جاڭبىر، قار جاۋادى، تەمپەراتۋرا تومەندەيدى

 (1) دۇيسەنبىدەن سارسەنبىگە دەيىن كۇن اشىق بولادى، ارا-تۇرا بۇلتتايدى، اۋا تەمپەراتۋراسى كورنەكتى جوعارىلايدى

مەجەمەن، 11-ايدىڭ 4-كۇنىنەن (دۇيسەنبى) 6-كۇنىنە (سارسەنبى) دەيىن، ايماعىمىزدا كۇن اشىق بولادى، ارا-تۇرا بۇلتتايدى، قابا، جەمەنەي، بۋىرشىن اۋداندارىندا قيىس شىعىستان 6 دا 7 بال بوران سوعادى، جاپان تۇزدەردە جانە جەل وتتەرىندە جەل كۇشى 8 بالعا جەتەدى، اۋا تەمپەراتۋراسى كورنەكتى جوعارىلايدى، وزەن اڭعارلارىنىڭ، جازىقتاردىڭ باسىم كوپ بولەگىنىڭ ەڭ جوعارى اۋا تەمپەراتۋراسى ℃12 تا ℃14 قا، تاۋلى رايونداردا ℃5 تا ℃8 قا جوعارىلايدى.

(2) بەيسەنبى كۇنى تۇستەن بۇرىننان تۇنگە دەيىن جاۋىن-شاشىن بولادى

مەجەمەن، 11-ايدىڭ 7-كۇنى (بەيسەنبى) تۇستەن بۇرىننان تۇنگە دەيىن، كوكتوعاي، شىڭگىل اۋداندارىندا سەبەزگى جاڭبىر جاۋىپ، سوڭى قارعا اينالادى، قابا، بۋىرشىن، بۋرىلتوعاي اۋداندارىنىڭ جانە التاي قالاسىنىڭ باسىم كوپ جەرىندە ورتاشا جاڭبىر جاۋادى، جەمەنەي اۋدانىنىڭ باسىم كوپ بولەگىندە، سونداي-اق سولتۇستىك، شىعىس تاۋلى وڭىرلەردە سەبەزگى جاڭبىر جاۋىپ، سوڭى قالىڭ قارعا اينالادى، بۋىرشىن اۋدانىنىڭ تاس ءۇي، جالدىڭ ءۇيى، قاناس، قوم وڭىرىندە، التاي قالاسىنىڭ تەرىستىگىندەگى تاۋلى وڭىرلەردە، بۋرىلتوعاي اۋدانىنىڭ قىزىلتاۋ وتكەلىندە جانە كوكتوعاي اۋدانىنىڭ جايلاۋىندا ەرەكشە قالىڭ قار جاۋادى.

(3) سەنبى كۇنى تۇستەن بۇرىننان تۇنگە دەيىن قار جاۋىپ، تەمپەراتۋرا تومەندەيدى

مەجەمەن، 11-ايدىڭ 9-كۇنى (سەنبى) تۇستەن بۇرىننان تۇنگە دەيىن بۋرىلتوعاي اۋدانىنىڭ باسىم كوپ بولەگىندە، كوكتوعاي، شىڭگىل اۋداندارىنىڭ وڭتۇستىگىندەگى اۋىل-قالاشىقتاردا كۇن بۇلتتى بولادى، قابا، بۋىرشىن، جەمەنەي اۋداندارىندا قىرباق قار جاۋادى، التاي قالاسىندا، كوكتوعاي، شىڭگىل اۋداندارىندا ورتاشا قار جاۋادى، سولتۇستىك، شىعىس تاۋلى وڭىرلەردە ەرەكشە قالىڭ قار جاۋادى.

اۋا تەمپەراتۋراسى℃7 تا ℃9 تومەندەيدى، 11-ايدىڭ 10-كۇنى (جەكسەنبى) تاڭەرتەڭ ايماعىمىزدىڭ وزەن اڭعارلارىنىڭ، جازىقتارىنىڭ ەڭ تومەنگى اۋا تەمپەراتۋراسى ℃3- تا ℃5- قا، تاۋ بوكتەرلەرىندە ℃4- تا ℃6- قا، تاۋلى وڭىرلەردە ℃10- تا ℃12- قا تۇسەدى.

اۋا رايىنىڭ ىقپالى جانە ۇسىنىستار:

1. ساياحات كورىنىس رايوندارىنىڭ حاۋىپسىزدىگىن، قاتىناس-تاسىمال، ءجۇرىس-تۇرىس حاۋىپسىزدىگىن باسقارۋدى كۇشەيتۋدى ۇسىنىس ەتەمىز

بەيسەنبىدەن باستاپ ايماعىمىزدا جاۋىن-شاشىندى اۋا رايى ءجيى بولىپ، جولدى انىق كورۋ قيىنعا سوعادى، جول تايعاق بولادى، ءىشىنارا جول بولەكتەرىندە جولعا مۇز قاتىپ، جولدى قار باسۋى مۇمكىن، قاتىناس باسقارۋ تاراۋلارىنىڭ ءتۇيىندى جول بولەكتەرىندە قاتىناسقا جەتەكشىلىك ەتىپ، حاۋىپسىزدىك تەكسەرۋىن جۇرگىزىپ، جول جاعدايىنا نەگىزدەلىپ قاتىناستى ۋاعىندا باسقارۋعا الۋىن ۇسىنىس ەتەمىز. اسىرەسە، S232 جەلىسىنىڭ تاس ءۇي — قاناس، G219 جەلىسىنىڭ تەرەكتى اۋىلى — قاناس، تەرەكتى — جالدىڭ ءۇيى تاس جول بولەگى، X852 جەلىسىنىڭ قوم اۋىلى — قوم ايىرىعى، S226 جەلىسىنىڭ كوكتوعاي اۋدانى — كوكتوعاي قالاشىعى، S229 جەلىسىنىڭ قۋرايتى — جەمەنەي جول بولەكتەرىنە ءتۇيىندى تۇردە نازار اۋدارىڭىزدار. كورىنىس رايوندارىنىڭ حاۋىپسىزدىكتى باسقارۋدى كۇشەيتىپ، ساياحاتشىلارعا جاڭبىردان قورعانۋ بۇيىمدارىن الا ءجۇرۋدى ءارى كيىمدى قالىڭ كيىنۋدى ەسكەرتۋىن، تاۋعا باراتىن اۆتوكولىك يەلەرىنە دەر كەزىندە قىستىق دوڭگەلەك اۋىستىرۋدى ەسكەرتۋىن ۇسىنىس ەتەمىز. تاس جول باسقارۋ تاراۋلارىنىڭ، تۇرعىن ءۇي جانە قالا-اۋىل قۇرىلىسى تاراۋلارىنىڭ جولداعى قاردى دەر كەزىندە تازالاپ، جولدىڭ ىركىلىسسىزدىگىنە كەپىلدىك ەتۋىن ۇسىنىس ەتەمىز.

2. جاڭبىرلى، قارلى اۋا رايىنىڭ سىرتتا قۇرىلىس جۇرگىزۋگە جاسايتىن ءتيىمسىز ىقپالىنان ساقتانۋعا كوڭىل بولىڭىزدەر

ءۇرتىس قارلى، جاڭبىرلى اۋا رايى قۇرىلىس جۇرگىزۋگە ىقپال جاسايدى، قاتىستى تاراۋلاردىڭ ءتيىمسىز اۋا رايىنىڭ ىقپالىنان ساقتانىپ، وسى اپتانىڭ الدىڭعى مەزگىلىندەگى (11-ايدىڭ 4-،  6-كۇندەرى) اۋا رايى ءتيىمدى  مەزگىلدى مىقتى يگەرىپ، قۇرىلىستىڭ اياق الىسىن تەزدەتۋدى ۇسىنىس ەتەمىز.

3. كومىر جاعاتىن وتباسىلارى حاۋىپسىزدىككە كوڭىل ءبولىپ، ىس تيۋدەن، ءورت كەتۋدەن ساقتانۋى كەرەك.

 4. اۋا رايى ستانسياسى جاريالاعان اۋا رايىنان الدىن الا مالىمەتكە جانە سۇركەيلى اۋا رايى ساقتىق سيگنالىنا قاداعالاي نازار اۋدارىڭىزدار.