇنچە يىل بولدى... - دېدى. 

  - شۇنداق، شۇنچە يىللاردىن بېرى ساقلىنىپ كەلگەن دوستلۇقىمىز بىر مۇراتنىڭ ئالدىدا، شۇنچىلىك ئەھمىيەتسىز نەرسىگە ئايلىنىپ قالدى، - دېدى مۇنىرە.

 -  مەن مۇرات ئۈچۈن سىزدىن ئاغرىنىپ يۈردۈم، لېكىن مەن سىزنى تەس  كۈنگە چۈشۈپ قالسىكەن دەپ باقمىدىم! - دېدى پەزىلىيە. 

مۇنىرە بېشىنى لىڭشىتىپ:

-    بىز مۇشۇ يەردە خوشلاشساقمۇ، ئوخشاشلا  يامان كۈنگە قالسىكەن دەپ ئۈمىد قىلمايسىز، - دېدى.

 -  ئۇنداقتا نېمە ئۈچۈن مۇناسىۋىتىمىز ئۈزمىسە بولمايدىغان بولۇپ قالىدۇ؟  - دېدى پەزىلىيە.

  -   سۇ كەلگۈچە توغان تۇت دەپتىكەن، چۈنكى مەن سىزنىڭ يەنە قاچان  مۇشۇنداق تەس كۈنگە قالدۇرۇپ قويىدىغانلىقىڭىزنى بىلمەيمەن - دېدى مۇنىرە ئوچۇقىنى قىلىپ،    بىزنىڭ ئارىمىزدا غايەت زور تۈگۈن ئۆسۈپ چىقتى، قىسقا ۋاقىت ئىچىدە پۈتۈنلەي ساقايتقىلى بولمايدۇ، ئۆزىمىزنى زورلاپ ياخشى دوست بولۇپ يۈرگەندىن كۆرە، بىۋاسىتە ئايرىلىپ كەتكىنىمىز ياخشى. بەلكىم بىرەر كۈنى ئۇچرىشىپ قالساق، تۇيۇقسىز بىر-بىرىمىز بىلەن ھېسابلىشىپ ئولتۇرماي، چاي ئىچىپ، ئەركىن-ئازادە پاراڭلىشىپ ئولتۇرۇپ قېلىشىمىز مۇمكىن، - دېدى .

پەزىلىيە قوبۇل قىلالماي:

     بەك رەھىمسىز ئىكەنسىز. - دېدى .

لېكىن ئاۋۋال ۋىجدانسىزلىق قىلغىنى سىز.  - دېدى مۇنىرە ئىچىدە .

لېكىن ئاغزىدىن چىقارمىدى، بەدىنى تۈزلەپ راۋرۇس ئولتۇرۇپ، تېخىمۇ تەمكىن تەلەپپۇزدا:

  يەنە باشقا پاراڭلىشىدىغان ئىشلار بارمۇ؟ - دېدى. 

بۇنى ئاڭلىغان پەزىلىيە كۆزلىرىنى ئېتىۋېلىپ بىر ھازا كۈلدى، ئۇ ئۆزىنىڭ قايتۇرۇپ كېلەلمەيدىغانلىقىنى بىلىپ، ئاخىر گەپنى نادىرغا قارىتىپ:

  -ئۇ ئەر... سىزنىڭ ئوغۇل دوستىڭىزمۇ؟ - دەپ سورىدى.

مۇنىرە سەل ئىزا تارتقان بولسىمۇ، يەنىلا بېشىنى لىڭشىتىپ:

   شۇنداق.  - دېدى.

-        ئۇ سىز ياخشى كۆرىدىغان تىپتىن ئەمەس، ئۇنىڭ ئۈستىگە بۇ ئادەم بەك ھاكاۋۇر ئىكەن، مىجەزىمۇ  ئوسالدەك قىلىدۇ، بەلكىم سىلەر ئۇزۇنغا بارماي قېلىشىڭلار مۇمكىن،   - دېدى پەزىلىيە.