التاي ايماعى ءماجىلىس اشتى

11-ايدىڭ 11-كۇنى التاي ايماعى ءماجىلىس اشىپ، پارتيا 20-كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جاپپاي دايەكتىلەندىرۋدى، اۆتونوميالى رايوندىق پارتكومنىڭ شۋجيى ما شيڭرۇيدىڭ التايدا تەكسەرۋ ـ زەرتتەۋ جۇرگىزگەندەگى نۇسقاۋىن، تالابىن دايەكتىلەندىرۋدى، تياناقتاندىرۋدى ارقاۋ ەتىپ، قابا اۋدانىنىڭ ءتۇيىندى قىزمەتتەردى ىلگەرىلەتۋ جاعدايىن ارناۋلى اقىلداسىپ، تىڭداپ، كەلەسى ساتىداعى ءتۇيىندى مىندەتتەردى ورنالاستىردى. ايماقتىق پارتكومنىڭ شۋجيى شيە شاۋدي ءماجىلىستى باسقاردى.

ماجىلىستە اققابا حالىقارالىق قار شاڭعى ساياحات دەمالىس رايونى جانە قابا اۋدانىنىڭ سايقىنبۇلاق، اققابا كورىنىس رايونى، نارىن جايلاۋى قاتارلى نىسانىنىڭ جوباسى مەن قۇرۋ، اشۋ وي جەلىسىن اقىلداسىپ، قابا اۋدانىنىڭ «كونەنى وزگەرتىپ، جاڭالاپ سالۋ، التاي ايماعىنىڭ جوعارى ساپالى دامۋىن ىلگەرىلەتۋ جونىندەگى نەگىزدىك تەكسەرۋ ـ زەرتتەۋ دوكلادىنىڭ» تياناقتانۋ جاعدايى جونىندەگى مالىمەتتى ارناۋلى تىڭدادى.

ماجىلىستە مىنالار اتاپ كورسەتىلدى: جىل باسىنان بەرى، قابا اۋدانى باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق 10-كەزەكتى پارتكومنىڭ ءار رەتكى جالپى ءماجىلىسىنىڭ ورنالاستىرۋلارىن مۇقيات دايەكتىلەندىرىپ، تياناقتاندىرىپ، جوعارى ساپالى دامۋ سىندى ماڭداي الدى مىندەتتى مىقتى يگەرىپ، ارتۋدى ورنىقتىرۋعا، دامۋدى جەبەۋگە تاباندى بولىپ، ەكونوميكالىق اينالىم جالپى تۇلعالىق جاقتان ورنىقتى بولىپ، قوعامدىق جالپى جاعداي ۇزدىكسىز جاقساردى. كەزەكتەگى جاعدايدى عىلمي يگەرىپ، قيىنشىلىق پەن سىن-سايىستى سەرگەكتىكپەن تانىپ، ءتيىمسىز فاكتوردى بەلسەنە جەڭىپ، اۋدان ءوڭىرى ەكونوميكاسىنىڭ جوعارى ساپالى دامۋىن بار كۇشپەن ىلگەرىلەتۋدە تىڭ تابىسقا قول جەتكىزۋ كەرەك.

ماجىلىستە مىنالار باسا دارىپتەلدى: مەملەكەت پەن اۆتونوميالى رايوننىڭ التاي ايماعىنا بەرگەن ستراتەگيالىق ورنىن تۇراقتاندىرىپ، ”15-بەسجىلدىق“ جوبانى جاساۋمەن ۇشتاستىرىپ، اۋدان ءوڭىرىنىڭ ءىس جۇزىندىك جاعدايىمەن تىعىز ۇشتاستىرىپ، كەزەكتەگى جانە بۇدان كەيىنگى ءبىر مەزگىلدەگى كەلەلى نىساندى، ءتۇيىندى مىندەتتى جۇيەلى جوسپارلاپ، ەكونوميكانىڭ جوعارى ساپالى دامۋىنىڭ نەگىزىن ۇزدىكسىز بەكەمدەۋ كەرەك. ورتالىقتىڭ، اۆتونوميالى رايوننىڭ كەلەلى باعىت-ساياساتىن زەرتتەۋدى كۇشەيتىپ، دامۋداعى قيىن ماسەلەنى كۇش-قۋاتتى شوعىرلاندىرا وتىرىپ شەشىپ، وي جەلىسى مەن ءادىستى بەلسەنە زەرتتەپ، اۋدان، قالالاردىڭ دامۋ وي جەلىسىن، قىزمەت بەتالىسىن ايقىنداۋىنا كومەكتەسىپ، اۋدان ءوڭىرىنىڭ ەكونوميكالىق، قوعامدىق دامۋىنا تاماشا شارت-جاعداي ازىرلەۋ قاجەت. اۋدان، قالالاردىڭ وزەكتى قىزمەتتى  ارقاۋ ەتۋىن بار كۇشپەن قولداپ، ۇزدىكسىز ءورىس اشا جاڭالىق اشىپ، كاسىپ سالاسىن دامىتۋ، نىساندى تياناقتاندىرۋ، ساۋداگەر شاقىرىپ، قارجى ەنگىزۋ، سىرتقا ەسىك اشۋ قاتارلى جاقتا تىڭ تابىسقا قول جەتكىزۋگە كۇش سالۋ ءتيىس. اۋدان، قالالاردىڭ تياناقتاندىرۋدى يگەرۋدەگى تۇلعالىق جاۋاپكەرشىلىگىن باتىل ارقالاپ، نىسانادان جازباي، بار كۇشپەن اتوي سالىپ، تىڭعىلىقتى، شىنايى يگەرىپ، ناقتى ىستەپ، تۇتاس جىلداعى ەكونوميكالىق، قوعامدىق دامۋدىڭ نىسانا ـ مىندەتىن بار كۇشپەن ورىنداۋ كەرەك. پارتيانىڭ ەكونوميكالىق قىزمەتكە باسشىلىق ەتۋىنە تاباندى بولىپ جانە ونى كۇشەيتىپ، شىندىققا جۇگىنىپ، ناقتى ءىس ىستەۋ قىزمەت ستيلىن بارىنشا ساۋلەلەندىرۋ، ءتۇيىندى كاسىپتى دامىتۋ، كەلەلى نىساندى ىلگەرىلەتۋ جونىندە ايماقتىق پارتكومنان دەركەزىندە نۇسقاۋ سۇراپ، مالىمەت بەرىپ، ءىس تىندىرىپ، شارۋاشىلىق قۇرۋدىڭ قۇدىرەتتى كۇشىن شىنايى ۇيىستىرۋ كەرەك.

ۋاڭ يۇن قاتارلى ايماق باسشىلارى، قابا اۋدانىنىڭ جانە ايماقتىڭ قاتىستى تاراۋلارىنداعى جاۋاپتى جولداستار ماجىلىسكە قاتىناستى.