ཀླུ་ལྡིང་མཁན་ཆེན་རྡོ་རྗེ་འཆང་འཇམ་དབྱངས་བསྟན་པའི་ཉི་མའི་ཞལ་གསུངས།
ཀྱེ་རྡོར་ཁ་འདོན་ཉི་མ་རེ་རེ་ལ་ཚར་རེ་འདོན་ན། མ་ཎི་དུང་འདོན་པ་ལས་ཕན་ཡོན་ཆེ་བ་ཡོད་གསུངས་ཡོད་རེད། དེ་ཧ་ཅང་གནད་ཆེན་པོ་རེད། མ་ཎི་དུང་གཅིག་ལོ་མང་པོ་འགོར་འགྲོ་ཡི་རེད། ཀྱེ་རྡོར་གྱི་ཁ་འདོན་ཉིན་མ་རེ་ལ་ཚར་གསུམ་བཞི་འདོན་ན་ཡང་ཚར་གྱི་རེད། ཚར་རེ་འདོན་ན་ཡང་ཕན་ཡོན་ཆེན་པོ་ཡོད་གསུངས་པ་རེད། ཕན་ཡོན་ཆེ་བའི་རྒྱུ་མཚན་ནི། སྐྱབས་འགྲོ་ནས་བཟུང་མཐར་བསྔོ་བ་སྨོན་ལམ་བར་དེ་ལ་སངས་རྒྱས་ཀྱི་མཛད་པ་ཆ་ཚང་ཞིག་འགྲོ་ཡི་ཡོད་རེད། སངས་རྒྱས་ཀྱི་མཛད་པ་དེ་ཉི་མ་རེ་རེ་བཞིན་དུ་ཉམས་སུ་ལེན་པ་ཡིན་ན། དེ་ཕན་ཡོན་བསམ་གྱིས་མི་ཁྱབ་པ་ཡོད་གསུངས། མ་ཎི་དུང་གཅིག་འདོན་པ་ཡིན་ན་ཕན་ཡོན་ཆེན་པོ་ཡོད། ཡིན་ན་ཡང་དེ་གཉིས་བསྡུར་ན། མ་ཎི་དུང་གཅིག་འདོན་ན་གཟུངས་སྔགས་དུང་གཅིག་འདོན་པ་མ་གཏོགས་ཡོད་མ་རེད། ཀྱེ་རྡོར་གྱི་ཁ་འདོན་དེ་སངས་རྒྱས་ཀྱི་མཛད་པ་ཆ་ཚང་ཞིག་འགྲོ་དུས། དེའི་ཕན་ཡོན་དང་དགེ་མཚན་ཁྱད་པར་དུ་འཕགས་པ་ཡོད་གསུངས།
