كەڭ كولەمدە ورتاق تانىم ۇيىستىرىپ، رەفورمانى ىلگەرىلەتەيىك

”كەڭ كولەمدە ورتاق تانىم ۇيىستىرىپ، بارلىق بەلسەندى فاكتورلاردى تولىق جۇمىلدىرۋ رەفورمانى ءساتتى ىلگەرىلەتۋدە ايرىقشا ماڭىزدى“. ولكە، مينيسترلىك دارەجەلى نەگىزگى باسشى كادرلاردىڭ پارتيا 20-كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ-تالقى كۋرسىنىڭ وقۋ باستاۋ سالتىندا باس شۋجي شي جينپيڭ رەفورمانى ونان ارى جاپپاي تەرەڭدەتۋدىڭ تاماشا رايىن قالىپتاستىرۋ جونىندە ايقىن تالاپتار قويىپ، ”رەفورمانىڭ قوعامدىق پىكىر جەتەكشىلىگى قىزمەتىن شىنايى ويداعىداي ىستەپ، ۇنامدى ۇگىتتى كۇشەيتىپ، نەگىزگى اۋەندى اسقاقتاتىپ، وڭ ەنەرگيا جەتكىزۋ كەرەك“ دەپ باسا دارىپتەدى.

ورتاق تانىم ەكپىندەي ىلگەرىلەۋدىڭ قوزعاۋشى كۇشى، ورتاق تانىم بولعاندا ىنتىماق بولادى، ورتاق تانىم بولعاندا كۇش-قۋات بولادى. جاڭا داۋىردە رەفورمانى جاپپاي تەرەڭدەتۋ ايبىندى بولىپ، قۇلاشىن كەڭ جايدى، رەفورما جاساۋدا ءىشىنارالىق ىزدەنىس جاساۋدان، سەڭدى بۇزىپ، قورشاۋدى تالقانداۋدان جۇيەلى شوعىرلاندىرۋعا، جاپپاي تەرەڭدەۋگە ويىسۋ جۇزەگە اسىرىلدى، ءتۇرلى سالانىڭ نەگىزدىك ءتۇزىم جۇلگەسى نەگىزىنەن ورناتىلدى، كوپتەگەن سالادا تاريحي وزگەرىس، جۇيەلى قايتا قۇرۋ، تۇتاس تۇلعالىق قايتا قۇرىلىمداۋ جۇزەگە اسىپ، كەلەلى امالياتتىق جەتىستىكتەرگە، تۇزىمدىك جەتىستىكتەرگە، نازاريالىق جەتىستىكتەرگە قول جەتتى، مۇندا توتەنشە ماڭىزدى ءبىر سەبەپ — رەفورما جاساۋ ورتاق تانىمىنىڭ كەڭ كولەمدە ۇيىستىرىلىپ، كادرلاردىڭ، بۇقارانىڭ رەفورمانى ىلگەرىلەتۋ بەلسەندىلىگىنىڭ، ىرىقتىلىعىنىڭ، جاسامپازدىعىنىڭ تولىق جۇمىلدىرىلعاندىعى. پارتيا 20- كەزەكتى ورتالىق كوميتەتى ءۇشىنشى جالپى ءماجىلىسىنىڭ «قاۋلىسى» جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى وسى نەگىزگى تاقىرىپتى تىعىز ارقاۋ ەتە وتىرىپ رەفورمانى ونان ارى جاپپاي تەرەڭدەتۋدىڭ ستراتەگيالىق شاراسىن كەسكىندەدى، بۇل جاڭا داۋىردەگى جاڭا جورىقتا رەفورمانى جاپپاي تەرەڭدەتۋدىڭ كەڭدىككە جانە تەرەڭدىككە قاراي شەرۋ تارتۋىن ىلگەرىلەتۋدەگى جالپىلىق جۇمىلدىرۋ، جالپىلىق ورنالاستىرۋ. ءبىز ىشكەرىلەي ۇيرەنۋ، دالمە-ءدال ءتۇسىنۋ، جاپپاي يگەرۋ جاعىنا كۇش سالىپ، جالپى ءماجىلىس «قاۋلىسىندا» العا قويىلعان كەلەلى نازاريالىق كوزقاراستاردى زەرتتەۋدى جانە ءتۇسىندىرۋدى كۇشەيتۋىمىز، اسىرەسە، نەگىزگى ساتىنى جانە بۇقارانى بەتكە العان ۇگىتتى، ءتۇسىندىرۋدى كۇشەيتۋىمىز كەرەك. پارتيا ورتالىق كوميتەتىنىڭ ستراتەگيالىق تولعانىسىن دۇرىس ءتۇسىنىپ، ءتۇرلى رەفورما شارالارىنىڭ رەال ءمانىن، نىسانا بەتالىسىن دۇرىس ءتۇسىنىپ، بۇكىل پارتيانىڭ، تۇتاس قوعامنىڭ رەفورمانى بىرگە يگەرۋدەگى يدەيالىق نەگىزىن، بۇقارالىق نەگىزىن بەكەمدەۋىمىز كەرەك.

ءبىر ميلليارد 400 ميلليوننان استام جان سانى بار جۇڭگو سىندى مەملەكەتتە رەفورمانى تەرەڭدەتۋ استە وڭاي-وسپاق شارۋا ەمەس. رەفورما — ءبىر رەتكى توڭكەرىس، ول ءتۇزىلىس-مەحانيزمدى وزگەرتىپ، قاساڭ مۇددەلەرگە سوقتىعادى. رەال جاعدايدان قاراعاندا، مەيلى سەرپىنى بۇرىن بولىپ كورمەگەن پارتيا مەن مەملەكەت قۇرىلىمدارى رەفورماسىن تەرەڭدەتۋدە، قۇرىلىم، قىزمەت جاۋاپكەرشىلىگى، قىزمەتكەر سياقتىلاردى تالاپ بويىنشا دەر كەزىندە رەتتەپ ورىنداۋعا شىنايى كەپىلدىك ەتۋدە بولسىن، الدە مەملەكەت بويىنشا ءبىر تۇتاس ءىرى بازاردى جەدەل قۇرىپ، ءتۇرلى فورماداعى جەرگىلىكتى قورعامپازدىقتى باتىل الاستاۋدا، بازار قامالىن جويۋدا بولسىن... ساياسيدى دارىپتەپ، كەلەلى جاعدايمەن ساناسىپ، قاعيداعا بويسۇنىپ، كەلەلى جاعدايدا ىرىقتى تۇردە وي جۇگىرتىپ، كەلەلى جاعداي اياسىندا ارەكەتتەنگەندە عانا، ٴتۇرلى رەفورما شارالارىنىڭ تياناقتانۋىن، ەگجەي-تەگجەيلىلەنۋىن، ناقتىلانۋىن ىلگەرىلەتۋگە بولادى. رەفورما دەگەنىمىز مۇددە جاعدايى رەتتەلەتىن بارىس، بارلىق ادامنىڭ مۇددە تالاپ ـ تىلەگىن ءبىر ۋاقىتتا قاناعاتتاندىرۋ مۇمكىن ەمەس، رەفورمانىڭ ۇزدىكسىز ىلگەرىلەۋىنە ساي، مۇددە قاتىناسىنا سوقتىعۋ دا بارعان سايىن تەرەڭدەي تۇسەدى. ءبىز كەلەلى جاعداي تانىمىن كۇشەيتىپ، رەفورما بارىسىنداعى مۇددە قاتىناسىن رەتتەۋ مەن جەكەلەردىڭ مۇددە جاعىنداعى پايدا ـ زيانىنا دۇرىس قاراۋىمىز كەرەك. رەفورما بىرتىندەي ىلگەرىلەۋ بارىسى، لەزدە ورىندالا سالمايدى. جىلدام تىندىرامىن دەپ ارىپتالاسۋعا، قول جەتپەسكە قول سوزۋعا كەلمەيدى، اۋەندى بيىك شىعانداتۋعا، اۋىزدى ارانداي اشۋعا كەلمەيدى، قايتا شىندىقتى ءىس جۇزىنەن ىزدەپ، بارلىعىندا ءىس جۇزىندىك جاعدايدى شىعار ءتۇيىن ەتىپ، تىڭعىلىقتى، ورنىقتى جۇرگىزىپ، كىشى جەڭىستەر ارقىلى ۇلكەن جەڭىسكە قول جەتكىزۋ كەرەك.

حالىق ءۇشىن رەفورما جاساعاندا عانا، رەفورمانىڭ ءمانى بولادى؛ حالىققا سۇيەنىپ رەفورما جاساعاندا عانا، رەفورمادا قوزعاۋشى كۇش بولادى. رەفورما جاساۋ، ەسىك اشۋ سان ميلليونداعان حالىقتىڭ ءتول ءىسى، بۇل تۇتاس حالىقتىڭ بىرگە ات سالىسۋىنا، ءبىر نيەتپەن ىنتىماقتاسا قيىندىقتى بىرگە ەڭسەرۋىنە مۇقتاج. حالىقتى وزەك ەتە وتىرىپ رەفورمانى ىلگەرىلەتۋگە تاباندى بولىپ، ناقتى ناتيجە جانە حالىق بۇقاراسىنىڭ رازىلىعى ارقىلى رەفورمانى ساراپتاپ، حالىق بۇقاراسىنىڭ رەفورما بارىسىندا تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋىنە شىن مانىندە مۇمكىندىك جاساۋ كەرەك. قوعامدىق پىكىر بەتالىسى دۇرىس بولعاندا جۇرت تىلەگىن ۇيىستىرۋعا، كۇش- قۋات توپتاۋعا بولادى، تاماشا قوعامدىق پىكىر رەفورمانىڭ، دامۋدىڭ ”ىلگەرىلەتكىشىنە“ اينالادى. دۇرىس قوعامدىق پىكىر بەتالىسىن يگەرىپ، پارتيا 20-كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىمەن يدەيانى بىرلىككە كەلتىرىپ، كۇش- قۋات توپتاپ، ىنتىماقتىلىققا، ورنىقتىلىققا دەم بەرۋگە، ۇنامدى ۇگىتتى نەگىز ەتۋگە تاباندى بولىپ، بۇقارانىڭ جانىنداعى شاعىن حيكايالاردان ۇلكەن قاعيدانى ويداعىداي بايانداۋعا شەبەر بولىپ، دەر كەزىندە ءتۇسىندىرىپ، ۇعىندىرىپ، قوعام ءجىتى قاداعالاپ وتىرعان ماسەلەلەرگە جاۋاپ قايتارىپ، ينتەرنەتتە، ينتەرنەتتەن تىسقارىدا سەنترلەس شەڭبەر ورناتىپ، ەڭ قالىڭ حالىقتىڭ اقىل-پاراساتى مەن كۇش-قۋاتىن رەفورماعا ۇيىستىرىپ، رەفورماعا بەلسەنە قولداۋ كورسەتەتىن، رەفورماعا جابال ات سالىساتىن جاندى جاعدايدىڭ قالىپتاسۋىن جەبەۋ كەرەك.

بۇگىنگى تاڭدا جۇڭگو ۇلگىسىندەگى وسىزامانداندىرۋ كوركەم كارتينانى كەسكىندەدى ءارى شەكسىز نۇرلى بولاشاقتى اڭعارتتى. سونىمەن بىرگە العا باسۋ جولى قاشاندا داڭعىل بولا بەرمەيدى، ءتۇرلى جاپاعا، قيىندىققا، حاۋىپ ـ قاتەرگە، بوگەتتەرگە ۇشىرايتىنىمىز داۋسىز، كوپتەگەن اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنا جولىعۋىمىز مۇمكىن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، كەڭ كولەمدە ورتاق تانىم ۇيىستىرىپ، بارلىق بەلسەندى فاكتورلاردى تولىق جۇمىلدىرىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، رەفورمانىڭ، دامۋدىڭ تىڭ ءورىسىن قۇلشىنا اشقانىمىزدا ىستەرىمىزدىڭ جەڭىستى بولاتىندىعى داۋسىز.

(شينحۋا اگەنتتىگىنىڭ 11-ايدىڭ 1-كۇنى بەيجيڭنەن بەرگەن حابارى)