جۇڭگو تىلشىلەر مەرەكەسىن ولار بىلاي وتكىزدى

2024-جىلى 11-ايدىڭ 8-كۇنى 25-رەتكى جۇڭگو تىلشىلەر مەرەكەسى. التاي ايماقتىق جانە اۋداندارداعى (قالاداعى) توعىسپالى مەديا ورتالىقتارى فورماسى الۋان ءتۇرلى قۇتتىقتاۋ قيمىلدارىن وتكىزۋ ارقىلى قالىڭ اقپارات قىزمەتكەرلەرىن اۋەلگى ماقساتتى ۇمىتپاي، ۇزدىكسىز العا تارتىپ، قالامى مەن كامەرا ارقىلى ۇلى ءداۋىردى ەستەلىككە الىپ نەگىزگى اۋەندى اسقاقتاتۋعا، وڭ ەنەرگيا تاراتۋعا شابىتتاندىردى.

سول كۇنى التاي ايماقتىق توعىسپالى مەديا ورتالىعى ”سامسىعان جۇلدىزعا ىنتىعىپ، ارمان قۋا العا تارتامىز“ نەگىزگى تاقىرىبىنداعى 25-رەتكى جۇڭگو تىلشىلەر مەرەكەسىن قۇتتىقتاۋ قيمىلىن وتكىزىپ، ناتيجەلەردى قورىتىندىلاپ، ۇزدىكتەردى سيلاپ، بارلىق اقپارات قىزمەتكەرلەرىن مۇرات-سەنىمدى بەكەمدەپ، تۋراشىلدىقتان جازباي جاڭالىق اشىپ، تاعى دا جاقسى ناتيجەگە قول جەتكىزۋگە شابىتتاندىردى. قيمىلدا 2024-جىلعى ايماقتىق توعىسپالى مەديا ورتالىعىنىڭ ۇزدىك اقپارات قىزمەتكەرلەرىنە سيلىق تاراتىلىپ، 34-كەزەكتى (2023-جىلعى) شينجياڭ اقپارات سيلىعىنا يە بولعانداردىڭ ەسىمدىگى جاريالاندى، ۇزدىك اقپارات قىزمەتكەرلەرىنىڭ 3 ۋاكىلى جەكە-جەكە تىلشىلىك ىستەۋ حيكايالارىن بايانداپ، العان اسەرلەرىمەن ورتاقتاسىپ، جاڭا داۋىردەگى بورىشى مەن جاۋاپكەرشىلىگىن بىرگە تىلگە تيەك ەتتى.

       

التاي ايماقتىق توعىسپالى مەديا ورتالىعىنىڭ ۇزدىك اقپارات قىزمەتكەرلەرى ۋاكىلى، جالپى مەديا تىلشىلىك ءبولىمىنىڭ ءتىلشىسى چاڭ يرۋ بىلاي دەدى: قاي- قاشاندا دۇرىس ساياسي باعداردان جانە دۇرىس قوعامدىق پىكىر بەتالىسىنان جازباي،  توزىمدىلىكتى، كورەگەندىكتى، ويلامپازدىقتى، قالام قابىلەتىمىزدى اناعۇرلىم شىڭداپ، پارتيانىڭ دارىپتەمەسىن تاراتۋشى، ءداۋىر اۋقىمىن ەستەلىككە الۋشى، قوعامنىڭ العا باسۋىن ىلگەرىلەتۋشى، ادىلدىك پەن تۋراشىلدىققا باقىلاۋشى بولىپ، نەگىزگى اۋەندى اسقاقتاتىپ، نەگىزگى شەپتە تاپجىلماي، وڭ ەنەرگيا تاراتىپ، پارتيا مەدياسىنىڭ ىسكەرلىگىن ايگىلەيمىز.

قيمىلدا تاعى تارتىمدى ادەبيەت-كوركەمونەر نومىرلەرى قويىلدى، «كوكتوعايداعى شوپان » اتتى ءان، «ءبىزدىڭ اتىمىز ءتىلشى» اتتى كورىنىستىك تەاتر، «ءبىزدىڭ ءان-ءبيىمىز» اتتى ءبي قاتارلى تارتىمدى نومىرلەر التاي ايماقتىق توعىسپالى مەديا ورتالىعىنداعى اقپارات قىزمەتكەرلەرىنىڭ اقاۋسىز، جىگەرلى، بەلسەنە العا باسقان رۋحاني بەينەسىن ايگىلەدى، تارتىمدى نومىرلەر كوپشىلىقتىڭ القاۋىنا يە بولدى.

سول كۇنى، قابا اۋداندىق ءورت ءسوندىرۋ، ورتتەن ساقتانۋ، قۇتقارۋ-كومەكتەسۋ ۇلكەن اترەتى كازارماسىندا، قابا اۋداندىق توعىسپالى مەديا ورتالىعىنىڭ ءتىلشى، رەداكتورلارى مەن ءورت ءسوندىرۋ، ورتتەن ساقتانۋ، قۇتقارۋ-كومەكتەسۋ كوماندير-جاۋىنگەرلەرى بىرلىكتە ”نازاردى ءورت ءسوندىرۋ، ورتتەن ساقتانۋعا شوعىرلاندىرىپ، حاۋىپسىزدىكتى بىرگە قۇرۋ قيمىلىن وتكىزىپ، ءبىر سىپىرا ساپانى ارتتىرۋ قيمىلى ارقىلى ءتىلشى، رەداكتورلاردىڭ كوللەكتيۆ سەلبەسۋ، ماسەلەنى شەشۋ جانە شۇعىل جاعدايعا سايكەسۋ قابىلەتىن جوعارىلاتىپ، ءورت ءسوندىرۋ، ورتتەن ساقتانۋ تاراۋلارى مەن مەديالاردىڭ  ىشكەرىلەي اۋىس-كۇيىسىن جانە سەلبەسۋىن جەبەدى.

ىقپالداستىق باسقىشىندا ءورت ءسوندىرۋ، ورتتەن ساقتانۋشىلار قۇتقارۋ-كومەكتەسۋ مىندەتىن اتقارۋ بارىسىنداعى ەستەن كەتپەس كەشىرمەلەرىن، حاۋىپ-قاتەرگە ءدۇپ كەلگەندە كوڭىل-كۇيدى ورنىقتىرۋ، ساپتاسىمەن سەلبەسىپ قينشىلىقتى قالاي جەڭۋ جونىندە ورتاقتاستى، ءتىلشى، رەداكتورلار قۇتقارۋ-كومەكتەسۋدەگى جان تەبىرەنتەرلىك كەشىرمەلەر، ءورت ءسوندىرۋ، ورتتەن ساقتانۋشىلاردىڭ كاسىپكە دەگەن كوزقاراسى قاتارلىلار جونىندە سۇراۋ قويىپ، اۋىس-كۇيىس جاسادى، ەكى جاق ىقپالداستىق جاساۋ ارقىلى تۇسىنىستىكتى ۇزدىكسىز تەرەڭدەتتى.

قابا اۋداندىق توعىسپالى مەديا ورتالىعىنىڭ ءتىلشىسى قاراقات مانات قىزى بىلاي دەدى:  كوڭىل قويعاندا عانا بارلىق جەردەن اقپارات دەرەكتەرىن تابۋعا بولادى، اقپارات قىزمەتكەرلەرى قاي- قاشاندا دەن قويا باقىلاپ، بەرىلە وي جۇگىرتىپ، ءارقانداي قۇندى اقپارات دەرەكتەرىن مىقتى يگەرگەندە عانا كوپتىڭ كوڭىلىنەن شىعاتىن، دارالىعى ايقىن اقپارات تۋىندىلارىن جاراتا الادى، سوندا عانا ءداۋىردىڭ تاپسىرماسىن ورىنداپ، حالىقتىڭ ءۇمىتىن اقتاي الادى.

بۋىرشىن اۋداندىق توعىسپالى مەديا ورتالىعىنىڭ ءتىلشى، رەداكتورلارى ءبىر اراعا باس  قوسىپ ءان ايتىپ، ءبي بيلەپ، 25-رەتكى جۇڭگو تىلشىلەر مەرەكەسىن قۇتتىقتادى.

بۋىرشىن اۋداندىق توعىسپالى مەديا ورتالىعىنىڭ ءتىلشىسى جارقىن اراپا ۇلى بىلاي دەدى: اقپارات قىزمەتكەرلەرىنىڭ قىزمەتى جاپالى ءارى قاربالاس بولعانىمەن وتە ءماندى، وسى ۇلى داۋىردە وڭ ەنەرگيا ۇيىستىرىپ، جوعارى ساپالى دامۋعا دەم بەرگەنىمدى ابىروي سانايمىن جانە ماقتانىش ەتەمىن. بۇدان كەيىن ۇزدىكسىز ۇيرەنىپ، ءار ءبىر تىلشىلىك ىستەۋ، حابار-ماقالا جازۋ مىندەتىن مۇقيات ورىنداپ، ءوزىم قىزۋ سۇيەتىن اقپارات كاسىبىنە جاستىق كوكتەمىمدى جانە كۇش-قۋاتىمدى ارنايمىن.