تاياۋدا، حيلۇڭجياڭ ولكەسىنىڭ شينجياڭعا 5-توپتا باعىتتامالى كومەكتەسۋگە كەلگەن 12 ەمدەۋ مامانى ءبىر جارىم جىلدىق ەمدەۋ جاقتان كومەكتەسۋ مىندەتىن اياقتاتىپ، ايماقتىق حالىق شيپاحاناسىنان حيلۇڭجياڭ ولكەسىنە قايتتى.
ۇعىسۋعا قاراعاندا، بۇل كەزەكتى شينجياڭعا كومەكتەسۋگە كەلگەن ەمدەۋ ماماندارى التايدا تۇرعان كەزدە ولاردىڭ امبۋلاتوريادا جانە شۇعىل ەمدەۋ بولىمىندە قابىلداعان ناۋقاستارىنىڭ جالپى سانى 1732 ادام (رەت) بولعان. وسى مەزگىلدە ولار 858 رەت وپەراتسيا جاسادى، 322 رەتكى وپەراتسياعا قاتىناسىپ جەتەكشىلىك ەتتى، 151 ادام (رەت) 3-، 4-دارەجەلى وپەراتسيا جاسادى، 6 ءتۇرلى جاڭا تەحنيكا، جاڭا نىسان قىزمەتىن ىستەدى. اۋداندار مەن قالادا 12 رەتكى ارالاپ ەمدەۋگە نەمەسە اقىسىز ەمدەۋگە قاتىناستى، اۋداندار مەن قالانىڭ 9 رەتكى ۇسىنىسىمەن 40 رەت وپەراتسيا جاسادى.
حيلۇڭجياڭ ولكەسىنەن شينجياڭعا باعىتتامالى كومەكتەسۋگە كەلگەن شيپاگەر ليۋ حۇڭۋي تىلشىگە: ىستەگەن قىزمەتىمىز بەينە تۇقىم سىڭىرگەندەي تامىر تارتىپ، وركەندەپ، شينجياڭنىڭ ەمدەۋ-دەنساۋلىق ساقتاۋ ىستەرىنىڭ باياندى دامۋىنا رول اتقارۋىن ءۇمىت ەتەمىن. جەرگىلىكتى ەمدەۋ اترەتىنىڭ بۇدان بىلايعى قىزمەتتە ۇزدىكسىز العا باسىپ، ءار ۇلت حالقىنا اناعۇرلىم ساپالى ەمدەۋ قىزمەتىن وتەيتىندىگىنە سەنەمىن،-دەدى.
来源：雪都嘟/阿勒泰地区融媒体中心
记者：董世菊
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
