شينجياڭ باس جۇمىسشىلار ۇيىمى شيزاڭداعى جەر سىلكىنىسى اپاتىنان قۇتقارۋعا ءبىر ميلليون يۋان جىلۋ اتادى
انار بۇلت \ شينجياڭ گازەتىنىڭ ءتىلشىسى گو ليڭ حابارلايدى. شيزاڭ رىكازى قالاسى ديڭرى اۋدانىندا 6.8 بال جەر سىلكىنىسى تۋىلعان سوڭ، اپاتتىڭ جاعدايى شينجياڭداعى ءار ۇلت جۇرتشىلىعىن الاڭداتتى. 1 – ايدىڭ 8 – كۇنى شينجياڭ ۇيعۇر اۆتونوميالى رايوندىق باس جۇمىسشىلار ۇيىمى اپاتتان قۇتقارۋعا ءبىر ميلليون يۋان جىلۋ اتاپ، وسى ارقىلى اپاتقا ۇشىراعان جەردەگى جۇمىسشىلار ۇيىمى مەن اپاتقا ۇشىراعان جۇمىسشى – قىزمەتكەرلەرگە كومەك بەرگەن.
قازىر ءبىر ميلليون يۋاندىق اپاتتان قۇتقارۋ قاراجاتى اجىراتىلىپ بولدى، بۇل جارالانعان، قازا بولعان جۇمىسشى – قىزمەتكەرلەر مەن جۇرتشىلىقتان، اپاتقا ۇشىراعان جۇمىسشى – قىزمەتكەرلەر مەن جۇرتشىلىقتان جانە اپاتتان قۇتقارۋشى قىزمەتكەرلەردەن حال سۇراۋعا پايدالانىلادى. شينجياڭ ۇيعۇر اۆتونوميالى رايوندىق باس جۇمىسشىلار ۇيىمى اپاتقا ۇشىراعان وڭىرلەردىڭ جاعدايىنا ۇزدىكسىز ءجىتى نازار اۋدارىپ، سول جەردەگى جۇمىسشىلار ۇيىمىنىڭ اپاتقا ۇشىراعان وڭىردەگى جۇمىسشى – قىزمەتكەرلەر مەن جۇرتشىلىقتىڭ قيىنشىلىق قىسپاعىنان بىرگە امان وتۋىنە تەزىرەك كومەك كورسەتۋىنە قولداۋ كورسەتەدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
