ཉེ་དུས། ལྷ་སའི་འགྲིམ་འགྲུལ་ཉེན་རྟོག་པར་འཁོར་ལམ་གང་བྱུང་དུ་བསྒྱུར་བའི་ཁྲིམས་འགལ་གྱི་བྱེད་སྤྱོད་ཅིག་ཐག་གཅོད་བྱེད་རོགས་ཞེས་མང་ཚོགས་ཀྱི་ཐེར་འདོན་ཁ་པར་ཞིག་འབྱོར་བ་རེད།
ཁྲིམས་འགལ་འཁོར་རིགས།
ཁྲིམས་འགལ་དུས་ཚོད། 2024ལོའི་ཟླ་10ཚེས་30ཉིན་གྱི་ཆུ་ཚོད་9དང་སྐར་མ་20ཙམ།
ཁྲིམས་ལས་འགལ་ས། པེ་ཅིང་ནུབ་ལམ།
འཁོར་རྟགས། བོད་A****2
འཁོར་བདག ཧྥན་ཆེ་གེ་མོ།
མི་དམངས་ཉེན་རྟོག་པས་རླངས་འཁོར་གྱི་འགྲོ་སྐྱོད་བརྙན་ཕབ་བརྒྱུད། རླངས་འཁོར་ཞིག་རྒྱུན་གཏན་ལྟར་སྐྱོད་སྐབས། མདུན་ཕྱོགས་ཀྱི་འཁོར་རྟགས་བོད་A****2བྱས་པའི་རླངས་འཁོར་དཀར་པོ་ཞིག་གིས་གློ་བུར་དུ་གཡས་ཕྱོགས་སུ་ཁ་བསྒྱུར་བས། རླངས་འཁོར་ཕྱི་མས་འཕྲལ་མར་འཁོར་བཀག་མནན་པ་མ་གཏོགས་འགྲིམ་འགྲུལ་དོན་རྐྱེན་ཐོན་གྱི་ཡོད་པ་ཤེས་རྟོགས་བྱུང་བ་རེད།
ཁ་པར་འབྱོར་རྗེས། ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་གྲོང་ནུབ་རུ་ཆེན་གྱིས་དོན་དེར་མཐོང་ཧ་ཅང་ཆེན་པོ་བྱས་ཏེ། འཕྲལ་མར་རླངས་འཁོར་གྱི་འཁོར་བདག་ཧྥན་ཆེ་གེ་མོ་དང་འབྲེལ་བ་བྱས་པ་རེད། ཞིབ་བཤེར་བྱས་པ་བརྒྱུད། ཧྥན་ཆེ་གེ་མོར་གང་བྱུང་དུ་འཁོར་ལམ་བསྒྱུར་བའི་ཁྲིམས་འགལ་གྱི་བྱེད་སྤྱོད་ལྡན་ཡོད་པ་རེད། དེར་བརྟེན་ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་དོ་དམ་སྡེ་ཚན་གྱིས《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས》ཀྱི་འབྲེལ་ཡོད་གཏན་འབེབས་གཞིར་བཟུང་། ཁོ་པར་ཁྲིམས་ལྟར་ཆད་པ་བཅད་པ་རེད།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས》ཀྱི་དོན་ཚན་དགུ་བཅུ་པའི་ནང་གཏན་འབེབས་བྱས་དོན། ཁ་ལོ་བས་གཞུང་ལམ་འགྲིམ་འགྲུལ་བདེ་འཇགས་སྐོར་གྱི་བཅའ་ཁྲིམས་དང་ཁྲིམས་སྲོལ་ནང་གཏན་འབེབས་བྱས་པའི་གཞུང་ལམ་འགྲོ་སྐྱོད་སྐོར་གྱི་བཅའ་ཁྲིམས་ལས་འགལ་རིགས་ལ་ཐ་ཚིག་སྒྲོག་རྒྱུའམ་ཡང་ན་སྒོར་ཉི་ཤུ་ཡན་ནས་སྒོར་ཉིས་བརྒྱ་མན་གྱི་དངུལ་ཆད་གཅོད་རྒྱུ།
རྒྱབ་ཤེལ་བརྒྱུད་ཉེ་འཁོར་གྱི་གནས་ཚུལ་དང་གཞོགས་གཉིས་ཀྱི་འཁོར་རིགས་ལ་ཡག་པོ་བལྟས་ནས། ལམ་བསྒྱུར་ཐུབ་མིན་ལྟ་དགོས།
ཁ་ཕྱོགས་སྒྱུར་བའི་གློག་འཕྲལ་དུ་སྤར་ནས་འཁོར་རིགས་གཞན་དག་ལ་ལམ་བསྒྱུར་བའི་བརྡ་གཏོང་དགོས།
ཁ་དལ་མོར་བསྒྱུར་ནས་བགྲོད་ལམ་གསར་པའི་ནང་མགྱོགས་མྱུར་བསྐྱོད་དགོས།
ཐེངས་གཅིག་ལ་འཁོར་ལམ་མང་པོ་བསྒྱུར་མི་རུང་ལ་དངོས་ཐིག་ཀྱང་རྫི་མི་རུང་།
● 实线不可变道：
