”جەمەنەي اۋداندىق ءادىليا مەكەمەسى جاقىنعى جىلداردان بەرى، زاڭمەن باسقارۋ ارقىلى جەتەكشىلىك ەتۋگە تاباندى بولىپ، نەگىزدى بەكەمدەۋ بەتالىسىن يگەرىپ، جۇيەلى كوزقاراستى بەرىك ورناتىپ، جەرگىلىكتى جاعدايعا قاراي ىستەپ، ءبىر تۇتاس ىلگەرىلەتىپ، ءادىليا قۇرىلىسىنىڭ دارەجەسىن جوعارىلاتتى. 2023-جىلى قارجاۋ ءادىليا بولىمشەسى، جەمەنەي قالاشىق ءادىليا بولىمشەسى اۆتونوميالى رايون دارەجەلى ’ۇلگى كورسەتۋ سيپاتتى ءادىليا بولىمشەسى‘ بولىپ ءساتتى قۇرىلدى“ ،-دەدى 10-ايدىڭ 25-كۇنى جەمەنەي اۋداندىق ءادىليا مەكەمەسى زاڭمەن باسقارۋ جالپىلىق ءبولىمىنىڭ باستىعى حۋاڭ مەيلى.
ءادىليانىڭ نەگىزدىك قۇرىلىسىن كۇشەيتتى. جەمەنەي اۋداندىق ءادىليا مەكەمەسى الەۋمەتتىك اۋماقتا حالىقتىق جاراستىرۋ كەڭسەسى، الەۋمەتتىك زاڭدىق قىزمەت وتەۋ پۋنكتى سياقتى فۋنكتسيالىق ورنالاستىرۋدى كەمەلدەندىرىپ، اۋىل (قالاشىق) 1-دارەجەلى ءادىليا بولىمشەسىنىڭ قىزمەتىنە قاجەتتى كەڭسە جابدىقتارىن ازىرلەدى جانە جاڭالادى. 2023 — 2024-جىلدارى 7 ءادىليا بولىمشەسىنىڭ كاسىپتىك ءۇيىن جاڭالاۋ، نەگىزدىك قۇرىلعىلاردىڭ دارەجەسىن جوعارىلاتۋدى ورىندادى.
ءادىليا قوسىنى قۇرىلىسىن كۇشەيتتى. ۇكىمەت قىزمەتكەرلەرىن قابىلداۋ، اۋىستىرىپ اكەلۋ سياقتى تاسىلدەر ارقىلى اۋىلدىق (قالاشىق) ءادىليا بولىمشەلەرىنىڭ كۇشىن بەلسەنە تولىقتاپ، مەكەمە-ورگاندارى مەن اۋىلدىق (قالاشىق) ءادىليا بولىمشەلەرىنىڭ بىرلەسىپ كومەكتەسۋ، سۇيەمەلدەۋ مەحانيزمىن ورناتىپ، نەگىزگى ساتى ءادىليا بولىمشەلەرىنە اي سايىن كەمىندە ءبىر رەت بارىپ قىزمەت ورىستەتۋگە كەپىلدىك ەتىپ، كاسىپتىك تاربيەلەۋ شاعىن ساباقحاناسىن 12 رەت ۇيىمداستىردى. قازىر وسى اۋداننىڭ ءادىليا بولىمشەسىنىڭ ساياسي-زاڭ ارناۋلى شتاتىندا 11 ادام بار، مۇنىڭ ىشىندە 2 ادام زاڭدىق كاسىپتىك تولىمدىلىق كۋالىگىن، 4 ادام نەگىزگى ساتى زاڭدىق قىزمەت وتەۋ قىزمەتىنىڭ تولىمدىلىق كۋالىگىن العان.
ءادىليا مەكەمەسىنىڭ قىزمەت ونىمدىلىگىن ارتتىردى. 2022-جىلدان بەرى جەمەنەي اۋدانى اۋدان، اۋىلدىڭ ”ءبىر بەكەتتىك“ الەۋمەتتىك زاڭدىق قىزمەت وتەۋ تۇلعالىق تەكشەسىن قۇلشىنا قۇردى. سونىمەن بىرگە، زاڭ جالپىلاستىرۋ ۇگىتى، حالىقتىق جاراستىرۋ، زاڭدىق كومەك بەرۋ سياقتى بايلىقتاردى بىرىكتىرۋ ارقىلى الەۋمەتتىك زاڭدىق قىزمەت وتەۋمەن قامداۋ مازمۇنىن كەڭەيتىپ، ”ءبىر ەسىكتەن عانا كىرىپ، الەۋمەتتىك زاڭدىق قىزمەت وتەۋدىڭ بارلىق ءىسىن ويداعىداي ءبىتىرۋدى“ جۇزەگە اسىرىپ، ءبىر قىستاقتا ءبىر زاڭ اقىلشىسى بولۋ ءتۇزىمىن ورناتىپ جانە كەمەلدەندىرىپ، بۇقاراعا قىزمەت وتەۋدىڭ ”ەڭ سوڭعى ءبىر كيلومەترىن“ اشتى. جاراستىرۋ قىزمەتى جۇيەسىن كەڭ كولەمدى ورناتىپ، اۋدان، اۋىل (قالاشىق)، قىستاق (الەۋمەتتىك اۋماق) سىندى 3 دارەجەلى حالىقتىق جاراستىرۋ تورابىن اقاۋسىزداندىرىپ، حالىقتىق جاراستىرۋ قوسىنىن ۇزدىكسىز تولىقتادى. قازىر، حالىقتىق جاراستىرۋشىدان 265 ادام، كاسىپتىك حالىقتىق جاراستىرۋشىدان 34 ادام بار. 2022-جىلدان بەرى ءتۇرلى قايشىلىق پەن داۋ-شاردان جيىنى 248 ىن جاراستىرىپ، جاراستىرۋدىڭ ءساتتى بولۋ مولشەرى %97.8 بولدى.
来源：雪都嘟/阿勒泰地区融媒体中心
记者： 胡俊秀
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
