སྙན་སེང་འབྱོར་རྗེས། ཀུན་བདེ་གླིང་མངགས་གཏོང་ཁང་གི་ཉེས་དོན་གྱོད་སྒྲུབ་ཉེན་རྟོག་པས་འཕྲལ་མར་ཉེན་རྟོག་པ་སྒྲིག་འཛུགས་བྱས་ཏེ་གྱོད་གཞི་ཐོན་སར་བརྟག་དཔྱད་དཔང་ལེན་བྱེད་པར་བསྐྱོད། ཉེན་རྟོག་པས་གྱོད་གཞི་ཐོན་སའི་ཉེ་འཁོར་གྱི་གློག་མིག་ལ་ལྟ་བ་དང་ཉེ་འགྲམ་གྱི་མིར་སྐད་ཆ་དྲིས་པ་བརྒྱུད། ཉེས་གསོག་དོགས་ཅན་གྱི་འགྲོ་སྡོད་གནས་ཚུལ་མགྱོགས་མྱུར་ཤེས་རྟོགས་བྱུང་ནས། ཉིན་དེའི་དགོང་མོའི་ཆུ་ཚོད་23ཙམ་ལ་ལྷ་ས་གྲོང་ཁྱེར་ཆུ་མིག་ལམ་གྱི་ཉེ་འགྲམ་ནས་ཉེས་གསོག་དོགས་ཅན་ཀྲོའུ་ཆེ་གེ་མོ་བཟུང་བ་རེད།
བརྟག་དཔྱད་བྱས་པ་བརྒྱུད། ཉེས་གསོག་དོགས་ཅན་ཀྲོའུ་ཆེ་གེ་མོས་ཟླ་11ཚེས་10ཉིན་པེ་ཅིང་དཀྱིལ་ལམ་དུ་གནས་པའི་གནོད་འཚེ་ཕོག་མཁན་ལི་ཆེ་གེ་མོའི་གསེར་ཆས་ཚོང་ཁང་ནང་སྔོན་ནས་གྲ་སྒྲིག་བྱས་ཟིན་པའི་དངུལ་བསྒྱུར་བའི་པར་རྫུན་མ་བསྟན་པ་དང་། དེ་རྗེས་དངུལ་ཁང་གཞན་ནས་དངུལ་བསྒྱུར་བ་ཡིན་པས་དངུལ་ལམ་སེང་འབྱོར་གྱི་མེད་པར་ཁ་གཡར་ནས་གསེར་གྱི་མགུལ་རྒྱན་4སོགས་སྒོར་21000རི་བའི་གསེར་ཆས་ཁ་བསླུས་བརྒྱབ་པའི་ཉེས་གསོག་དོན་དངོས་སྦ་གསང་མེད་པར་ངོས་ལེན་ཞུས་པ་རེད།
མིག་སྔར། ཉེན་རྟོག་པས་ལས་དོན་མང་པོ་བསྒྲུབས་པས། ཁ་པར་2ཚུར་བླངས་ཐུབ་ཡོད། ཉེས་གསོག་དོགས་ཅན་ཀྲོའུ་ཆེ་གེ་མོར་ཁ་བསླུས་བརྒྱབ་པའི་ཉེས་གསོག་གི་དོགས་པ་ཡོད་པས་ཁྲིམས་ལྟར་ཉེས་དོན་བཀག་ཉར་བྱས་ཡོད་པ་དང་། གྱོད་གཞི་དེའི་བརྐུས་དངོས་ཚུར་ལེན་གྱི་ལས་དོན་སྔར་བས་སྒྲུབ་བཞིན་ཡོད་པ་རེད།
