![]()
ཉེ་བའི་ལོ་ཤས་རིང་། རང་རྒྱལ་དུ་སྐྲན་ནད་ཕོག་མཁན་མང་དུ་འགྲོ་ཡི་ཡོད་པ་དང་། མཆིན་པར་སྐྲན་ནད་ཕོག་ཚད་སྐྲན་ནད་གཞན་དག་ལས་མང་བ་ཡོད། དེར་བརྟེན་ཀློག་པ་པོ་ཚོས་འདི་དག་ལ་ཡིད་གཟབ་གནང་དགོས་འདུག
དང་པོ། ཡུན་རིང་པོ་སྤྱད་པའི་བཞེས་ཙེ།
མི་མང་ཆེ་བས་བཞེས་ཙེ་བཀྲུས་རྗེས་སྐེམ་གྱི་མེད་པས། རླམ་རྩི་སེར་པོའི་དུག་ཆགས་སླ་པོ་ཡོད། དེར་བརྟེན་བཞེས་ཙེ་བཀྲུས་རྗེས་དེའི་ངོས་སུ་ཧམ་སྤུ་བརྒྱབ་ཡོད་མེད་ལ་ལྟ་དགོས། ཡག་ཤོས་བྱུང་ན་བཞེས་ཙེ་ལོ་ཕྱེད་རེར་བརྗེ་དགོས། བེད་སྤྱོད་བྱས་ཟིན་རྗེས་དུས་ཐོག་ཏུ་གཙང་མར་བཀྲུས་ནས་སྐེམ་དགོས་པའམ་ཡང་ན་ལྕགས་ཀྱི་བཞེས་ཙེ་སྤྱད་ན་ལེགས། ![]()
གཉིས་པ། དྲི་མ་ཡོད་པའི་བཟའ་སྣུམ།
བཟའ་སྣུམ་ནི་ཁ་ལག་བཟོ་སྐབས་མེད་དུ་མི་རུང་བ་ཞིག་རེད། འོན་ཀྱང་བཟའ་སྣུམ་འགའ་ཤས་དབོར་འདྲེན་དང་ཉར་ཚགས་བྱེད་སྐབས། བཞའ་ཚན་ཆེ་བའི་དབང་གིས་ཧམ་སྤུ་རྒྱག་གི་ཡོད་པས། རླམ་རྩི་སེར་པོའི་དུག་འགོ་སླ་པོ་ཡོད། གལ་ཏེ་བཟའ་སྣུམ་ལ“ཧམ་དྲི”ཡོད་ན་ཚལ་རྔོ་སྐབས་དྲི་མ་ངར་པོ་ཞིག་བྲོ་ཡི་ཡོད་པས། བཟའ་སྣུམ་འདི་འདྲ་བེད་སྤྱོད་བྱ་མི་ཉན། གང་ཡིན་ཟེར་ན། དེས་སྐྲན་ནད་ཕོག་པའི་ཉེན་ཁ་ཆེ་རུ་འགྲོ་སྲིད། ![]()
གསུམ་པ། ཧམ་སྤུ་བརྒྱབ་པའི་ཨ་ཤོམ་དང་འབྲུ་རིགས།
སིང་ཕྱེའི་འདུས་ཚད་མཐོ་པོ་ཡོད་པའི་ཟས་རིགས་ལ་རླམ་རྩི་སེར་པོའི་དུག་ཆགས་སླ་པོ་ཡོད། དཔེར་ན། ཨ་ཤོམ་དང་བ་དམ་སོགས་ལ་ཧམ་སྤུ་བརྒྱབ་ཚེ་རླམ་རྩི་སེར་པོའི་དུག་གི་འདུས་ཚད་མཐོ་པོ་ཡོད།![]()
མཆིན་པ་ཡག་པོ་མེད་ན། གཤམ་གྱི་ནད་རྟགས་ཐོན་སྲིད།
དང་པོ། གྲོད་ཁོག་གི་གཞོགས་གཡས་པར་ན་ཟུག་གཏོང་གི་ཡོད།
གྲོད་ཁོག་གི་གཞོགས་གཡས་པར་ན་ཟུག་བཏང་ན་མཆིན་པར་ན་ཚ་སླེབས་པའི་རྟགས་རེད། གང་ཡིན་ཟེར་ན་མཆིན་པ་གནས་འདིར་ཡོད། དུས་རྒྱུན་མཆིན་པ་ལག་པས་རེག་ཐུབ་ཀྱི་མེད། གལ་སྲིད་མཆིན་པ་སྐྲངས་ཚེ་གནས་འདིར་སྐྲངས་འབུར་དོན་གྱི་ཡོད་པས། ངེས་པར་དུ་དོགས་ཟོན་བྱེད་དགོས།
![]()
གཉིས་པ། ཤ་སྐམ་པ་དང་གཟུགས་པོར་ཤུགས་མེད་པ།
ནད་གཞི་མང་པོས་ཤ་སྐམ་པ་དང་གཟུགས་པོར་ཤུགས་མེད་པར་གྱུར་གྱི་ཡོད། གལ་ཏེ་མཆིན་ཚད་ཁ་པའི་གཅོང་ནད་དང་། ཡུན་རིང་ཆང་རག་འཐུང་བ། རྟག་ཏུ་མཚན་འཁྱོངས་སོགས་བྱས་ཚེ་གོང་གི་ནད་རྟགས་ཐོན་གྱི་ཡོད། ![]()
གསུམ་པ། གཅིན་པ་སེར་རྐྱང་ཆགས་པ།
མཆིན་པར་ནད་ཕོག་རྗེས་མཁྲིས་པའི་དམར་གཤེར་ཁྲག་རྒྱུན་ནང་དུ་ལུས་ནས། མཁལ་མ་ནས་ཕྱིར་དོན་གྱི་ཡོད་པས། གཅིན་པའི་ཚོས་གཞི་ལོག་ནས་སེར་པོ་ཆགས་ཀྱི་ཡོད།
![]()
ཝང་ཅུན་ཀྲེང་གིས་མི་དམངས་འཐུས་ཚོགས་རྒྱུན་ལས་ཨུ་ལྷན་དུ་བརྟག་ཞིབ……
![]()
2025ནས་དུས་ཆེན་ཁག་གཅིག་གི་ངལ་གསོ་མང་དུ་བཏང་འདུག
![]()
འགྲམ་འགག་སྒོའི་འཛུལ་སྒྲོལ་དུས་ཚོད་འགྱུར་འདུག
རྩོམ་སྒྲིག་པ་གཙོ་བོ། བསྟན་འཛིན་རྒན་པ།འགན་འཁུར་རྩོམ་སྒྲིག་པ། བསྟན་འཛིན་གཡུ་སྒྲོན།ལག་བསྟར་རྩོམ་སྒྲིག་པ། ཉི་མ་བཀྲ་ཤིས།རྩོམ་ཡིག་སྐུར་ས་དང་འབྲེལ་གཏུག་བྱ་ཡུལ།
