ཉེ་བའི་ལོ་ཤས་རིང་། སྐར་དམར་བུ་མོའི་རྐང་རྩེད་སྤོ་ལོའི་རུ་མི་ཚོ་གསེར་རྟ་རྩྭ་ཐང་ནས་ཐོན་ཏེ་སྤྱི་ཕན་འགྲན་བསྡུར་དང་། སྤེལ་རེས་འགྲན་བསྡུར། ཁྲེང་ཏུའུ་རྐང་རྩེད་སྤོ་ལོའི་དབྱར་སྒར་སོགས་བྱེད་སྒོ་སྣ་ཚོགས་ལ་ཞུགས་པ་དང་། 2024ལོའི་དཀར་མཛེས་ཀྲོའུ་ཡི་སློབ་གྲྭ་འབྲིང་ཆུང་གི་སློབ་མའི་ལུས་རྩལ་འགྲན་ཚོགས་སྐབས་དྲུག་པའི་ཐོག་སློབ་ཆུང་བུ་མོའི་ཚོགས་ཆུང་གི་ཨང་དང་པོ་ཐོབ་ཡོད། རྐང་རྩེད་སྤོ་ལོའི་སློབ་གསོར་ཐོབ་པའི་གྲུབ་འབྲས་ལ་བརྟེན་ནས་ཧང་ཀྲོའུ་ཨེ་ཤེ་ཡའི་ལུས་རྩལ་འགྲན་ཚོགས་སྐབས་བཅུ་དགུ་པའི་སྒྲིག་འཛུགས་ཨུ་ལྷན་གྱིས་སློབ་གྲྭ་དེར“ཨེ་ཤེ་ཡའི་ལུས་རྩལ་འགྲན་ཚོགས་ཀྱི་རྐང་རྩེད་སྤོ་ལོའི་ཕུགས་འདུན་སློབ་གྲྭའི”མཚན་སྙན་སྤྲད་པ་རེད།
རྐང་རྩེད་སྤོ་ལོས་ས་མཐོའི་བུ་མོ་དེ་དག་ལ་ཕུགས་འདུན་སྒྲུབ་པའི་སྒོ་མོ་གསར་པ་ཞིག་ཕྱེ་ཡོད། བུ་མོ་དེ་དག་གིས་ཀྱང་ས་མཐོའི་སྐལ་བཟང་མེ་ཏོག་ལྟར་ཆར་རླུང་ཁྲོད་མཛེས་སྡུག་གི་ལང་ཚོ་ངོམ་གྱིན་སེམས་ཁོང་གི་ཕུགས་འདུན་མངོན་འགྱུར་བྱེད་བཞིན་མཆིས།
