ཟླ་11ཚེས་10ཉིན། བོད་ལྗོངས་མི་རིགས་སློབ་ཆེན་ཆིང་ཧན་སློབ་ཁུལ་གྱི་དགེ་སློབ་ཡོངས་ཀྱིས་རུ་སྟར་བསྒྲིགས་ཤིང་སྐད་གསང་མཐོན་པོས་རྒྱལ་གླུ་བླངས་ནས་རྒྱལ་དར་རྩིས་བླངས་པ་རེད།
སྐྱེ་བོ་ཀུན་གྱི་རེ་སྒུག་ཁྲོད་སློབ་གྲྭའི་རྒྱལ་དར་སྲུང་སྐྱོང་རུ་ཁག་གི་རུ་མིས“ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་དར”གྱི་ཡིག་འབྲུ་བརྐོས་ཡོད་པའི་དར་སྒམ་ཁ་ཕྱེ་ནས་རྒྱལ་དར་དལ་གྱིས་བཀྲམ་པས། དེ་མ་ཐག་ཐལ་མོའི་རྡེབ་སྒྲ་སློབ་ར་ཡོངས་ལ་གྲགས།
རྒྱལ་དར་ནི་རྒྱལ་ཁབ་ཀྱི་ལ་རྒྱ་དང་མཚོན་རྟགས་རེད། 2022ལོའི་ཟླ་10ཚེས་15ཉིན། ཨང་གྲངས（2022--0141）ཡིན་པའི་རྒྱལ་དར་དེ་གནམ་བདེ་སྒོ་མོའི་ཐང་ཆེན་དུ་དལ་པོར་སྒྲེང་བ་དང་། དེ་ཉིན་བོད་ལྗོངས་མི་རིགས་སློབ་ཆེན་བཙུགས་ནས་ལོ་64འཁོར་བ་དང་ཏག་ཏག་འཁེལ་བས། བོད་ལྗོངས་མི་རིགས་སློབ་ཆེན་ལ་ཆ་མཚོན་ན་དམིགས་བསལ་གྱི་དྲན་གསོའི་དོན་སྙིང་ལྡན་ཡོད།
“བོད་ལྗོངས་མི་རིགས་སློབ་ཆེན་ལ་རྒྱལ་དར་གནང་བ་ནི་རྒྱུ་ནོར་རྩ་ཆེན་ཞིག་ཐོབ་པ་དང་གཉིས་སུ་མེད་པས། སློབ་གྲྭའི་ལོ་རྒྱུས་ཁང་ལ་ནམ་ཡང་ཉར་ཚགས་བྱེད་ཀྱི་ཡིན། གོམ་སྟབས་རྗེས་མར་བོད་ལྗོངས་མི་རིགས་སློབ་ཆེན་གྱིས་རྒྱལ་དར་ལ་བཅངས་པའི་བླ་ན་མེད་པའི་གུས་བཀུར་དེ་རྒྱལ་ཁབ་ལ་དགའ་ཞེན་དང་བོད་ལྗོངས་དར་རྒྱས་གཏོང་བའི་ལྷག་བསམ་ཟོལ་མེད་དང་འགན་འཁྲི་འཁུར་སེམས་སུ་བསྒྱུར་བ་དང་། སློབ་བརྩོན་ལས་བཀུར་གྱི་རྫོགས་མཐའ་མེད་པའི་སྒུལ་ཤུགས་སུ་བསྒྱུར་ནས། སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་བྱ་ཆེད་བློ་གྲོས་དང་སྟོབས་ཤུགས་སྐྱེས་སུ་འབུལ་གྱི་ཡིན”ཞེས་བོད་ལྗོངས་མི་རིགས་སློབ་ཆེན་གྱི་ཏང་ཨུད་ཧྲུའུ་ཅི་ཚའེ་ཧྲོའུ་ཁོན་གྱིས་བཤད།
