ཟླ་11ཚེས་11ཉིན། ཆབ་མདོ་གྲོང་ཁྱེར་གོ་འཇོ་རྫོང་སྤྱི་བདེ་ཅུས་ཉེས་དོན་ཉེན་རྟོག་རུ་ཆེན་དང་ནགས་ཚལ་ཉེན་རྟོག་རུ་ཆེན་གྱིས་མཉམ་དུ་ཁྲིམས་འགལ་ངང་རི་སྐྱེས་སྲོག་ཆགས་རྔོན་བརྒྱབ་པ་དང་བསད་པའི་གྱོད་གཞི་ཞིག་རྩད་ཆོད་པ་དང་འབྲེལ་ཉེས་གསོག་དོགས་ཅན་2བཟུང་བ་རེད།
ཟླ་11ཚེས་11ཉིན་གྱི་དགོང་མོའི་ཆུ་ཚོད་11ཙམ་ལ། གོ་འཇོ་རྫོང་སྤྱི་བདེ་ཅུས་ཉེས་དོན་ཉེན་རྟོག་རུ་ཆེན་གྱི་མི་དམངས་ཉེན་རྟོག་པས་རྒྱུན་གཏན་གྱི་ཞིབ་བཤེར་བྱེད་སྐབས། མན་པའོ་རླངས་འཁོར་ཞིག་ལ་དོགས་པ་ཟ་དགོས་པ་ཞིག་ཡོད་པས་དེའི་ནང་གི་མི་ལ་འདྲི་ཞིབ་ཞིབ་ཕྲ་བྱས་པ་རེད། དེ་རྗེས་མི་དམངས་ཉེན་རྟོག་པས་རླངས་འཁོར་གྱི་རྒྱབ་ནས་རྒྱལ་ཁབ་ཀྱི་རིམ་པ་གཉིས་པའི་སྲུང་སྐྱོང་སྲོག་ཆགས་གཡི་ཡི་རོ་འདྲ་པོ་ཞིག་རྙེད་པས། འཕྲལ་མར་རླངས་འཁོར་ནང་གི་མི་གོ་འཇོ་རྫོང་སྤྱི་བདེ་ཅུས་ཁྲིམས་སྒྱུར་གྱོད་སྒྲུབ་ལྟེ་གནས་སུ་བརྟག་དཔྱད་བྱེད་པར་ཁྲིད།
འདྲི་རྩད་བྱས་པ་བརྒྱུད། ཉེས་གསོག་དོགས་ཅན་འདི་གཉིས་ཀྱིས་རྙི་བརྒྱབ་ནས་རི་སྐྱེས་སྲོག་ཆགས་བསད་པའི་ཉེས་གསོག་དོན་དངོས་སྦ་གསང་མེད་པར་ངོས་ལེན་ཞུས་པ་རེད།
མིག་སྔར་གྱོད་གཞི་དེར་བརྟག་དཔྱད་མཐའ་གསལ་བྱེད་བཞིན་ཡོད་པ་རེད།
