11-ايدىڭ 5-كۇنى، شينلاڭ ميكرو بلوگى باس بولىپ، بەيجيڭ راديو-تەلەۆيزيا ستانسياسى ۇستىنە الىپ وتكىزگەن 2024-جىلعى ميكرو بلوگ كوزاياسى جينالىسى بەيجىڭدە وتكىزىلدى. جينالىستا 3 ۇلكەن تۇردەن جالپى 50 نەشە ءتۇرلى سيلىق تاراتىلدى. مۇنىڭ ىشىندە، 8 سەريالدى قىسقا تەلەفيلم «مەنىڭ التايىم» جينالىستاعى جىلدىق كينو-تەلەۆيزيا كەيىپكەرى، سەريالى، مۋزيكا جانە اۋەلگى تۋىندى قاتارلى كوپ ءتۇرلى سيلىقتاردا اتى اتالدى. ارتيس يۇي شى بۇندا ”باتايدىڭ“ رولىن سومداعاندىقتان، جىلدىق ۇزدىك رول سومداۋشى داڭقتى اتاعىنا يە بولدى.
ماراپات تورىندە يۇي شى: «مەنىڭ التايىما»، باتايعا العىس ايتامىن،-دەدى.
بيىل 5-ايدا، لي جۋاننىڭ اتتاس شالقىمالار جيناعىنان وزگەرتىلگەن قىسقا سەريالدى تەلە فيلم «مەنىڭ التايىم» قويىلعاننان كەيىن، توراپتا قىزۋ تارالدى. بۇل تەلە فيلمنىڭ ءتىلى جاتتىق، سيۋجەتى ەركىن. جاسىل جايلاۋ، كوك اسپان، ءتورت تۇلىك مالدىڭ جانعا جايلى كورىنىسى، تۋىسقاندىق، ادامگەرشىلىك جانە تۇرمىستاعى ۇساق-تۇيەك ىستەردى ءوزارا توعىستىرۋى كورەرمەندەردىڭ جۇرەگىنە جول تارتىپ، اناعۇرلىم كوپ ادامداردىڭ التايدىڭ كوركەم كورىنىسى مەن حالىقتىق سالت-ساناسىن تۇسىنۋىنە مۇمكىندىك جاراتتى.
تەلەفيلمدە يۇي شى قازاق ازاماتى باتايدىڭ رولىن سومداپ، كەلىسكەن كەلبەتى، ماحابباتقا دەگەن كىرشىكسىزدىگى ارقىلى كورەرمەندەرگە ەستەن كەتپەس اسەر قالدىردى.
来源：综合首都广电、微博视界大会官方微博
雪都融媒
编辑：米拉木古丽·穆斯那提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
