36 جاستاعى جاڭ لۇڭ ۇنەمى ”بۇقارانىڭ ءىسى مەنىڭ ءىسىم“ دەپ ايتۋشى ەدى. ول قابا اۋداندىق قوعام حاۋىپسىزدىگى مەكەمەسى قاتىناس ساقشى ۇلكەن اترەتىنىڭ باستىعى بولعاندىقتان، ۇنەمى نەگىزگى ساتىنىڭ ءبىرىنشى شەبىنە بارىپ بۇقارانىڭ حال-جاعدايىن ۇعىسىپ، ايتقان شارۋاسىنىڭ ۇلكەن-كىشىلىگىنە قاراماستان ءبىتىرىپ بەرەتىن. مىندەت اتقارعان كوپ جىلدان بەرى ول سان رەت جول بويىندا حاۋىپتەن اراشالاپ، شۇعىل جاعدايدان قۇتقارىپ، كومەك بەردى.
بيىل جىل باسىندا قاناس كورىنىس رايونىندا قار كوشكىنى تۋىلعاندا، جاڭ لۇڭ اتويلاپ العا شىعىپ قارلى بوران، قاقاعان ايازعا قاراماي قوسىن باستاپ جولدا قامالىپ قالعان اۆتوكولىك پەن ساياحاتشىلاردى قۇتقارىپ-كومەكتەستى. بىرنەشە كۇننىڭ ىشىندە جاڭ لۇڭ ٴوزىنىڭ مول تاجىريبەسى مەن تالداۋ قۋاتىنا سۇيەنىپ 300 دەن ارتىق اۆتوكولىككە نۇسقاۋشىلىق جاساپ، ساياحاتشىلاردىڭ جوعارى باعاسىنا يە بولدى.
شۇعىل جاعدايدى ءبىر جاقتى ەتۋ قابىلەتىن جوعارىلاتىپ قالماستان، جاڭ لۇڭ نازىك بۋىندارعا دا باسا نازار اۋدارىپ، قابا اۋدانىنىڭ جول قاتىناس حاۋىپسىزدىگىن باسقارۋ ورەسىن جوعارىلاتتى. قىزمەت بارىسىندا ول جاڭالىق اشىپ العا قويعان اۆتوكولىك باسقارۋ تاراۋلارىنىڭ ”جەلىدە + جەلىدەن تىس“ ۇگىت فورماسى جانە ”تۇيىندە، جەلىدە، اۋماقتا“ ءبىتىرۋ ءادىسىن قولدانىپ، اۆتوكولىك باسقارۋ ورنىن شىن مانىندە ”ءبىر بەكەتتىك ءبىتىرۋ، جۇمىس ءتارتىبىن ولشەمدەندىرۋ“ حالىققا قولايلى قىزمەت وتەۋ ورنىنا اينالدىردى. ول تاعى ۇلكەن اترەتتىڭ باسشىلىق القاسىن باستاپ ۇيرەنۋدى، كۋالىك ءبىتىرۋ ءوتىنىشىن قابىلداپ ەمتيحاندى اۋىل-قىستاققا جەتكىزۋ قاتارلى قىزمەت وتەۋدى العا قويىپ، بۇقارانىڭ موتوتسيكل شوفەرلىك كۋالىگىن بىتىرۋدەگى قيىن ماسەلەلەردى شەشىپ، بۇقارانى رازى قىلدى.
— شوفەرلەر ۇزاق ۋاقىت اۆتوكولىك جۇرگىزۋ بارىسىندا وڭاي قالعىپ كەتەدى. شوفەرلەرگە اۆتوكولىكتى توقتاتىپ سۋ ىشكىزىپ، كامپيت جەگىزىپ، ءبىر جاعىنان ۇگىت-تاربيە جۇرگىزىپ، ەندى ءبىر جاعىنان اۆتوكولىكتىڭ حاۋىپسىزدىگىن تەكسەرىپ، شوفەرلەردى دەمالدىرىپ، شارشاپ -شالدىعۋىنىڭ الدىن الدىق،-دەدى جاڭ لۇڭ. جاڭ لۇڭنىڭ باستاۋىندا وسى اۋداننىڭ قاتىناس ساقشى ۇلكەن اترەتى ”بۇكىل شينجياڭداعى تاڭداۋلى قوعام حاۋىپسىزدىگى نەگىزگى ساتى ورنى“ اتاعىن الدى ءارى ءبىر رەت كوللەكتيۆ 2-دارەجەلى ەڭبەك، ەكى رەت كوللەكتيۆ 3-دارەجەلى ەڭبەك ءسىڭىرىپ، ەكى رەت كوللەكتيۆ سيلىق الدى. ول 2023-جىلعى ”شينجياڭ جاقسى قاتىناس ساقشىسى“، التاي ايماقتىق ساياسي-زاڭ جۇيەسىنىڭ ”قارلى مەكەن ادال قورعاۋشىسى“ اتاعىن الىپ، ەكى رەت جەكە 3-دارەجەلى ەڭبەك ءسىڭىرىپ، ەكى رەت جىلدىق تاڭداۋلى ۇكىمەت قىزمەتكەرى بولىپ باعالاندى.
تالاي جىلدان بەرى جاڭ لۇڭ باستان-اياق بۇقارامەن ەتەنە بولىپ، بار ىقىلاسىن كومەككە مۇقتاج ادامدارعا ارنادى. ”مەن قىزمەت ورنىمنان ۇزدىكسىز تاپجىلماي حالىق ءۇشىن قىزمەت ىستەپ، تىنىشتىقتى قورعاپ، حالىق ساقشىسىنىڭ اسىل قاسيەتىن ساقتاپ بارشاعا مەيىر سيلايمىن“-دەدى جاڭ لۇڭ.
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
