བདེ་སྐྱིད་དང་མཛེས་སྡུག་ལྡན་པའི་བོད་ལྗོངས་འཛུགས་སྐྲུན་བྱས་ནས་ཐུན་མོང་ཐོག་བསྐྱར་དར་རླབས་པོ་ཆེའི་ཕུགས་འདུན་མངོན་འགྱུར་བྱེད།
གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ལྷན་གྱིས་མི་དམངས་འཐུས་མི་ཚོགས་ཆེན་ལམ་ལུགས་དབུ་བརྙེས་ནས་ལོ་༧༠འཁོར་བའི་རིག་རྩལ་འཁྲབ་སྟོན་འགྲན་བསྡུར་གཉེར་བ།
2024ལོ་ནི་མི་དམངས་འཐུས་མི་ཚོགས་ཆེན་ལམ་ལུགས་དབུ་བརྙེས་ནས་ལོ་༧༠འཁོར་བའི་ལོ་ཞིག་དང་། ས་གནས་ཀྱི་མི་དམངས་འཐུས་ཚོགས་རྒྱུན་ལས་ཨུ་ལྷན་བཙུགས་ནས་ལོ་༤༥འཁོར་བའི་ལོ་ཞིག་ཡིན། ཉེ་ཆར། གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ལྷན་གྱིས་དམངས་གཙོ་ཁྲིམས་སྐྱོང་གི་བགྲང་བྱ་བདུན་བཅུ་ཡི་འཕོ་འགྱུར་ལ་བསྟོད། དུས་རབས་གསར་པའི་ལྷོ་ཁའི་མི་དམངས་འཐུས་ཚོགས་ཀྱི་ལེའུ་རྩོམ་ཞེས་པ་བརྗོད་དོན་དུ་བྱས་པའི་རིག་རྩལ་འཁྲབ་སྟོན་འགྲན་བསྡུར་གཉེར་བ་རེད།
གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་ཝང་ཏེ་ཝུན་དང་། གྲོང་ཁྱེར་མི་དམངས་འཐུས་ཚོགས་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ་ཉིའུ་ཁུན་དང་ཀྲའོ་ཐན་ཝུའུ་འགྲན་བསྡུར་སྤེལ་ཡུལ་དུ་ཕེབས་ཡོད་པ་རེད།
འགྲན་བསྡུར་སྤེལ་ཡུལ་དུ། རྫོང་ངམ་ཆུས་སམ་གྲོང་ཁྱེར་ཁག་བཅུ་གཉིས་དང་གྲོང་ཁྱེར་མི་དམངས་འཐུས་ཚོགས་ཀྱི་གཞུང་ལས་ཁང་བཅས་ནས་འདེམས་སྒྲུག་བྱས་པའི་འགྲན་ཞུགས་འཁྲབ་སྟོན་ལེ་ཚན་ཁྱོན་17སྔ་རྗེས་སུ་འཁྲབ་སྟོན་ནང་ཞུགས་ཡོད་པ་རེད། འཁྲབ་སྟོན་ལེ་ཚན་ལྷོ་བྲག་མི་དམངས་ཀྱི་བློ་ཁ་ཏང་ལ་ཕྱོགས་ཞེས་པའི་གླུ་གར་དང་། དམངས་ཀྱི་མངགས་བཅོལ་ཟབ་མོ་དེའི་ཆེད་དུ་ཞེས་པའི་རྐྱང་གཞས། ཏང་གི་དྲིན་ལས་དམངས་སེམས་དྲོ་བར་བྱས་ཞེས་པའི་སྒྲ་སྙན་དཀྲོལ་གཏོང་། གཏམ་བརྗོད་ཟློས་གར་བདེ་སྐྱིད་ལྡན་པའི་རི་རོང་ཞེས་པ། བསྐྱར་དར་ལམ་བུར་ཕྱོགས་པ་ཞེས་པའི་མཉམ་གཞས་སོགས་ལས། ལྷོ་ཁའི་མི་དམངས་འཐུས་ཚོགས་ལས་དོན་མི་སྣའི་གཟུགས་བརྙན་དང་ཉམས་བཟང་གང་ལེགས་མངོན་མཚོན་བྱས་པ་མ་ཟད། མི་དམངས་འཐུས་མི་ཚོགས་ཆེན་ལམ་ལུགས་དབུ་བརྙེས་ནས་ལོ་༧༠འཁོར་བར་རྟེན་འབྲེལ་ཞུ་བའི་ཁོར་ཡུག་རྣམ་པ་བཟང་པོ་ཞིག་བཏོད་ཡོད་པ་རེད།
ཉེ་ཆར། གྲོང་ཁྱེར་ཡིག་བསྐུར་ངོ་བཅར་ལས་དོན་གྱི་ལྷན་ཞུགས་ཚོགས་འདུ་2024ལོའི་ཚང་འཛོམས་གྲོས་ཚོགས་ཐེངས་བཞི་པ་བསྐོང་འཚོགས་བྱས་ཤིང་། ཚོགས་འདུའི་ཐོག སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་འབྲེལ་ཡོད་མཛུབ་སྟོན་གལ་ཆེན་དགོངས་དོན་དང་། རང་སྐྱོང་ལྗོངས་ཀྱི་འབྲེལ་ཡོད་ཚོགས་འདུའི་དགོངས་དོན། དེ་བཞིན་ཧྲུའུ་ཅི་ལི་ཧྥུའུ་ཀྲུང་གིས་གྲོང་ཁྱེར་ཡིག་བསྐུར་ངོ་བཅར་ཅུད་དུ་རྟོག་ཞིབ་གནང་སྐབས་ཀྱི་གསུང་བཤད་དགོངས་དོན་བཅས་བརྒྱུད་བསྒྲགས་སློབ་སྦྱོང་སྒོས། མིག་སྔའི་ཡིག་བསྐུར་ངོ་བཅར་ལས་དོན་གྱི་དུས་བབ་ལ་བརྡ་ཁྱབ་བཏང་བ་དང་འབྲེལ་གོམ་སྟབས་རྗེས་མའི་ལས་དོན་ལ་བཀོད་སྒྲིག་བྱས་པ་རེད།
གྲོང་ཨུད་རྒྱུན་ཨུ། སྲིད་ཁྲིམས་ཨུད་ཀྱི་ཧྲུའུ་ཅི། གྲོང་ཁྱེར་སྤྱི་བདེ་ཅུད་ཏང་ཨུད་ཀྱི་ཧྲུའུ་ཅི། གྲོང་ཁྱེར་ཡིག་བསྐུར་ངོ་བཅར་ལས་དོན་གྱི་ལྷན་ཞུགས་ཚོགས་འདུ་བསྐོང་བསྡུའི་མི་སྣ་ཨང་དང་པོ་བཅས་ཡིན་པའི་བཀྲ་ཤིས་ཕུན་ཚོགས་ཚོགས་འདུར་ཕེབས་ཡོད་པ་མ་ཟད་གསུང་བཤད་གནང་། གྲོང་ཨུད་རྒྱུན་ཨུ། དྲུང་ཆེ། གྲོང་ཁྱེར་ཡིག་བསྐུར་ངོ་བཅར་ལས་དོན་གྱི་ལྷན་ཞུགས་ཚོགས་འདུ་བསྐོང་བསྡུའི་མི་སྣ་བཅས་ཡིན་པའི་ཨན་ཤིན་གོའོ་ཚོགས་འདུར་ཕེབས་ཡོད་པ་དང་། གྲོང་སྤྱི་གཞོན་པ། གྲོང་ཁྱེར་ཡིག་བསྐུར་ངོ་བཅར་ལས་དོན་གྱི་ལྷན་ཞུགས་ཚོགས་འདུའི་བསྐོང་བསྡུའི་མི་སྣ་ཧན་ལེའང་གིས་ཚོགས་འདུ་གཙོ་སྐྱོང་གནང་བ་མ་ཟད་གསུང་བཤད་གནང་།
ཚོགས་འདུས་བླང་བྱ་བཏོན་དོན། ཁྲིམས་བཞིན་སྔོན་འགོག་འབུར་ཐོན་བྱེད་དགོས་པ་དང་། རྐྱེན་རྩ་འབྱུང་ཁུངས་ཀྱི་བཅོས་སྒྲིག་ལ་དམ་འཛིན་ཡག་པོ་བྱས་ཏེ་དམངས་གཙོ་དང་། ཚན་རིག་དང་མཐུན་པ། ཁྲིམས་བཞིན་འཐབ་ཇུས་འདོན་སྤེལ་བཅས་མཐའ་འཁྱོངས་བྱེད་དགོས། འགལ་ཟླ་རྩོད་གླེང་གྲལ་བཤེར་དང་འདུམ་འགྲིག་ལམ་སྲོལ་འཐུས་ཚང་འཛུགས་སྐྱོང་བྱས་ཏེ། འགོ་ཁྲིད་ཀྱི་གཤམ་སྐྱོད་ངོ་བཅར་དང་ལེན་བྱེད་ཕྱོགས་ཟབ་གཏོང་ལ་སྐུལ་འདེད་གཏོང་དགོས། ཁྲིམས་བཞིན་ཡིག་བསྐུར་ངོ་བཅར་གྱི་གནད་དོན་དང་ལེན་འབུར་ཐོན་ཡོད་པ་བྱས་ཐོག གནད་དོན་དབྱེ་གསེས་དང་ངོས་འཛིན་གནད་སྨིན་བྱས་ནས་མང་ཚོགས་ཀྱི་དོ་ཁུར་ལ་ལན་ཆ་བྱེད་དགོས། ཁྲིམས་བཞིན་ལས་སྒོ་གཉེར་བསྒྲུབ་འབུར་ཐོན་ཡོད་པ་བྱས་ཏེ། ཁྲིམས་མཐུན་ཁེ་དབང་ལ་སྲུང་སྐྱོང་ཡག་པོ་བྱེད་དགོས་པ་དང་། འདུམ་འགྲིག་ལས་དོན་ལ་ཤུགས་སྣོན་བརྒྱབ་ནས་ཡིག་བསྐུར་ངོ་བཅར་གྱི་སྤུས་ཚད་དང་ཕན་འབྲས་མཐོར་འདེགས་བྱེད་དགོས། ཁྲིམས་བཞིན་ལྟ་སྐུལ་དང་འགན་འཁྲི་བདའ་འདེད་འབུར་ཐོན་ཡོད་པ་བྱས་ཏེ། ནུས་ཤུགས་ཡོད་རྒུས་ཡིག་བསྐུར་ངོ་བཅར་ལས་དོན་ལ་སྐུལ་འདེད་གཏོང་དགོས། ཁྲིམས་བཞིན་སྒྲིག་ལམ་ལ་སྲུང་བརྩི་ཞུ་རྒྱུ་འབུར་ཐོན་ཡོད་པ་བྱས་ཏེ། ཁྲིམས་སྐྱོང་དྲིལ་བསྒྲགས་ལས་དོན་ལ་ཤུགས་སྣོན་བརྒྱབ་ནས་ཡིག་བསྐུར་ངོ་བཅར་ལས་དོན་གྱི་དམིགས་ཚད་ལས་འགན་ལེགས་གྲུབ་ཐུབ་པ་བྱ་དགོས།
ཡར་ཀླུང་བསྡུས་འཕྲིན།
ཉེ་སྔོན། ངེད་གྲོང་ཁྱེར་གྱི་རིག་ནུས་རྒྱང་བསྒྲགས་བརྙན་འཕྲིན་གྱི་མཐའ་བརྟན་ལས་གཞི་དཔྱད་དཔོག་རྩིས་བཤེར་བདེ་བླག་བྱུང་བ་མ་ཟད་དངོས་སུ་སྤྱོད་འགོ་ཚུགས་པ།
ཉེ་སྔོན། གྲོང་ཁྱེར་ཐད་གཏོགས་ལས་ཁུངས་ལས་ཨུད་ཀྱིས་2024ལོའི་ཀྲི་པུའུ་ཨུ་ལྷན་གྱི་གསར་འདེམས་ཨུ་ཡོན་ཚོར་ལས་སྒོའི་གསོ་སྦྱོང་སྤྲས་པ།
བསོད་དོན་གྱིས་བསྒྱུར།
བསོད་བསྟན་དང་ཡེ་བཟང་གིས་ཞུས།
ཡོང་ཁུངས། ལྷོ་ཁའི་བོད་ཡིག་ཚགས་པར།
འགན་འཁུར་རྩོམ་སྒྲིག་པ། བསོད་ནམས་བསྟན་པ།
ལག་བསྟར་རྩོམ་སྒྲིག་པ། ཡེ་ཤེས་བཟང་མོ།
ཞུ་དག བསོད་ནམས་དོན་གྲུབ།
