11-ايدىڭ 8-كۇنى ”ءبىزدىڭ جۇڭگو ارمانىمىز — مادەنيەتتى وتباسىنا جەتكىزۋ“ اتىنداعى الەۋمەتتىك يگىلىك سيپاتتى ادەبيەت-كوركەمونەر كونسەرتى التاي قالاسىندا تارتىمدى وتكىزىلدى.
بۇل ايماقتىق ءان-ءبي ۇيىرمەسىنىڭ حالىققا ارناعان ەكى بولىمنەن قۇرالعان كونسەرتى. ءبىرىنشى ءبولىمى «كوكتوعاي ەستەمەسى» اتتى تۋىندى ءبي تەاترى بولىپ، تارتىمدى ءبي جانە تەرەڭ سۇيىسپەنشىلىككە تولى ورىنداۋ ءتاسىلى ارقىلى قالىڭ كورەرمەنگە كوكتوعايدىڭ ەستەن كەتپەس حيكاياسىن بايانداپ، سول ءبىر شۇعىلالى جىلداردى تەرەڭ سۇيىسپەنشىلىكپەن ەسكە الدى. ەكىنشى ءبولىمى تارتىمدى ءان-ءبي ويىنى بولدى.
— «كوكتوعاي ەستەمەسى» كوكتوعاي رۋحىنىڭ ۇلىلىعىن تەرەڭ سەزىندىردى. كونسەرت بۇقاراعا جاناسىمدى بولىپ عانا قويماي، كوپ نەگىزدى مادەنيەتتىڭ تارتىمدىلىعىن دا ايگىلەدى،-دەدى التاي قالاسىنىڭ تۇرعىنى ۋاڭ حۇيتۇڭ.
وسى رەتكى كونسەرت جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ەكى ساتىعا ءبولىپ وتكىزىلدى. ءبىرىنشى ساتىدا 10-ايدىڭ 18-كۇنىنەن 28-كۇنىنە دەيىن جەكە-جەكە شىڭگىل اۋدانى، كوكتوعاي اۋدانى (كوكتوعاي قالاشىعى، كوكتوعاي كادرلار شۋەيۋانى)، بۋرىلتوعاي اۋدانى، بەيتۇن قالاسى قاتارلى جەرلەردە ويىن قويدى. ەكىنشى ساتىدا 11-ايدىڭ 1-كۇنىنەن 14-كۇنىنە دەيىن التاي قالاسى، بۋىرشىن اۋدانى، قابا اۋدانى، جەمەنەي اۋدانى جانە ءارقايسى ساياحات كورىنىس رايونى، قىزىل تاربيە بازاسى، شەكارا قورعانىسى اسكەري بولىمدەرى، ءار دارەجەلى كاسىپتىك شۋەيۋان مەكتەپتەرگە ويىن قويادى.
ايماقتىق ءان-ءبي ۇيىرمەسىنىڭ ورىنباسار باستىعى، مەملەكەتتىك 1-دارەجەلى ارتيس انار قايىم قىزى بىلاي دەدى: وسى رەتكى كونسەرتتىڭ ماقساتى جۇڭحۋانىڭ تاڭداۋلى ءداستۇرلى مادەنيەتىن نەگىزگى ساتىعا جەتكىزۋ، ءار ۇلت بۇقاراسىنىڭ ادەبيەت-كوركەمونەردە اۋىس-كۇيىس جاساۋىن، ءوزارا ۇلگى الۋىن جانە ارالاسۋىن، ىشتەسۋىن، توعىسۋىن ۇزدىكسىز كۇشەيتۋ، رۋحاني مادەنيەت تۇرمىسىن بايىتىپ، مادەنيەت ارقىلى حالىققا تيىمدىلىك جەتكىزۋ ساياساتىن ناقتاپ تياناقتاندىرۋ بولىپ تابىلادى.
وسى رەتكى ادەبيەت-كوركەمونەر كونسەرتىندە ارتيستەر ءارقايسى اۋدانعا (قالاعا) بارىپ، الۋان ءتۇرلى ساحنا ستيلى مەن كوپ نەگىزدى كوركەمونەر ماتەريالدارى، قويۋ ءداۋىر تىنىسى مەن ادامدى جەلپىندىرەتىن اۋەن ارقىلى بۇكىل ايماقتاعى ءار ۇلت بۇقاراسىنىڭ ىنتىماقتاسا العا باسقان ءداۋىر كەلبەتىن تولىق ايگىلەپ، بارلىق ادام جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتەتىن، ونى ساۋلەلەندىرەتىن جاندى جاعدايدىڭ قالىپتاسۋىن ىلگەرىلەتىپ، مادەنيەت ورتاق تانىمىن ۇيىستىرۋدىڭ، مادەنيەت سەنىمىن كۇشەيتۋدىڭ ماڭىزدى دانەكەرىنە اينالدىرىپ، قالىڭ بۇقارانى مادەنيەتتىڭ دامۋ جەتىستىگىنەن شىنايى يگىلىكتەندىردى.
来源：雪都嘟/阿勒泰地区融媒体中心
记者:董世菊
实习记者:刘欢
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
