شينجياڭ حالقىنىڭ سالىمى بار، جاس كۇيدە يمپورت ەتىلگەن ونىمدەردىڭ قاتارى مولايدى.
10-ايدىڭ 30-كۇنى سولتۇستىك مۇزدى مۇحيتتان اكەلىنگەن 20 توننا ءتىرى قىسقىش پاتشاسى جەمەنەي وتكەلىنەن كىرگىزىلىپ، ءۇرىمجى كەدەنىنىڭ تەكسەرۋ-كارەنتيندەۋىنەن ءوتىپ، تولىمدى بولعاننان كەيىن ەل ءىشى بازارىنا شىعارىلدى. بۇل ەلىمىزدىڭ تۇڭعىش رەت سولتۇستىك مۇزدى مۇحيتتاعى ءتىرى سۋ ورگانيزمدەرىن قۇرلىق جولى تاسىمال ءتاسىلى ارقىلى يمپورت ەتۋى. ەلىمىزدىڭ سولتۇستىك مۇزدى مۇحيتقا توتە قاتىنايتىن قۇرلىق جولى ارناسىنىڭ اشىلۋى — ەلىمىزدىڭ ەۆروپا — ازيا ەلدەرىمەن سۋ ونىمدەرى ساۋدا سەلبەستىگىن ونان ارى جەبەپ، الۋان ءتۇرلى جاس كۇيدەگى تەڭىز ونىمدەرى وسى ارنا ارقىلى ەلىمىز بۇقاراسىنىڭ اس ۇستەلىنە قويىلادى.
10 ـ ايدىڭ 30 ـ كۇنى ءۇرىمجى كەدەن قىزمەتكەرلەرى يمپورت ەتىلگەن ءتىرى قىسقىش پاتشاسىن تەكسەرۋ ـ كارەنتيندەۋ قىزمەتىن ىستەۋدە. سول كۇنى سولتۇستىك مۇزدى مۇحيتتان اكەلىنگەن 20 توننا ءتىرى قىسقىش پاتشاسى جەمەنەي وتكەلىنەن كىرگىزىلدى.
ءتىرى قىسقىش پاتشاسىنىڭ شەكارادان جەدەل كىرگىزىلۋى جەمەنەيدەگى ازىقتىق سۋ ورگانيزمدەرىن بەلگىلەنگەن باقىلاۋ-باسقارۋ ورنىنىڭ ىسكە قوسىلۋىنىڭ ارقاسى. ۇعىسۋعا قاراعاندا، ءتىپتى دە كوپ سىرتقى ساۋدا كاسىپورىندارى وسى قۇرلىق جولى جاڭا ارناسى ارقىلى ەۆروپا مەن ازياداعى ەلدەردەن اناعۇرلىم كوپ ساپالى جاس كۇيدەگى تەڭىز ونىمدەرىن يمپورت ەتىپ، ەل ءىشى بازارىنا ومىرشەڭدىك كۇش قوسادى ەكەن.
ۇعىسۋعا قاراعاندا، وسى توپتاعى زاتتاردىڭ كەدەننەن ءوتۋ ۋاقىتىن قىسقارتۋ ءۇشىن، ءۇرىمجى كەدەنى ارناۋلى كەزەكشى قىزمەتكەر ورنالاستىرىپ، كەدەننەن ءوتۋدى قولايلىلاندىرۋ شارالارىن بەلگىلەپ، 24 ساعات اقىل-كەڭەس بەرۋ ىستىق لەنياسىن اشىپ، كاسىپورىندارعا جالپى بارىستىق كاسىپتىك جەتەكشىلىك جانە ساياساتتىق تۇسىنىك جاساپ، مەملەكەت قاقپاسىنداعى ورگانيزم حاۋىپسىزدىگىنە كەپىلدىك ەتۋ العى شارتىندا، جاس كۇيدەگى ونىمدەردىڭ كەدەننەن تەز ءوتۋىن قامتاماسىز ەتىپ، ەل ءىشى مەن حالىقارالىق قوس اينالىمدى ۇلاستىرۋ جاعىندا اناعۇرلىم زور رول اتقارعان.
بيىل جىل باسىنان بەرى، قازاقستان قاتارلى ەلدەردەن اكەلىنگەن كوكسەرگە، تابان بالىق، شورتان قاتارلى جاس كۇيدەگى ونىمدەر جەمەنەي وتكەل ارناسى ارقىلى ىركەس-تىركەس كىرگىزىلدى. 1- ايدان 9-ايعا دەيىن 710 توننا جاس كۇيدەگى يمپورت ەتىلگەن ءونىم جەمەنەي وتكەلى ارقىلى ەل ءىشى بازارىنا حاۋىپسىز، جوعارى ءونىمدى ەنگىزىلدى. قىسقىش پاتشاسى تولتىرا تيەلگەن جۇك اۆتوكولىگىنىڭ شەكارادان ءساتتى كىرۋى — جەمەنەي وتكەلىنىڭ سۋ ونىمدەرى ساۋداسىندا تىڭ تابىستارعا قول جەتكىزگەندىگىنەن دەرەك بەرەدى.
جەمەنەي شەكارا ەكونوميكالىق سەلبەستىك رايونى (جەمەنەي اۋىل شارۋاشىلىعىندا سىرتقا ەسىك اشۋ سەلبەستىك سىناق رايونى) ەكونوميكانى دامىتۋ مەكەمەسىنىڭ باستىعى ليۋ شۋە بىلاي دەدى: جۋىق مەزگىلدە ءبىز ازىقتىق سۋ ورگانيزمدەردىڭ بەلگىلەنگەن باقىلاۋ-باسقارۋ ورنى ساياساتىنان ۇزدىكسىز ويداعىداي پايدالانىپ، سۋ ونىمدەرىن يمپورت ەتۋ تەبىنىن ارتتىرىپ، كاسىپ تىزبەگىن ۇزارتىپ، شەكارا وتكەلى ەكونوميكاسىنىڭ دامۋىنا جاڭا قوزعاۋشى كۇش قوسامىز.
来源：雪都嘟/阿勒泰地区融媒体中心
古丽娜 董世菊
通讯员：王杨胤骐
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
