ەرتە ۇيىقتاماعان ەرتە ولەدى
文摘
2025-01-03 22:44
哈萨克斯坦
مازمۇنى ماعىنالى،
تاريحى ۇزاق،
وقىرمان سانى كوپ
كۋابول ءۇنحات تەكشەسى
ءتورت كۇن ۇيقىسىز جۇرسەڭىز، ءولىم ءقاۋپى 80%- عا جەتەدىبۇل – چيڭحۋا ۋنيۆەرسيتەتىنىڭ بيومەديتسينا سالاسىنداعى كەشەندى زەرتتەۋ ينستيتۋتى جۇرگىزگەن زەرتتەۋدەن الىنعان دەرەك. ۇزاق ۋاقىت ۇيقىدان ايىرىلعان زەرتحانالىق اق تىشقاندار شامامەن 75 ساعاتتان سوڭ جۇيكە جۇيەسىنىڭ بۇزىلۋى، ىشكى سەكرەتسيانىڭ اقاۋى سياقتى بەلگىلەردى كورسەتە باستاعان. ال ادام بالاسى ءتورت تاۋلىك بويى تۇنگى ۇيقىدان قاعىلسا، كەنەتتەن جۇرەك توقتاپ قالۋ ءقاۋپى كۇرت جوعارىلايدى. تۇنگى ۇيقىسىزدىق – ءومىردىڭ سوڭعى «توي- دۋمانىنداي» عانا نارسە.تۇنگى ۇيقىسىزدىق: قاس- قاعىم ساتتىك «ءلاززات»، اۋىر سالدارى زور«2024 جۇڭگو تۇرعىندارىنىڭ ۇيقى دەنساۋلىعى تۋرالى اق كىتابىندا (白皮书)» كورسەتىلگەندەي، ەلدەگى ادامداردىڭ ورتاشا ۇيقى ۇزاقتىعى – 6,75 ساعات، ال باسىم كوپشىلىگى ۇيىقتاۋعا تۇنگى 00:01 شاماسىندا جاتادى. جاستاردىڭ كوبى ءتىپتى ساعات 02:00- دەن كەيىن عانا كوز شىرىمىن الادى. كەيبىر ءازىلقويلار «2000- جىلعى جاستارعا مۇلدە ۇيقى بۇيىرمايدى، ال جەتپىسىنشى جىلدىڭ ۇلكەندەر ءتۇن ورتاسىندا ءجيى ويانادى» دەپ قاعىتادى. راسىندا، قازىرگى تاڭدا شامامەن 300 ميلليون ادامنىڭ دۇرىس ۇيىقتاۋعا مۇمكىندىگى جوق. دەنساۋلىعىڭىز بەن اماندىعىڭىز ءۇشىن، ءتۇندى قاساقانا قىسقارتاسىز با، الدە تىرشىلىك قامىمەن ەرىكسىز كەش جاتاسىز با – ءبارىبىر، مۇنى اسا ەسكەرۋ كەرەك. ويتكەنى «ءتۇن – قىسقا، ءومىر – قىمبات». قازاقتا «ەرتە تۇرعان ەركەكتىڭ ىرىسى ارتىق، ەرتە تۇرعان ايەلدىڭ ءبىر ءىسى ارتىق» دەگەن ءسوز بار، ال ءتۇندى قۇنىتتاماعان ادامنىڭ عۇمىرى دا قيىنداي تۇسەدى.«تۇندە ءتوزىمدى تاۋىسىپ، دەرتىڭدى ەسەلەۋ»ليۋ جىحۇڭ (刘志红) بىلاي دەيدى: ادام ۇيقىعا جاتار الدىندا تەلەفوندى جابا الماي، ۇزدىكسىز قاراي بەرسە، كۇندىزگى كوڭىل- كۇيىنىڭ قاناعات تاپپاعانىنان بولۋى مۇمكىن. ءتۇندى ۇيقىسىز وتكىزۋ – كۇنى بويى ەڭبەكتەنگەن سوڭ «وزىڭە جاساعان سىياقىعا» اينالدى. تاڭمەن تالاسا جۇمىسقا كەتسەڭىز – قىزمەتتەگى «تاڭباڭىز» بار؛ۇيگە قايتساڭىز – وتباسى مۇشەسىنىڭ «رولى» بار؛قوعامعا ارالاسساڭىز – كوپتىڭ ىشىندەگى «بەينەڭىز» بار. تەك اجەتحاناعا كىرگەندە نە توسەكتە جاتقاندا عانا بۇكىل «جاپسىرمالاردان» ءبىر ساتكە بوساپ، ءوز قالپىڭىزعا كەلەسىز.
