جۋىق جىلداردان بەرى، التاي ساياحاتىنىڭ ۇزىكسىز جاندانۋىنا ىلەسە، ءتىپتى دە كوپ قار شاڭعى اۋەسكەرى ”جۇڭگوداعى قارلى مەكەنگە“ كەلىپ، اق قار قىمتانعان قار شاڭعى الاڭىندا ەمىن-ەركىن قار شاڭعى تەۋىپ، ”جىلدامدىق پەن شابىتتى“ سەزىندى. وسىعان وراي التاي ايماقتىق حالىق شيپاحاناسى مەن التاي گەنەرال تاۋى حالىقارالىق قار شاڭعى دەمالىس رايونى جەدەل توتەپ بەرەتىن، جۇمىس ءتارتىبى ايقىن سەلبەستىك ۇلگىسىن قالىپتاستىرىپ، قار شاڭعى اۋەسكەرلەرىنە ”جاسىل ارنا“ اشتى، ەگەر حاۋىپسىزدىك شىرعالاڭى تۋىلسا، ەمدەۋدى قامتاماسىزداندىرۋ اۆتوكولىگى 10 مينۋت ىشىندە قار شاڭعى الاڭىنا دەرەۋ جەتىپ، دەر كەزىندە جوتكەيدى.
— بيىل، ءبىز قار شاڭعى اۋەسكەرلەرىنە دەنە قۋاتىن ساراپتاۋ، دەنە قىزدىرۋعا جەتەكشىلىك ەتۋدى قامتىعان جارالانۋدان ساقتانۋ ەمدەۋ قىزمەت وتەۋى مەن دياگنوز قويۋ جانە ساراپتاۋ، ارنايىلانعان ساۋىقتىرۋ جوباسى، ساۋىقتىرۋ جاتتىعۋىنا جەتەكشىلىك ەتۋ، پسيحيكالىق جاقتان قولداۋدى قامتىعان جارالانۋدان كەيىنگى ساۋىقتىرۋ ەمدەۋ قىزمەت وتەۋىن ۇزدىكسىز ورىستەتىپ، قار شاڭعى اۋەسكەرلەرىنىڭ دەنساۋلىق، پسيحيكالىق اقاۋسىزدىعىن جالعاستى قورعايمىز،-دەدى 10-ايدىڭ 28-كۇنى التاي ايماقتىق حالىق شيپاحاناسى ساۋىقتىرۋ ءبولىمىنىڭ مەڭگەرۋىشسى ۋاڭ چيندي تىلشىگە.
بۇدان سىرت، التاي ايماقتىق حالىق شيپاحاناسى التاي گەنەرال تاۋى حالىقارالىق قار شاڭعى دەمالىس رايونىندا ەمدەۋ بولمەسىن قۇرىپ، شيپاحانانىڭ ءارقايسى بولىمدەرىنىڭ شيپاگەرلەرى جانە 20 كاسىپتىك قار شاڭعى قۇتقارۋ-كومەك بەرۋ قىزمەتكەرلەرىنەن قۇرالعان قۇتقارۋ-كومەك بەرۋ اترەتى كەزەكپەن دياگنوز قويۋ، ءبىر جاقتى ەتۋ قىزمەتىن جۇرگىزەدى، ساياحاتشىلاردىڭ كومەك سۇراعان تەلەفونىن قابىلداعاننان كەيىن، قۇتقارۋشىلار دەرەۋ ۋاقيعا تۋىلعان ناق مايدانعا بارىپ جوتكەۋ قىزمەتىن ورىستەتەدى.
سول كۇنى ءتىلشى التاي ايماقتىق حالىق شيپاحاناسىنىڭ ساۋىقتىرۋ بولىمىندە ءتۇرلى وزىق ساۋىقتىرۋ اسپاپتارى قويىلعانىن، شيپاگەرلەردىڭ ناۋقاستارعا ساۋىقتىرۋ ەمدەۋىن جۇرگىزىپ جاتقانىن كوردى. ”ءبىز ەمدەۋ ساۋىقتىرۋ دەنساۋلىق ساقتاۋ قىزمەتىن اۋەلگىدەي ويداعىداي ىستەپ، قار شاڭعى اۋەسكەرلەرىنە ءتىپتى دە ساپالى ەمدەۋ قىزمەت وتەۋىن ازىرلەيمىز جانە ايماقتاعى ءارقايسى ءىرى قار شاڭعى الاڭدارىمەن سەلبەستىكتى كۇشەيتىپ، ەمدەۋ قۇتقارۋ-كومەك بەرۋ جانە ساۋىقتىرۋ، دەنساۋلىق ساقتاۋ قاتارلى جاقتاردان تاربيەلەۋ قىزمەتىن سەلبەسىپ ورىستەتىپ، قار شاڭعى سپورتى ەمدەۋ قامتاماسىزداندىرۋىن ونان ارى كەمەلدەندىرىپ، قار شاڭعى اۋەسكەرلەرىنىڭ التايدا الاڭسىز شاڭعى تەبۋىنە قورعاۋشى بولامىز“،-دەدى ۋاڭ چيندي.
来源：雪都嘟/阿勒泰地区融媒体中心
实习记者：张福新
通讯员：吾丽帕·吾拉勒别克
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
