زات اينالىمىنداعى جولداۋ-جەتكىزۋ كاسىبىندەگى ەسىرتكىگە تيىم سالۋ قىزمەتىن ونان ارى جاقسى ىستەپ،كاسىپپەن شۇعىلدانۋشىلاردىڭ ەسىرتكىگە تيىم سالۋ تانىمىن كۇشەيتىپ، زاڭسىز ەلەمەنتتەردىڭ زات اينالىمىنداعى جولداۋ-جەتكىزۋ ارناسىنان پايدالانىپ، زاڭعا قايشى قىلمىستىق ارەكەتتەرمەن شۇعىلدانۋىنان قاتاڭ ساقتانۋ ءۇشىن، جاقىندا، كوكتوعاي اۋداندىق قوعام حاۋىپسىزدىگى مەكەمەسىنىڭ ەسىرتكىگە تيىم سالۋ تاراۋلارى قاراستى رايونداعى زات اينالىمىنداعى جولداۋ-جەتكىزۋ كاسىبىن ارناۋلى تەكسەردى.
ەسىرتكىگە تيىم سالۋ تاراۋلارىنداعى حالىق ساقشىلارى مەن كومەكشى ساقشىلار زات اينالىمىنداعى جولداۋ-جەتكىزۋ، جيناۋ-جونەلتۋ تۇيىندەرىن ناق مايداندا تەكسەردى ءارى كاسىپورىن جاۋاپتىلارىنىڭ مالىمەتىن تىڭداپ، زات اينالىمى، جولداۋ-جەتكىزۋ ورىندارىنىڭ جەدەل جولدامانى تاپسىرىپ الۋ-جونەلتۋدەگى حاۋىپسىزدىك تەكسەرۋى، اسپاپتان وتكىزۋ، قوراپتى اشىپ تەكسەرۋ، شىن اتى-جونىمەن تىزىمگە الدىرۋى تياناقتاندىرعان- تياناقتاندىرماعاندىعى، بەينە-جازبا ماتەريالدارىن ساقتاۋ ۋاقىتىنىڭ ولشەمگە جەتكەن-جەتپەگەندىگى، ەسەپ داپتەرىن تىزىمدەۋدىڭ ەگجەي-تەگجەيلى، بەلگىلەمەگە ۇيلەسىمدى بولعان-بولماعاندىعى، باقىلاۋ-مەڭگەرۋ بەينە ەكراننىڭ انىق بولعان-بولماعاندىعى قاتارلىلاردى مۇقيات تەكسەردى. بۇدان سىرت، كاسىپپەن شۇعىلدانۋشىلارعا زات اينالىمىنداعى جولداۋ-جەتكىزۋ ارناسىنداعى ەسىرتكىگە ساياتىن زاڭعا قايشى قىلمىس دەرەكتەرى بايقالسا، ەڭ الدىمەن قوعام حاۋىپسىزدىگى ورگاندارىنا اشكەرەلەۋ كەرەكتىگىن ۇقتىردى.
وسى رەتكى تەكسەرۋدە زات اينالىمىنداعى جولداۋ-جەتكىزۋ كاسىبىنىڭ جۇيەلى تيجاراتىن ونان ارى جەبەپ، كاسىپپەن شۇعىلدانۋشىلاردىڭ ەسىرتكىنى پارىقتاۋ، ەسىرتكىدەن ساقتانۋ، ەسىرتكىنى تەكسەرۋ قابىلەتىن جوعارىلاتىپ، زاڭسىز ەلەمەنتتەردىڭ زات اينالىمىنداعى جولداۋ-جەتكىزۋ كاسىبىنەن پايدالانىپ، زاڭعا قايشى ءتۇرلى قىلمىستىق ارەكەتتەرمەن شۇعىلدانۋىن تۋ باستان تەجەپ، ەسىرتكىگە تيىم سالۋ قىزمەتىنە بەرىك نەگىز قالادى.
来源：雪都嘟/阿勒泰地区融媒体中心
通讯员:曹旭 迪丽达尔·迪力夏提
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
