جۋىردا، كوكتوعاي اۋدانى شاكۇرتى قالاشىعى يىڭبين جولى الەۋمەتتىك اۋماعىنىڭ تۇرعىنى گۋ ۋي ۆەلوسيپەدىن رەمونتتاماقشى بولدى. ول ”قولفوندا ورتاق يگىلىكتەنەتىن قۇرال-سايمان بولمەسىنە“ تىركەلگەننەن كەيىن كۇلىشتى پايدالانا تۇرۋعا الدى. ول بىلاي دەدى: ورتاق يگىلىكتەنەتىن قۇرال-سايمان بولمەسى كۇندەلىكتى تۇرمىستا بىزگە وتە قولايلى بولدى. ۇيىمدەگى جەل بەرگىشتى سول اراعا اپارىپ قويدىم، كوپشىلىكتىڭ كەز كەلگەن ۋاقىتتا پايدالانۋىنا بولادى.
كۇندەلىكتى تۇرمىستا كوپ نارسەلەردى رەمونتتاۋعا تۋرا كەلگەنىمەن، قاجەتتى قۇرال-سايمان دەر كەزىندە تابىلمايدى. ۇعىسۋعا قاراعاندا، وسى قيىن ماسەلەنى شەشۋ ءۇشىن، التاي ايماعى قىستاق (الەۋمەتتىك اۋماق) پارتيا ۇيىمىنىڭ ۇندەۋى، تۇرعىنداردىڭ كەڭ كولەمدە ات سالىسۋى جانە بىرگە قۇراتىن ورىنداردىڭ بەلسەنە سايكەسۋى ارقىلى بۇكىل ايماقتاعى 537 قىستاقتا (الەۋمەتتىك اۋماقتا) ”ورتاق يگىلىكتەنەتىن قۇرال-سايمان بولمەسىن“ جاپپاي جالپىلاستىرعان.
بيىل شاكۇرتى قالاشىعى ءارقايسى قىستاقتىڭ (الەۋمەتتىك اۋماقتا) 4 ورنىندا ”ورتاق يگىلىكتەنەتىن قۇرال-سايمان بولمەسىن“ قۇردى ءارى ۇنەمى قولدانىلاتىن ءتۇرلى قۇرال-سايمانداردى دايىندادى. ايتالىق: اتۆەرتكا، تىستەۋىك، كۇلىش سياقتىلار. بۇل سايمانداردى قاراستى اۋماقتاعى تۇرعىنداردىڭ كۇشكە يە ازاماتتىق كۋالىگىمەن تەگىن پايدالانۋىنا بولادى. بۇل قۇرالداردىڭ ءبىر ءبولىمىن الەۋمەتتىك اۋماق ءبىر تۇتاس ساتىپ العان، ءبىر ءبولىمىن قاراستى رايونداعى بىرگە قۇرعان ورىندار مەن تۇرعىندار جىلۋعا اتاعان.
تۇرعىنداردىڭ پايدالانۋىنا قولايلى بولۋ ءۇشىن، شاكۇرتى قالاشىعى توراپ تەكشەسىنەن پايدالانىپ، جەلىدە ”قول تەلەفوندا ورتاق يگىلىكتەنەتىن قۇرال-سايمان بولمەسىن“ شىعاردى. تۇرعىندار تەك ەكىلىك ءنومىردى جايمالاپ وزىنە قاجەتتى قۇرال-سايماندى تاڭداپ، جۇمىس ءتارتىبى بويىنشا ىستەتە تۇرۋ گرافاسىن تولتىرسا بولعانى پايدالانا الادى. بۇل بۇقاراعا بارىنشا قولايلىلىق جاراتتى.
سونىمەن بىرگە، شاكۇرتى قالاشىعى ەلەكتر جابدىقتارىن جوندەۋ، اۆتوكولىك رەمونتتاۋ، قۇبىر اشۋ سياقتىلارعا جەتىك ”شەبەر ۇستازداردى“ ”ورتاق يگىلىكتەنەتىن قۇرال-سايمان بولمەسىنە“ ۇسىنىس ەتتى. ولار ءوزىنىڭ بوس ۋاقىتىنان پايدالانىپ، كۇندەلىكتى جوندەۋ باعاسىنىڭ %50 — 10 ى بويىنشا يكەمدى تاپسىرىس قابىلداپ، ءوز كىرىسىن ارتتىرۋمەن بىرگە، تۇرعىندارعا تومەن اقىلى قىزمەت وتەدى.
بەيسەن بيدوللا ۇلى بۇقارانىڭ نازارىنداعى ”ىسكەر جان“، ونىڭ قولىنان لاس سۋ قۇبىرىن اشۋ، سۋ جىلىتقىش، كىر جۋۋ ماشيناسىن جوندەۋ ءبار -ءبارى كەلەدى. ول: كىشكەنتايىمنان ءار ءتۇرلى جابدىقتاردى جوندەۋگە قىزىعاتىن ەدىم، ”ورتاق يگىلىكتەنەتىن قۇرال-سايمان بولمەسى“ ”شەبەر“ قابىلدايدى دەگەندى ەستي سالا تىزىمدەلدىم،-دەدى.
”ورتاق يگىلىكتەنۋ قىستاقتىڭ (الەۋمەتتىك اۋماقتىڭ) جۇمىسى عانا ەمەس، بۇقارانىڭ ورتاق ءىسى. ”شەبەرلەردىڭ“ قاتارعا قوسىلۋىمەن ”ورتاق يگىلىكتەنەتىن قۇرال-سايمان بولمەسى“ بۇقارانىڭ قىزۋ قارسى الۋىنا يە بولدى. جەلىگە شىعارىلعانىنا 3 كۇن عانا بولعاندا 42 قۇرال-سايمان ىستەتە تۇرۋعا بەرىلدى، 3 ’شەبەر ۇستاز‘ 24 تاپسىرىستى ءساتتى ورىندادى“،-دەدى شاكۇرتى قىستاعى پارتيا ياچەيكاسىنىڭ شۋجيى ەرەجەپ ءامي ۇلى.
بۇل شارا الەۋمەتتىك اۋماقتاعى تۇرعىنداردىڭ قاجەتىن ءونىمدى شەشىپ، ءتۇرلى قۇرال-سايماننىڭ پايدالانىلۋ مولشەرىن ارتتىرۋمەن بىرگە، ”ورتاق يگىلىكتەنۋ“ بارىسىندا كورشىلەردىڭ بەرەكەسىن نىعايتتى.
التاي قالاسى ازات جولى كوشە ءىس باسقارماسى لانجيڭ الەۋمەتتىك اۋماعى مەن جەمەنەي اۋدانى توپتەرەك قالاشىعى حالىق جولى الەۋمەتتىك اۋماعى قاتارلى جەرلەردە ”ورتاق يگىلىكتەنەتىن قۇرال-سايمان بولمەسى“ تۇرعىنداردىڭ جاقسى باعاسىنا يە بولدى.
تۇرعىندار ءبىر اۋىزدان بىلاي دەدى: ”ورتاق يگىلىكتەنەتىن قۇرال-سايمان بولمەسى“ بىزگە مەيىر جەتكىزدى. بۇل جاڭالىق اشۋ شاراسى الەۋمەتتىك اۋماقتىڭ ۇيىسۋ قۋاتى مەن باۋراۋ قۋاتىن كۇشەيتۋمەن بىرگە، كورشىلەر اراسىنداعى بەرەكەنى، ءوزارا كومەكتەسۋدى دە جەبەدى. الداعى جەردە ايماق ”ورتاق يگىلىكتەنەتىن قۇرال-سايمان بولمەسى“ سىندى قىزمەت وتەۋ ۇلگىسىن ۇزدىكسىز جالپىلاستىرىپ جانە كەمەلدەندىرىپ، تۇرعىندارعا ءتىپتى دە قولايلى، جوعارى ءونىمدى قىزمەت وتەيدى.
来源：雪都嘟/阿勒泰地区融媒体中心
实习记者：王景鸿
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
