مازمۇنى ماعىنالى،
تاريحى ۇزاق،
وقىرمان سانى كوپ
كۋابول ءۇنحات تەكشەسى
ءار كۇنى سىزبەن بىرگە!
جازۋشى ۋ جۋڭلي «بايلىقتىڭ رۋحاني زاڭدارى» دەگەن ەڭبەگىندە بىلاي دەيدى:
«اقشا – جاي عانا قۇرال ەمەس، ونىڭ وزىنە ءتان «مىنەزى » مەن «قالاۋى» بار.
اقشا اينالىمدا جۇرگەندە، كىم ونى وزىنە تارتا السا، سونىڭ قالتاسىنا بارىپ قۇيىلادى.
ءبىزدىڭ زاتتىق الەمدە كەز كەلگەن ادام كوبىرەك تابىس تاپقىسى كەلەدى.
الايدا ەگەر سەن اقشانىڭ بولمىسىن تۇسىنە الماي، ونىڭ كوڭىلىن تاۋىپ ۇلگەرمەسەڭ، قانشا تىرىسساڭ دا كەدەيشىلىكتەن قۇتىلا المايسىڭ.
راسىندا اقشا ءۇيىرىلىپ تۇراتىن ادامدار – اقشانىڭ ءوزى جاقسى كورەتىندەر.
2025- جىلى مول بايلىققا كەنەلگىڭ كەلسە، الدىمەن اقشانىڭ «قالاۋىنداعى» تۇلعاعا اينالۋ كەرەك».
01. اقشا كورەگەن ادامدى ۇناتادى
امازون كومپانياسىنىڭ باسشىسى دجەفف بەزوس بىلاي دەگەن ەكەن:«ەگەر سەن اتقاراتىن ءار ءىستىڭ جوسپارىن ءۇش جىلمەن شەكتەسەڭ، وندا سەنىڭ باسەكەلەستەرىڭ وتە كوپ بولادى.
ال ەگەر سەن كوزقاراسىڭدى جەتى جىلعا ۇزارتا الساڭ، وندا سەنىمەن تەڭ تۇسەر جان ازايادى، ويتكەنى سونشالىق ۇزاق مەرزىمگە جوسپار قۇرعىسى كەلەتىن ادام سيرەك».
تابىستان قاعىلۋدىڭ ءتۇپ- توركىنى كوپ جاعدايدا وي- ءورىستىڭ تارلىعىندا. كەدەيلىك پەن بايلىقتىڭ ايىرماسى – كوكجيەكتى قانشالىق ۇزاققا كورە بىلۋگە بايلانىستى.
بيزنەس تالىمگەرى لين مياۋ وسىعان وراي مىناداي وقيعانى بايانداعان:
دوسى شاعىن قالادا قۋىرىپ ساتاتىن تاۋىق اياعىن (سانىن) دايىنداپ، سونىمەن شۇعىلدانادى. تاۋىق ەتى سىرتىنان قىتىرلاق، ءىشى جۇمساق، ءدامى ءتىل ۇيىرەدى. سۇرانىس جامان ەمەس، ءبىراق تەك ءوز قالاشىعىندا عانا شەكتەلگەندىكتەن، باسەكە كوپ، ءىسى جاي عانا ورتا دەڭگەيدە قالىپ قويادى.
كەيىن ينتەرنەت دامىپ، تاماق جەتكىزۋ (ونلاين جەتكىزۋ) وركەندەي باستاعان تۇستا، كوپتەگەن جەتكىزۋ پلاتفورمالارى ايماقتاردى ارالاپ، تاماقتانۋ ورىندارىن سەرىكتەس بولۋعا شاقىرادى. كوپتەگەن كاسىپ يەلەرى كوميسسيا تولەۋگە قۇلىقسىز بولىپ، بۇل جولدان باس تارتتى.
ال الگى دوسى عالامتور ارقىلى قىزمەت كورسەتۋ – ۇلكەن بەتبۇرىس ەكەنىن بايقاپ، بىردەن كەلىسىم بەردى. سولايشا ونىڭ دۇكەنى اۋدانداعى تۇڭعىش «جەتكىزىپ بەرەتىن» قۋىرىلعان تاۋىق ەتى ورنىنا اينالدى. از ۋاقىتتىڭ ىشىندە ونلاين- تاپسىرىستار كوبەيىپ، تابىسى شارىقتادى.
ءسويتىپ، قالاشىقتاعى وزگە باسەكەلەستەر ءالى دە ەسكى تاسىلمەن وتىرعان كەزدە، ونىڭ كاسىبى الدەقاشان كەڭەيىپ، قالتاسى مول قاراجاتقا تولدى.
وسى وقيعانى تۇيىندەي كەلىپ، لين مياۋ بىلاي دەيدى:
«بۇگىنگى زاماندا ادامدار اراسىنداعى باسەكە – تەك ەڭبەكتە عانا ەمەس، كوبىنە تۇسىنىك پەن بايقاعىشتىقتىڭ جارىسى.
كوزى ۇزاققا جەتكەن ادامعا بايلىقتىڭ جولى ءوزى كەلىپ تۇرادى. ولار الىستى بولجاي الادى، وزىنە قوسىمشا تابىس كوزدەرىن اشىپ، قارجى كوزىن مولايتا بەرەدى».
