ءىسز دە ۋاعىندا تاپسىرىپ، ءتيىمدى ساياساتتان يگىلىكتەنىڭىز

نەگىزگى ەمدەۋ قامسىزداندىرۋى — قوعامنىڭ جاراسىمدى، ورنىقتى بولۋىنىڭ ورنىقتىرعىشى. تاياۋدان بەرى، ايماعىمىزدىڭ جەر-جەرى كوپ ءتۇرلى شارانى قاتار قولدانۋ، كوپ تۇيىندە كۇش سالۋ ارقىلى 2025-جىلعى قالا-اۋىل تۇرعىندارىنىڭ ەمدەۋ قامسىزداندىرۋى جونىندەگى ۇگىت قىزمەتىن جانە قامسىزداندىرۋ اقىسىن جيناۋ قىزمەتىن بەلسەنە ورىستەتىپ، نەگىزگى ەمدەۋ قامسىزداندىرۋىنىڭ قامتۋ كولەمىن ۇزدىكسىز كەڭەيتتى.

ەمدەۋدى قامتاماسىزداندىرۋ — حالىق تۇرمىسى ينجەنەرياسى، حالىق قالاۋى ينجەنەرياسى. حالىق بۇقاراسىنىڭ ءتول مۇددەسىنە سايادى. جەمەنەي اۋداندىق حالىق شيپاحاناسىنىڭ جۇڭي شيپاگەرلىگى بولىمىندە ەمدەلىپ جاتقان توپتەرەك قالاشىعى ىنتىماق جولى الەۋمەتتىك اۋماعىنىڭ 55 جاستاعى تۇرعىنى جاۋ جۇننىڭ قانتتى نەسەپ، جوعارى قان قىسىمى اۋرۋلارىنا شالدىققانىنا 16 جىل بولعان، سودان بەرى ۇزبەي ءدارى ءىشىپ كەلە جاتقان جاۋ جۇن كەيدە شيپاحانادا جاتىپ ەمدەلەدى. ەمدەۋ قامسىزداندىرۋى ساياساتىنىڭ ارقاسىندا شيپاگەرگە كورىنۋ، ەمدەلۋ جاعىنداعى ەكونوميكالىق اۋىرتپالىعى جەڭىلدەگەن جاۋ جۇن قالاعان ۋاعىندا ەمدەلە الاتىن بولدى.

جەمەنەي اۋدانى توپتەرەك قالاشىعى ىنتىماق جولى الەۋمەتتىك اۋماعىنىڭ تۇرعىنى جاۋ جۇن بىلاي دەدى: پارتيانىڭ ابزال ساياساتىنان يگىلىكتەندىك. قانتتى نەسەپ، جوعارى قان قىسىمى اۋرۋلارىنا شالدىققانىما ون شاقتى جىل بولدى، العان ءدارىمنىڭ اقشاسىن سوزىلمالى اۋرۋلار انىقتاماسى ارقىلى ەسەپتەن كوتەرەتىندىكتەن اۋىرتپالىعىم جەڭىلدەدى، مەملەكەتتىڭ ءتيىمدى ساياساتىنا راحىمەت.

جۋىرداعى جىلداردان بەرى، جەمەنەي اۋدانى مەملەكەتتىڭ، اۆتونوميالى رايوننىڭ ساياساتى بويىنشا ەمدەۋ قامسىزداندىرۋى قارجىسىن توپتاۋ دەڭگەيىن ورنىقتى جوعارىلاتىپ، ەمدەۋ قامسىزداندىرۋىنا قاتىناسۋ باياندى مەحانيزمىن اقاۋسىزداندىرىپ، جىلدىق نەگىزگى ەمدەۋ قامسىزداندىرۋىنا قاتىناسۋ مولشەرىن %95 تەن تۇسىرمەدى، قوردىڭ كىرىس-شىعىس اينالىمى نەگىزىنەن ورنىقتى بولدى. اۋدان وڭىرىندەگى جۇمىسشى-قىزمەتكەرلەردىڭ ەمدەۋ قامسىزداندىرۋى ساياساتى كولەمىندەگى شيپاحانادا جاتىپ ەمدەلۋ قاراجاتىنىڭ ەسەپتەن كوتەرىلۋ سالىستىرماسى %90 اينالاسىندا بولسا، تۇرعىنداردىڭ ەمدەۋ قامسىزداندىرۋى ساياساتى كولەمىندەگى شيپاحانادا جاتىپ ەمدەلۋ قاراجاتىنىڭ ەسەپتەن كوتەرىلۋ سالىستىرماسى %80 شاماسىندا بولدى.

جەمەنەي اۋداندىق حالىق ىستەرى، ادام كۇشى بايلىعى جانە ەمدەۋدى قامتاماسىزداندىرۋ مەكەمەسىنىڭ ەمدەۋدى قامتاماسىزداندىرۋعا قىزمەت وتەۋ ورتالىعىنىڭ مەڭگەرۋشىسى جاڭ يىڭ بىلاي دەدى: مەملەكەت جۇمىسشى-قىزمەتكەرلەر مەن تۇرعىنداردىڭ ەمدەۋ قامسىزداندىرۋى ساياساتىن جىل سايىن رەتتەۋدە، قارجى توپتاۋ دەڭگەيى دە جىل سايىن جوعارىلاۋدا. 2024-جىلى 1-ايدان 9-ايعا دەيىن اۋدانىمىز بويىنشا نەگىزگى ەمدەۋ قامسىزداندىرۋى جاعىندا امبالاتوريالىق ءبىر تۇتاس توپتالعان قارجىدان يگىلىكتەنگەن، امبالاتوريادا ەمدەلەتىن سوزىلمالى ناۋقاستار مەن شيپاحادا جاتىپ ەمدەلىپ اقىسى ەسەپتەن كوتەرىلگەن تۇرعىندار قامسىزداندىرۋعا قاتىناسقان تۇرعىنداردىڭ %56 ىن ۇستادى. بيىلدىڭ وزىندە قامسىزداندىرۋعا قاتىناسقان 192 مىڭ ادام نەگىزگى ەمدەۋ قامسىزداندىرۋىنىڭ يگىلىگىن كوردى.

تاياۋدان بەرى، التاي قالالىق ەمدەۋدى قامتاماسىزداندىرۋ مەكەمەسىنىڭ قىزمەتكەرلەرى نەگىزگى ەمدەۋ قامسىزداندىرۋى ساياساتىن قالا-اۋىل تۇرعىندارىنىڭ كوكەيىنە ۇيالاتۋ ءۇشىن اۋىل-قالاشىقتارداعى جارمەڭكە بازارلارىنان پايدالانىپ، قالا-اۋىل تۇرعىندارىنىڭ نەگىزگى ەمدەۋ قامسىزداندىرۋ ساياساتىن ۇگىتتەپ ءتۇسىندىرىپ، كوپشىلىكتىڭ قويعان سۇراۋلارىن بايىپتىلىقپەن تاپتەشتەي ءتۇسىندىرىپ، ەمدەۋ قامسىزداندىرۋى ساياساتىن تولىق ۇقتىرۋعا شىنايى كەپىلدىك ەتتى.

التاي قالاسى قىزىلتاس قالاشىعى بوكەنبۇلاق قىستاعىنىڭ تۇرعىنى لي مىڭيا: ءبىز سەكىلدى سوزىلمالى اۋرۋى بار قارتتاردىڭ ءدارى اقىسى ەمدەۋ قامسىزداندىرۋى بويىنشا ەسەپتەن كوتەرىلەدى، راسىندا ءتيىمدى بولدى،-دەدى.

التاي قالالىق ەمدەۋدى قامتاماسىزداندىرۋ مەكەمەسىنىڭ باستىعى مالي بىلاي دەدى: بۇقارانىڭ ەمدەۋ قامسىزداندىرۋى ىستەرىنە نازار اۋدارۋ جانە قولداۋ كورسەتۋ دەڭگەيىن جوعارىلاتىپ، قامسىزداندىرۋعا ىرىقتىلىقپەن قاتىناساتىن، ەمدەۋ قامسىزداندىرۋى جاعىنداعى ۇقىق-مۇدددەنى سانالىلىقپەن قورعايتىن قوعامدىق سالت قالىپتاستىرىپ، جالپى حالىقتىق قامسىزداندىرۋعا قاتىناسۋ قىزمەتىنىڭ ءساتتى جۇرگىزىلۋىن ىلگەرىلەتەمىز.

2025-جىلعى قالا-اۋىل تۇرعىندارىنىڭ نەگىزگى ەمدەۋ قامسىزداندىرۋىنا قاتىناسۋ اقىسىن تاپسىرۋ ۋاقىتى 9-ايدىڭ 1-كۇنىنەن 12-ايدىڭ 31- كۇنىنە دەيىن. 10-ايدىڭ 23-كۇنىنە دەيىن ايماعىمىز بويىنشا 120 مىڭ ادام قالا-اۋىل تۇرعىندارىنىڭ نەگىزگى ەمدەۋ قامسىزداندىرۋىنا قاتىناسۋ اقىسىن تاپسىرىپ بولعان.