كۇندە باس جۋىپ شارشادىڭ با، نەگە باسقالاردان تەز مايلانادى؟
文摘
2024-12-31 15:34
哈萨克斯坦
مازمۇنى ماعىنالى،
تاريحى ۇزاق،
وقىرمان سانى كوپ
كۋابول ءۇنحات تەكشەسى
ءبىر كۇن شاش جۋماساڭ، باس تەرىسى بىردەن «مايلانىپ» شىعا كەلەدى! نەلىكتەن كەيبىر ادامداردىڭ شاشى وزگەلەرگە قاراعاندا تەزىرەك مايلانادى؟بۇگىندە «باستىڭ ەڭ ماڭىزدى شارۋاسى» كوپشىلىكتىڭ كوڭىلىندە باستى ورىنعا شىعا باستادى. شاشتىڭ ءتۇسۋى – ءجيى تالقىلاناتىن ماسەلە، ءبىراق كوڭىل قۇلازىتار تاعى ءبىر دۇنيە بار: شاشتىڭ تەز مايلانۋى!•كەيبىر ادامدار شاشىن كۇن سايىن جۋماي- اق، قوبىراپ جۇمساق قالپىن ساقتاي الادى؛•ال ەندى بىرەۋلەردىڭ شاشى جۋىپ ۇلگەرمەي جاتىپ- اق قايتا مايلانىپ كەتەدى …«شاشتىڭ مايلانۋى – اعزادا ىلعال (دىمقىلدىق) كوپ بولۋىنان» دەگەن ءسوزدى ءجيى ەستيمىز. الايدا سوڭعى ۋاقىتتا اۋا قۇرعاق تارتىپ بارا جاتسا دا، كەيبىر ادامداردىڭ شاشىنداعى ماي ازايار ەمەس.«نەگە مەنىڭ شاشىم وزگە جۇرتتان گورى مايلىراق بولىپ كورىنەدى؟ونى قالاي ەمدەپ، «ۇلكەن مۇناي كەنىشىنەن » قۇتىلۋعا بولادى؟بۇگىن وسى ساۋالدارعا بىرگە جاۋاپ ىزدەيىك.باس تەرىسى نەگە تەز مايلانادى؟«شاشىم مايلانىپ كەتتى» دەگەندە، شىن مانىندە ءبىز باس تەرىسىنىڭ مايىن ايتىپ وتىرمىز. ويتكەنى باس تەرىسىندە ورنالاسقان ماي بەزدەرىنىڭ تىعىزدىعى دا، ماي ءبولۋ كولەمى دە دەنەنىڭ وزگە بولىكتەرىنەن الدەقايدا جوعارى. سول سەبەپتى شاشتىڭ تۇبىندە ماي تەزىرەك جينالادى.شاشتىڭ الدىڭعى جاعىندا (ماڭداي تۇسىندا) مايدىڭ كوبىرەك بولىنەتىنىن دە بايقاعان بولارسىز. بۇل – باس تەرىسىنىڭ ءار تۇسىندا ماي بەزدەرىنىڭ قىزمەتى اركەلكى بولۋىنا بايلانىستى. ماڭداي ماڭى ۇستىڭگى جانە ارتقى بولىككە قاراعاندا كوبىرەك ماي بولەدى.شىندىعىندا، مايدىڭ ءبولىنۋى جامان قۇبىلىس ەمەس، قالىپتى جاعداي.ورنىمەن بولىنگەن ماي شاشتى ىلعالداندىرىپ، جىلتىرىن ارتتىرادى. ءبىراق تىم كوپ ماي جينالسا، بىرىنشىدەن، شاشتىڭ كوركىن بۇزادى، ەكىنشىدەن، ۇزاق ۋاقىت بويى بىتەلىپ قالعان تەرى تەسىكتەرى زياندى باكتەريالارعا قولايلى ورتا جاسايدى دا، باس تەرىسىنىڭ تابيعي تەپە- تەڭدىگىن بۇزادى.جۋىپ بولعان سوڭ نەگە جىلدام قايتا مايلانىپ كەتەدى؟باس تەرىسىنىڭ ماي ءبولۋى – قالىپتى قۇبىلىس. دەگەنمەن كەيبىرەۋلەردىڭ شاشى وزگەلەرگە قاراعاندا شەكتەن تىس تەز مايلانادى. اۋاداعى دىمقىلدىق (سىرتقى ىلعال كوپتىگى) اعزاداعى زات الماسۋدى بۇزىپ، مايدىڭ جابىسقاقتىعىن ارتتىرۋى مۇمكىن. مۇندايدا شاشتى ءجيى جۋىپ تازارتا الماۋ – مايلانۋدى ودان ءارى كۇشەيتەدى. ەگەر دىمقىلدىققا بايلانىستى باسقا دا بەلگىلەر بايقالسا (اسقازان- ىشەك قىزمەتىنىڭ تومەندەۋى، ءىشتىڭ جەلدەنۋى، تابەتتىڭ ناشارلاۋى، ۇلكەن دارەتتىڭ قالىپسىزدىعى ت.س.س.)، وندا سەبەبىن اعزادان ىزدەگەن ءجون.سونىمەن قاتار، شاشتىڭ تەز مايلانۋىنا اسەر ەتەتىن باسقا دا نەگىزگى سەبەپتەر:كەيبىر ادامداردا ماي بەزدەرى تىم بەلسەندى جۇمىس ىستەيدى. مۇندايدا بەتتەگى، اسىرەسە ماڭداي مەن مۇرىن ايماعىنداعى ماي دا كوپ بولىنەدى.
