10-ايدىڭ 28-كۇنى بۋرىلتوعاي اۋدانى اقدالا رايونىندا مال باعاتىن كوكاعاش اۋىلى كوكجورعا قىستاعىنىڭ مالشىسى التىنبەك شالاق ۇلى تىلشىگە: بۇرىن قىستا مال باققاندا جاتىن ورىن شارت-جاعدايى ءبىرشاما ناشار بولاتىن. قازىر بەرىك تە جىلى ۇيگە كوشىپ كىردىك، قىستىڭ سۋىعىنان الاڭدامايتىن بولدىق،-دەدى.
اۆتونوميالى رايوننىڭ 2024-جىلعى ”10 ءىرى حالىق تۇرمىسى ناقتى ءىسىن“ مۇقيات دايەكتىلەندىرۋ، تياناقتاندىرۋ ءۇشىن، بۋرىلتوعاي اۋدانى قاتىستى تاراۋلاردىڭ قىزمەتكەرلەرىن دەر كەزىندە ۇيىمداستىرىپ، تۇتاس اۋدانداعى مال باعۋ ءتۇيىنىن ناق مايداندا ءبىر-بىرلەپ تەكسەرىپ، مالشىلاردىڭ ءوندىرىس-تۇرمىس قاجەتىن تولىق ۇعىستى ءارى حاۋىپسىزدىك كومەسكى قاتەرى بار ءۇيدى تۇگەلدەي شاعىپ، بەرىك تە حاۋىپسىز ءۇي سالىپ، مالشىلاردىڭ ءوندىرىس حاۋىپسىزدىگىنە، قىستان امان وتۋىنە كەپىلدىك ەتتى.
بۋرىلتوعاي اۋدانى شىعانجيدە اۋىلى بولەكتوبە قىستاعىنىڭ تۇرعىنى مۇرال كوكى ۇلى تىلشىگە: بۇرىن قىستا مال باعۋ تۇيىنىندە كيىز ۇيدە وتىراتىنبىز، ءبىرشاما جۇپىنى، ونىڭ ۇستىنە، حاۋىپسىزدىك كومەسكى قاتەرى بار ەدى. قازىر كەرپىش ۇيگە كوشىپ كىردىك، راسىندا، كەرەمەت،-دەدى.
ۇعىسۋعا قاراعاندا، بۋرىلتوعاي اۋدانى بيىل 82 مالشىلار ءوندىرىس ءۇيىن سالۋدى جوسپارلاعان، ءار ءۇيدىڭ كولەمى 26 شارشى مەتر، بارلىعى تاس كەرپىش-بەتون قۇرىلىمدى، ونىڭ ۇستىنە، سايكەستى قۇرىلعىلارى تولىق. ءۇيدىڭ ساپاسىنا كەپىلدىك ەتۋ ءۇشىن، بۋرىلتوعاي اۋدانى قاتىستى تاراۋلاردىڭ تەحنيكتەرىن ۇيىمداستىرىپ، ورىن تاڭداۋ، جوبالاۋ، جەر تاعانى، ماتەريال تاڭداۋ، قۇرىلىس سالۋ سياقتى جاقتاردان تۇتاس بارىسقا جەتەكشىلىك ەتىپ، قۇرىلىس ساپاسىن، وزگەرتۋ ءتارتىبىن قاتاڭ باقىلادى. قازىر 82 ءۇي تەكسەرىپ وتكىزىپ الىنىپ پايدالانۋعا بەرىلدى.
来源：雪都嘟/阿勒泰地区融媒体中心
通讯员：哈那提
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
