ەكى ءتۇرلى جامان ادەت تۇتاس ءبىر بۋىندى جويىپ بارادى
文摘
2025-01-01 23:53
哈萨克斯坦
مازمۇنى ماعىنالى،
تاريحى ۇزاق،
وقىرمان سانى كوپ
كۋابول ءۇنحات تەكشەسى
ەكى ءتۇرلى جامان ادەت تۇتاس ءبىر بۋىندى جويىپ بارادى.ءبىرىنشىسى – جاعىمسىز كوڭىل-كۇي، نالىعان اڭگىمەلەرۇزاق ۋاقىت بويى قىزمەتتە ءجۇرىپ، مەن انامنىڭ ءبىر ەرەكشەلىگىن بايقادىم: ول كىسىنىڭ ەڭ جاقسى كورەتىن اڭگىمەسى – ادامدى اشۋلاندىراتىن جايتتار تۋرالى ءسوز ەتۋ ەكەن. ينتەرنەتتەگى ەڭ جايسىز اقپاراتتاردى سول كىسىنىڭ اۋزىنان ەستيتىن بولدىم. وعان قوسا، سول ادەتى ەكى ناعاشى اپاما دا جۇققان. ولار سويلەگەن سايىن اشۋلارى كەلىپ، اشۋلارى كەلگەن سايىن ودان سايىن قىزۋلانىپ، ءبىر ماسەلەنى قايتا- قايتا ايتىپ، ءتىپتى ەشكىم توقتاتا المايتىن جاعدايعا جەتەدى. ولارمەن بىرگە وتىرساڭ، ەندىگى ومىردە ەشقانداي ءمان مەن قىزىق قالماعانداي اسەر بەرەدى.— «اناشىم، كوڭىلسىزدەندىرەتىن نارسەلەردى ايتپاي- اق قويۋعا بولا ما؟ ايتساڭ، ءوزىڭ دە، وزگەلەر دە اشۋلانىپ كەتەسىڭ. نەگە سونشا قايتالايسىڭ؟» – دەپ سۇرادىم.— انام: «مەن جاي عانا ايتىپ قويامىن عوي» – دەدى.— مەن: «ەگەر قايتا- قايتا ورالىپ، سونى ايتۋعا قۇمار بولساڭ، دەمەك كوڭىلسىزدىكتى جاقسى كورەسىڭ» – دەدىم.قىزىق كورىنەر، الايدا ادام شىنىمەن- اق جاعىمسىز كوڭىل-كۇيگە تاۋەلدى بولىپ قالادى. مەنىڭشە، اشۋلانۋ كەيدە ادامدى ەموتسياعا بۋلىقتىرىپ، بويىنا كۇشتەي قۋات بەرەتىندەي، اۋىزعا كەلگەنىن سويلەۋ ارقىلى ءبىر ساتتىك «راحات» سىيلايتىنداي، ءتىپتى ءوزىڭدى وزگەلەردەن جوعارى سەزىنەتىندەي حالگە تۇسىرەدى.كەيىن مەن انام عانا ەمەس، ءوزىم دە تەرىس مىنەزگە تاۋەلدى ەكەنىمدى اڭعاردىم. تەك مەنىكى «قاسىرەتكە» دەگەن قۇمارلىق ەدى. ەڭ اۋىر كەزەڭدەرىمدە ءوزىمدى دە تاڭعالدىراتىن دۇنيەلەر جازىپ تاستايتىنىمدى بايقادىم. ءسويتىپ، بىرنەشە رەت ءوزىمدى ادەيى «قاسىرەتكە» سالدىم: مۇڭلى مۋزىكا تىڭداپ، مۇڭدى فيلمدەر كورىپ، اسىرە قايعىرعان، قاسىرەتتەنگەن ولەڭدەر وقىپ، ءتىپتى وتكەندەگى اۋىر ەستەلىكتەردى قوزعاپ، سونى پايدالاندىم. كۇيزەلۋ اقىرى مەنىڭ «قۇرالىما» اينالدى.سۇيتسەم بۇل، تەك ءبىزدىڭ باسىمىزدا عانا ەمەس، تومەن دەڭگەيلى ءومىر سۇرەتىن قانشاما ادامنىڭ ورتاق قاپىرىعى ەكەن.
