التايدا وتكىزىلدى

جۇڭگو ايەلدەر ىستەرىن دامىتۋ قور قوعامىنىڭ ”انالار سالاماتتىعى جۇردەك اۆتوكولىگىن“ شينجياڭدا جونەلتۋ سالتى 10-ايدىڭ 29-كۇنى التايدا وتكىزىلدى.

سالاماتتىق — ايەلدەردىڭ ەكونوميكالىق، قوعامدىق قۇرىلىسقا قاتىناسۋىنىڭ ماڭىزدى العى شارتى، ايەلدەردىڭ دەنساۋلىعى وتباسىنىڭ جاراسىمدىلىعى مەن باقىتىن قورعاۋدىڭ ماڭىزدى كەپىلى. اۆتونوميالى رايوندىق ايەلدەر بىرلەستىگى پارتگرۋپپاسىنىڭ مۇشەسى، مىندەتكە ءىلىپ شىنىقتىرىلاتىن ورىنباسار ءتورايىمى لۋ ۋىنجيە بىلاي دەدى: ءار دارەجەلى ايەلدەر بىرلەستىگى ۇيىمدارىنىڭ ساياسي دەڭگەيدى جوعارىلاتىپ، ءبىر تۇتاس جوسپارلاپ سايكەستىرۋدى كۇشەيتىپ، تۋراشىلدىقتان اينىماي جاڭالىق اشۋعا تاباندى بولىپ، ”انالار سالاماتتىعى جۇردەك اۆتوكولىگى“ نىسانىن ويداعىداي اتقارىپ، كوپ جاقتىڭ كۇش-قۋاتىمەن بىرلەسىپ، بايلىقتى بىرىكتىرىپ، ءار ۇلت ايەلدەرىنە سالاماتتىق، قىزمەت وتەۋدى، قامقورلىق جاساۋدى بارىنشا جەتكىزىپ، ءتىپتى دە كوپ ايەلدەر مەن بالالاردى يگىلىككە كەنەلتىپ، قىزمەت وتەۋ ىستەرىنىڭ دامۋىن ىلگەرىلەتۋگە، اۋىل-قىستاقتى كوركەيتۋگە دەم بەرۋگە، سالاماتتى شينجياڭ قۇرۋعا اناعۇرلىم كوپ الەۋمەتتىك يگىلىك كۇشتەرىن قوسۋ كەرەك.

اۆتوكولىك جونەلتۋ سالتىندا اۆتونوميالى رايوندىق ايەلدەر بىرلەستىگىنىڭ، ايماقتىڭ قاتىستى باسشىلارى نىساندى اتقاراتىن ورىنداردىڭ ۋاكىلدەرى التاي قالالىق انالار مەن بالالاردىڭ دەنساۋلىعىن قورعاۋ، جوسپارلى تۋىتقا قىزمەت وتەۋ ورتالىعىنا، التاي قالالىق كەرۋەن مالشىلىق شيپاحاناسىنا، قابا اۋداندىق انالار مەن بالالاردىڭ دەنساۋلىعىن قورعاۋ، جوسپارلى تۋىتقا قىزمەت وتەۋ ورتالىعىنا ”انالار سالاماتتىعى جۇردەك اۆتوكولىگى“ التىن كىلتىن بەردى. ”انالار سالاماتتىعى جۇردەك اۆتوكولىگى“ سۇيىسپەنشىلىككە دانەكەر بولىپ، جەرگىلىكتى ورىنداعى ايەلدەردىڭ دەنساۋلىعىن تەكسەرۋگە، ناۋقاستاردى قۇتقارۋ-كومەكتەسۋگە، جۇكتى ايەلدەردىڭ دەنساۋلىعىن قورعاۋعا قىزمەت وتەيدى.

التاي قالالىق انالار مەن بالالاردىڭ دەنساۋلىعىن قورعاۋ، جوسپارلى تۋىتقا قىزمەت وتەۋ ورتالىعىنىڭ ورىنباسار مەڭگەرۋشىسى گو چياۋچياۋ بىلاي دەدى: ”انالار سالاماتتىعى جۇردەك اۆتوكولىگى“ بايلىعىنان ويداعىداي پايدالانىپ، ساپالى قىزمەت وتەۋدى شەتكەرى-شالعاي مال شارۋاشىلىق رايوندارىنا جەتكىزىپ، ءتىپتى دە كوپ ايەلدەر مەن بالالاردىڭ قولايلى ەمدەۋ قىزمەت وتەۋىنەن يگىلىكتەنۋىنە مۇمكىندىك جاسايمىز.

2024-جىلعى ”9-ايدىڭ 9-كۇنى ينتەرنەت الەۋمەتتىك يگىلىك كۇنى“ كەزىندە اۆتونوميالى رايوندىق ايەلدەر بىرلەستىگى، شينجياڭ ايەلدەر مەن بالالار ىستەرىن دامىتۋ قور قوعامى ”انالار سالاماتتىعى جۇردەك اۆتوكولىگى“ نىسانىن ىسكە قوستى. التاي ايماقتىق ايەلدەر بىرلەستىگى ءبىرتۇتاس جيناۋ، تىڭشۇندا جىلۋ اتاۋ ارقىلى جيىنى 5 ”انالار سالاماتتىعى جۇردەك اۆتوكولىگىن“ (بۇكىل شينجياڭ بويىنشا سانى ەڭ كوپ ايماق، وبلىس) قولعا كەلتىرىپ، جەرگىلىكتى ورىنداعى ايەلدەر مەن بالالاردىڭ اۋرۋ كورسەتۋى قيىن بولۋ، جول الىس بولۋ ماسەلەسىن شەشىپ، ءتىپتى دە كوپ انالار مەن بالالاردى دەر كەزىندە، ٴونىمدى، قولايلى ەمدەۋ قىزمەت وتەۋىنەن يگىلىكتەندىردى.

ايماقتىق ايەلدەر بىرلەستىگى پارتگرۋپپاسىنىڭ شۋجيى كۇڭ ۋيۋي بىلاي دەدى: ”انالار سالاماتتىعى جۇردەك اۆتوكولىگى“ نىسانىن ويداعىداي ۇيىمداستىرىپ، باسقارىپ، اتقارىپ، ايەلدەر مەن بالالارعا شىن نيەتىمىزبەن، سۇيىسپەنشىلىگىمىزبەن، كۇش ـ قۋاتىمىزبەن قىزمەت وتەپ، ”انالار سالاماتتىعى جۇردەك اۆتوكولىگىن“ انالار مەن بالالار شيپاحاناسىنىڭ قۇتقارۋ ـ كومەكتەسۋ جىلجىمالى پۋنكتى، انالار مەن بالالاردىڭ سالاماتتىق بىلىمدەرىن ۇگىتتەۋ ءتۇيىنى ەتىپ قۇرىپ شىعۋعا قۇلشىنىپ، ونى ايەلدەر مەن بالالاردى ”مەيىرگە بولەۋ اۆتوكولىگىنە“ جانە ”جۇرەكتەس كوپىرىنە“ شىنايى اينالدىرۋىمىز قاجەت.

ۇعىسۋعا قاراعاندا، ”انالار سالاماتتىعى جۇردەك اۆتوكولىگى“ نىسانى 2003-جىلى بەيجيڭدە باستالعان. بۇل شەتكەرى-شالعاي وڭىرلەر مەن قيىنشىلىعى بار وڭىرلەردەگى ايەلدەر مەن بالالاردىڭ ەمدەۋ-دەنساۋلىق ساقتاۋ شارت-جاعدايىن جاقسارتىپ، سالاماتتىق جاعىندا قىزمەت وتەۋ ورەسىن جوعارىلاتۋ ماقسات ەتىلگەن حالىق تىلەگى ينجەنەرياسى ەسەپتەلەدى. ”سالاماتتىق ۇستانىمىن جەتكىزۋ، سالاماتتىق بىلىمدەرىن جەتكىزۋ، سالاماتتىققا قىزمەت وتەۋدى جەتكىزۋدى“ ماقسات ەتىپ، سالاماتتىق تاربيەسى، جۇكتى ايەلدەر مەن بوسانعان ايەلدەردى قابىلداۋ، جوتكەۋ، قۇتقارۋ-كومەكتەسۋ، نەگىزگى ساتى شيپاگەرلەرىن باۋلۋ، ايەلدەر مەن بالالارعا قىزمەت وتەۋ قۋاتى قۇرىلىسى قاتارلى الۋان فورمالى سالاماتتىق قىزمەت وتەۋىن مىندەتىنە العان.

قيمىل بارىسىندا لۋ ۋىنجيە جانە ونىڭ ساپارلاستارى التاي قالاسىنداعى حاۋىپسىزدىكتى باستان كەشىرۋ ساباقحاناسى مەن ”مەيىرگە تولى قارلى مەكەن“ ازامات جاسىنا تولماعانداردىڭ پروكۋراتۋرا جالپىلىق قىزمەت وتەۋ كەڭسەسىنە بارىپ تەكسەرىپ-زەرتتەپ، ”كورىنىس + باستان كەشىرۋ ۇلگىسىندەگى“ حاۋىپسىزدىك تاربيە وقىتۋ ۇلگىسى، زاڭمەن باسقارۋ تاربيەسى، سونداي-اق ازامات جاسىنا تولماعانداردىڭ حاۋىپسىز، اقاۋسىز ەسەيىپ-ەرجەتۋ ورتاسىن جاراتۋ ءادىسىن تولىق تۇراقتاندىردى.