1) دۇيسەنبى تاڭەرتەڭنەن بەيسەنبى تاڭەرتەڭگە دەيىن 2 رەت جاڭبىر، قار جاۋادى
مەجەمەن، 11-ايدىڭ 11-كۇنى (دۇيسەنبى) تاڭەرتەڭنەن 12-كۇنى (سەيسەنبى) تۇنگە دەيىن، وسى اپتاداعى ءبىرىنشى رەتكى جاڭبىرلى، قارلى اۋا رايى بولادى. ايماعىمىزدىڭ وزەن اڭعارلارىندا، جازىق وڭىرلەرىندە سەبەزگى جاڭبىر جاۋىپ، سوڭى جاڭبىر ارالاس قارعا نەمەسە قىرباق قارعا اينالادى. سولتۇستىك، شىعىس تاۋ بوكتەرىندەگى وڭىرلەردە جاڭبىر ارالاس قار جاۋىپ، سوڭى ورتاشا نەمەسە قالىڭ قارعا اينالادى، قابا اۋدانىنىڭ ساربۇلاق قالاشىعىندا، اققابادا، بۋىرشىن اۋدانىنىڭ شۇڭقىر قالاشىعىندا جانە توڭىرەگىندەگى وڭىرلەردە، التاي قالاسىنىڭ ۇلكەن قىران، جىڭىشكە قىران وڭىرىندە قالىڭ قار جاۋادى (15 تە 25 سانتيمەتر قالىڭدىقتا)، قابا اۋدانىنىڭ ۇلكەن ساز، بولباداي جايلاۋى، تەرەكتى اۋىلىندا، بۋىرشىن اۋدانىنىڭ تاس ءۇي، قاناس، قوم، جالدىڭ ءۇيى وڭىرىندە، التاي قالاسىنىڭ ۋشىلىك، ەكاشا، تۇنبا، تورعايتى وڭىرىندە، بۋرىلتوعاي اۋدانىنىڭ قىزىلتاۋ وتكەلىندە، ءتور جايلاۋىندا، كوكتوعاي اۋدانىنىڭ اقسالا، جىڭگە، سايقىنبۇلاق جايلاۋلارىندا، كوكتوعاي حالىقارالىق قار شاڭعى دەمالىس رايونىندا، شىڭگىل اۋدانىنىڭ ۇشكولىندە ەرەكشە قالىڭ قار جاۋادى (35 تە 50 سانتيمەتر قالىڭدىقتا).
11-ايدىڭ 14-كۇنى (بەيسەنبى) تاڭەرتەڭ وسى اپتاداعى ەكىنشى رەتكى قارلى اۋا رايى بولادى. ايماعىمىزدا جالپى بەتتىك قىرباق قار جاۋادى (2 سانتيمەتر اينالاسىندا)، التاي قالاسىنىڭ سولتۇستىگىندەگى تاۋلى وڭىرلەردە ورتاشا قار جاۋادى (4 تە 6 سانتيمەتر قالىڭدىقتا)، كوكتوعاي، شىڭگىل اۋداندارىنىڭ باسىم كوپ جەرىندە قالىڭ قار جاۋادى (8 دە 10 سانتيمەتر قالىڭدىقتا).
(2) بەيسەنبى تۇستەن كەيىننەن سەنبى تاڭەرتەڭگە دەيىن كۇن بۇلتتاپ بارىپ اشىلادى، تەمپەراتۋرا ءبىرشاما تومەندەيدى
مەجەمەن، 11-ايدىڭ 14-كۇنى (بەيسەنبى) تۇستەن كەيىننەن 16-كۇنى (سەنبى) تاڭەرتەڭگە دەيىن، ايماعىمىزدا كۇن بۇلتتاپ بارىپ اشىلادى، اۋا تەمپەراتۋراسى ℃8 تا ℃10 تومەندەيدى، 15-كۇنى (جۇما) تاڭەرتەڭ جانە 16-كۇنى (سەنبى) تاڭەرتەڭ ايماعىمىزدىڭ وزەن اڭعارلارىنىڭ، جازىق وڭىرلەرىنىڭ ەڭ تومەنگى اۋا تەمپەراتۋراسى ℃6- تا ℃10- قا، تاۋ بوكتەرلەرىندە ℃16- تا ℃19- قا، تاۋلى وڭىرلەردە ℃20- تا ℃24- قا تۇسەدى.
3) سەنبى تۇستەن جەكسەنبى كۇندىزگە دەيىن كۇن اشىق بولىپ ارا-تۇرا بۇلتتايدى، اۋا تەمپەراتۋراسى ءبىرشاما جوعارىلايدى.
مەجەمەن، 16-كۇنى (سەنبى) تۇستەن 17-كۇنى (جەكسەنبى) كۇندىزگە دەيىن، كۇن اشىق بولادى، جەل كۇشى زور بولمايدى، اۋا تەمپەراتۋراسى ءبىرشاما جوعارىلايدى، وزەن اڭعارلارىنىڭ، جازىقتاردىڭ ەڭ جوعارى اۋا تەمپەراتۋراسى ℃1- تا ℃3- قا، تاۋ بوكتەرلەرىندە ℃4- تا ℃7- قا، تاۋلى وڭىرلەردە ℃8- تا ℃10- قا جوعارىلايدى.
1) قاتىناس حاۋىپسىزدىگىن باسقارۋدى كۇشەيتۋ كەرەك
قارلى اۋا رايىندا جولدى انىق كورۋ قيىنعا سوعادى، جولعا مۇز قاتادى، قار باسادى، قاتىناس باسقارۋ تاراۋلارىنىڭ ءتۇيىندى جول بولەكتەرىندە شارلاۋ جۇرگىزىپ، جول جاعدايىنا نەگىزدەلىپ قاتىناستى ۋاعىندا باسقارۋعا الۋىن، شوفەرلەردىڭ كولىك جۇرگىزگەندە حاۋىپسىزدىككە كوڭىل ءبولۋىن، تاس جول باسقارۋ جانە قالا باسقارۋ تاراۋلارىنىڭ جولداعى قاردى ۋاعىندا تازالاۋىن ۇسىنىس ەتەمىز.
(2) تاۋلى وڭىرلەردەگى قالىڭ قارلى اۋا رايىنىڭ ەلەكتر جەلىسىنە، حابارلاسۋ جابدىقتارىنا جانە تاۋلى وڭىردەگى تۇرعىنداردىڭ ءوندىرىس، تۇرمىسىنا جەتكىزەتىن ىقپالىنان الدىن الا ساقتانۋ كەرەك
قاتىستى تاراۋلاردىڭ ەلەكتر جەتكىزۋ لەنيالارىن، حابارلاسۋ جابدىقتارىن شارلاۋ، تەكسەرۋ قىزمەتىن جاقسى ىستەپ، لەنيا ماڭايىنداعى كومەسكى حاۋىپ-قاتەرلەردى دەر كەزىندە جويىپ، قالىڭ قاردىڭ ءتيىمسىز ىقپالىنان ساقتانۋىن، تاۋلى وڭىردەگى تۇرعىنداردىڭ تۇرمىستىق قاجەتتى بۇيىمداردى زاپاس ساقتاۋ قىزمەتىن الدىن الا جاقسى ىستەۋىن، سونداي-اق، ءۇي توبەسىندەگى قاردى دەر كەزىندە تازالاپ، قورا-قالتقىلاردى بەكەمدەۋىن ۇسىنىس ەتەمىز.
(3) مادەنيەت، ساياحات جانە كورىنىس رايونىن باسقارۋ كوميتەتىنىڭ قارلى اۋا رايىنان ساقتانۋ شارالارىن ويداعىداي ىستەۋىن ۇسىنىس ەتەمىز
قاناس، قوم، اققابا، كوكتوعاي كورىنىس رايوندارىندا قار قالىڭ جاۋادى، كورىنىس رايونىن باسقارۋ كوميتەتىنىڭ قىزمەت مىندەتى بويىنشا كورىنىس رايونىنىڭ حاۋىپسىزدىگىن باسقارۋدى كۇشەيتۋىن ۇسىنىس ەتەمىز.
4) بەيسەنبى تۇستەن كەيىننەن سەنبى تاڭەرتەڭگە دەيىن اۋا تەمپەراتۋراسى ءبىرشاما تومەندەيدى، جۇرتشىلىق جانە ساياحاتشىلار، سىرتتا مىندەت وتەيتىندەر، سىرتتا جۇمىس ىستەيتىندەر دەر كەزىندە كيىمدى قالىڭ كيىنىپ، تۇماۋراتىپ قالۋدان ساقتانۋى كەرەك
5) كومىر جاعاتىن وتباسىلارى حاۋىپسىزدىككە كوڭىل ءبولىپ، ىس تيۋدەن، ءورت كەتۋدەن ساقتانۋى كەرەك
6) اۋا رايى ستانسياسى جاريالاعان اۋا رايىنان الدىن الا مالىمەتكە جانە سۇركەيلى اۋا رايى ساقتىق سيگنالىنا قاداعالاي نازار اۋدارىڭىزدار
ەندى ايماعىمىزدىڭ اۋدان، قالالارىنىڭ ءبىر اپتالىق اۋا رايىنا نازار اۋدارىڭىزدار
التاي
بۋىرشىن
قابا
جەمەنەي
بۋرىلتوعاي
كوكتوعاي
شىڭگىل
بەيتۇن
来源：阿勒泰地区气象台
编辑：米拉木古丽·穆斯那提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
