11-ايدىڭ 2-كۇنى ساعات 11:50 دە شونجى رۇيجى وقىتۋ ورنىنداعى 30 نەشە وقىتۋشى-وقۋشى G54047 كەزەكشى ۇشاعىمەن كوكتوعاي اۋەجايىنا جەتىپ، وزگەشە زەرتتەۋ-ۇيرەنۋ ساپارىن باستادى.
سول كۇنى ساعات 13:00 تە وقىتۋشى-وقۋشىلار اۆتوكولىكپەن كوكتوعاي اۋدانىنىڭ كوكتوعاي قالاشىعىنا جەتتى. ولار ەرتىس وزەنى الابىنداعى ەكولوگيالىق وركەنيەت قۇرىلىسى امالياتى كورمە بازاسىن ەكسكۋرسيالاپ، كوكتوعاي اۋدانىنىڭ بايىرعى ساحارا كوشپەندى مادەنيەتىن، وتانشىلدىق جىگەردى تاسقىنداتاتىن قىزىل مادەنيەتىن، وزگەشە كەن مادەنيەتىن جانە مول جاراتىلىستىق بايلىق مادەنيەتىن ەگجەي-تەگجەيلى ۇعىستى.
كوكتوعاي سيرەك كەزدەسەتىن مەتال مەملەكەتتىك كەن باقشاسىندا وقىتۋشى-وقۋشىلار اعا بۋىن كەن جۇمىسشىلارىنىڭ باسىپ وتكەن جولىن بويلاپ كوكتوعايدىڭ گەولوگيالىق قۇرىلىمىن، كەن بايلىعىن جانە اعا بۋىن كەن قۇرىلىسشىلارىنىڭ جاپالى شارۋاشىلىق قۇرۋ بارىسىن ۇعىستى. قابىرعاعا جازىلعان ۇراندار مەن ۇرانداردىڭ استارىنداعى اڭگىمەلەر وقۋشىلاردىڭ جان دۇنيەسىن تەبىرەنتىپ، ولاردىڭ اعا بۋىن قۇرىلىسشىلاردىڭ قالتقىسىز ۇلەس قوسۋ جانە قاجىرلىلىقپەن كۇرەس جۇرگىزۋ رۋحىنا دەگەن ىززەت-قۇرمەتىن وياتتى.
وسى رەتكى زەرتتەۋ-ۇيرەنۋ ساياحاتىندا وقىتۋشى-وقۋشىلار ءبىلىم ۇيرەنىپ، ساياحاتتاپ عانا قويماي، جاڭا اۋە لەنياسىنىڭ قولايلىلىعىن تەرەڭ سەزىندى. بۇل كوكتوعاي — شونجى — قاشقار جاڭا اۋە لەنياسى ءۇش جەردىڭ ساياحات-مادەنيەت قاتارلى سالالارداعى ىشكەرىلەي توعىسۋىنا جاڭا وراي ازىرلەپ عانا قويماي، سونىمەن بىرگە، وڭىرلەر اراسىنداعى اۋىس-كۇيىس پەن سەلبەستىككە تىڭ ومىرشەڭدىك كۇش قوستى.
الداعى جەردە كوكتوعاي اۋدانى وسى اۋە لەنياسىنان پايدالانىپ ءۇش جەردىڭ بايلىق قاينارىنىڭ ىقپالداستىعى مەن ورتاق يگىلىكتەنۋىن ۇزدىكسىز جەبەپ،ساياحاتشىلارعا باي مازمۇندى ساياحاتتاۋ كەشىرمەلەرىن سەزىندىرەدى.
来源：雪都嘟/阿勒泰地区融媒体中心
记者：古丽娜
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
