1 – ايدىڭ 3 – كۇنى، ءتىلشىنىڭ شينجياڭ ۇيعۇر اۆتونوميالى رايوندىق مۇگەدەكتەر بىرلەستىگىنەن ۇعىسۋىنشا، جاڭادان وزگەرىس ەنگىزىلگەن «شينجياڭ ۇيعۇر اۆتونوميالى رايونىنىڭ مۇگەدەك بالالاردى ساۋىقتىرۋ، قۇتقارۋ ـ كومەكتەسۋ ءادىسى» (تومەندە قىسقارتىلىپ «ءادىس» دەلىنەدى) بيىل 1 - ايدىڭ 1 - كۇنىنەن باستاپ اتقارىلدى. ادىستە مۇگەدەك بالالاردى ساۋىقتىرۋ، قۇتقارۋ ـ كومەكتەسۋ ولشەمى جوعارىلاتىلىپ، كولەمى كەڭەيتىلىپ، ءار جىلى ەڭ جوعارى بولعاندا 19 مىڭ 200 يۋان قوسىمشا قاراجات بەرىلەدى.

ادىستە مىنالار بەلگىلەندى: 2025 – جىلى 1 - ايدان باستاپ، بۇكىل شينجياڭداعى مۇگەدەك بالالاردى ساۋىقتىرۋ، قۇتقارۋ ـ كومەكتەسۋ جاسى بۇرىنعى 0 جاستان 6 جاس ارالىعىنداعىدان 14 جاسقا دەيىن كەڭەيتىلدى، شارت - جاعدايى بار وڭىرلەر وتباسىلىق ەكونوميكالىق شارت - جاعداي مەن قۇتقارۋ جاس شەكتەمەسىن كەڭەيتۋىنە بولادى، قاجەتتى قارجىنى جەرگىلىكتى ورىن ۇستىنە الادى.

سونىمەن بىرگە، جاڭا ءار ءتۇرلى مۇگەدەك بالالاردىڭ دەنساۋلىعىن قالپىنا كەلتىرۋ جاتتىعۋ ولشەمىن جوعارىلاتتى، اسىرەسە، ەستۋ، سويلەۋ جاعىندا كەمىستىگى بار بالالارعا ادام باس سايىن جىلىنا 12 مىڭ يۋان قوسىمشا قاراجات بەرۋ ولشەمىن جىلىنا 19 مىڭ 200 يۋان قوسىمشا قاراجاتقا جوعارىلاتتى.

ساۋىقتىرۋ، قۇتقارۋ ـ كومەكتەسۋ مازمۇنى كورۋ، ەستۋ، ءتىل، قول - اياق، اقىل - وي قاتارلى جاقتا كەمىستىگى بار بالالار مەن جالعىزسىراۋ اۋرۋىنا شالدىققان بالالاردى ساۋىقتىرۋ قۇرىلىمدارىندا ورىستەتىلگەن نەگىزگى ساۋىقتىرۋ جاتتىعۋىمەن قامداۋ؛ ەستۋ، قول - اياق، كورۋ قۋاتى جاقتا كەمىستىگى بار بالالارعا وپەراتسيا جاساۋ؛ ءار ءتۇرلى مۇگەدەك بالالار مەن جالعىزسىراۋ اۋرۋىنا شالدىققان بالالارعا سايكەستى قوسىمشا جابدىقتاردى بەرۋ.

مۇگەدەك بالالاردى ساۋىقتىرۋ، قۇتقارۋ ـ كومەكتەسۋ ەرىكتى بولۋ قاعيداسى بويىنشا، مۇگەدەك بالالاردىڭ قامقورشىلارى (باسقالارعا، قوعامدىق ۇيىمدارعا، قوعامدىق قۇتقارۋ ىستەرىن ٴبىتىرۋ ورگاندارىنا، ەرەكشە وقۋ - اعارتۋ مەكتەپتەرىنە امانات ەتسە دە بولادى) مۇگەدەك بالالاردىڭ ناپوسى تۇراتىن ورىنداعى اۋدان دارەجەلىك مۇگەدەكتەر بىرلەستىگىنە جازبا ءوتىنىش بەرۋى كەرەك، ءارى مەملەكەتتىك مۇگەدەكتەر بىرلەستىگىنىڭ ينفورماتسيالانعان قىزمەت وتەۋ تەكشەسىنەن ءتۇيىندى ساۋىقتىرۋ قۇرىلىمىن تاڭدايدى.

تەكسەرۋ ارقىلى شارتقا ۇيلەسەتىن بولسا، مۇگەدەك بالانىڭ قامقورشىسى نەمەسە ءوتىنىش ەتۋشى ءوتىنىش كەستەسىن الىپ، بەلگىلەنگەن ساۋىقتىرۋ قۇرىلىمىن ءوز ەركىمەن تاڭداپ، ساۋىقتىرۋ جاتتىعۋىن قابىلدايدى، قاجەت بولعاندا، بەلگىلەنگەن ەمدەۋ، ساۋىقتىرۋ قۇرىلىمدارىنا بارىپ ىشكەرىلەي دياگنوز قويىپ، ساۋىقتىرۋ قاجەتىن باعالايدى. مۇگەدەك بالالار ءبىر جىلدا پرينسيپتىك جاقتان ءبىر ءتۇرلى مۇگەدەك ءتۇرىن تاڭداپ، ساۋىقتىرۋ كومەگىن قابىلدايدى.

شينجياڭ ۇيعۇر اۆتونوميالى رايوندىق مۇگەدەكتەر بىرلەستىگى پارتگرۋپپاسىنىڭ مۇشەسى، ورىنباسار القا باستىعى تان گوشين مىنالاردى ءبىلدىردى: مۇگەدەك بالالاردى ساۋىقتىرۋ، قۇتقارۋ ـ كومەكتەسۋ ءتۇزىمى ەكونوميكالىق، قوعامدىق دامۋ دەڭگەيىمەن سايكەسۋى كەرەك، شارتقا ۇيلەسەتىن مۇگەدەك بالالاردىڭ دەر كەزىندە ساۋىعۋىنا، قۇتقارۋ ـ كومەكتەسۋ قىزمەت وتەۋىنەن يگىلىكتەنۋىنە كۇش سالا كەپىلدىك ەتۋ كەرەك، وسى رەت جاريالانعان ءادىس قۇتقارۋ ـ كومەكتەسۋ جاسى، قۇتقارۋ ولشەمى مەن قۇتقارۋ شارت - جاعدايى جاعىندا كەڭىرەك بولىپ نەمەسە جوعارىلاتىلىپ، مۇگەدەك بالالاردىڭ وتباسىنىڭ ەكونوميكالىق قىسىمىن بارىنشا جەڭىلدەتىپ، ءتىپتى دە كوپ مۇگەدەك بالالاردىڭ دەر كەزىندە ساۋىعۋىنا قىزمەت وتەۋىنە مۇمكىندىك جاساپ، شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ مۇگەدەك بالالارعا كوڭىل بولەتىندىگىن ايگىلەدى.