حيلۇڭجياڭ، جيلين ولكەسىنە بارىپ ۇيرەنىپ، تەكسەرۋ جۇرگىزدى

جۋىقتا، التاي ايماقتىق پارتكومنىڭ شۋجيى شيە شاۋدي التاي ايماعىنىڭ پارتيا، ۇكىمەت ۋاكىلدەر ۇيىرمەسىن باستاپ حيلۇڭجياڭ ولكەسىنە، جيلين ولكەسىنە بارىپ شينجياڭعا كومەكتەسۋ قىزمەتىمەن ۇشتاستىرىپ، وزىق تاجىريبەلەردى ۇيرەنىپ، سەلبەستىكتى، اۋىس-كۇيىستى تەرەڭدەتىپ، شينجياڭعا باعىتتامالى كومەكتەسۋ مەن اۋىس-كۇيىستىڭ، سەلبەستىكتىڭ تەرەڭدەۋىن، ناقتىلانۋىن ىلگەرىلەتۋدى جوسپارلادى.

حيلۇڭجياڭ ولكەسىندە ۇيرەنۋ، تەكسەرۋ جۇرگىزگەندە كەزدە ولكەلىك پارتكومنىڭ ورىنباسار شۋجيى جاڭ ان-شۇن، ولكەلىك پارتكومنىڭ تۇراقتى مۇشەسى، ولكەلىك ۇكىمەتتىڭ ۇنەمىلىك ىستەرگە جاۋاپتى ورىنباسار ولكە باستىعى چىن شاۋبو التاي ايماعىنىڭ پارتيا، ۇكىمەت ۋاكىلدەر ۇيىرمەسىمەن كەزدەستى. جاڭ ان- شۇن مىنالاردى اتاپ كورسەتتى: شينجياڭ قىزمەتى پارتيا مەن مەملەكەتتىڭ جالپى جاعدايىنان العاندا ەرەكشە ماڭىزدى ورىنعا يە، حيلۇڭجياڭ ولكەسىنىڭ ءار دارەجەلى، ءارقايسى تاراۋلارى باس شۋجي شي جينپيڭنىڭ ماڭىزدى نۇسقاۋى رۋحىن ىشكەرىلەي ۇيرەنىپ، دايەكتىلەندىرىپ، شينجياڭنىڭ قاجەتىن تىعىز ارقاۋ ەتىپ، حيلۇڭجياڭنىڭ بار كۇشىن سارقا جۇمساپ، كاسىپ سالاسى جاعىندا شينجياڭعا كومەكتەسۋىن، وقۋ-اعارتۋ جاعىندا شينجياڭعا كومەكتەسۋىن، دارىندىلار جاعىندا شينجياڭعا كومەكتەسۋىن جانە حالىق تۇرمىسى جاعىندا شينجياڭعا كومەكتەسۋىن ىشكەرىلەي اتقارىپ، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن جەبەپ، شينجياڭعا باعىتتامالى كومەكتەسۋ قىزمەتىنىڭ تىڭ ساتىعا كوتەرىلۋىن، تىڭ تابىسقا قول جەتكىزۋىن ىلگەرىلەتۋ كەرەك.

جيلين ولكەسىندە ۇيرەنۋ، تەكسەرۋ جۇرگىزگەندە ولكەلىك پارتكومنىڭ ورىنباسار شۋجيى ۋ حاييىڭ، ولكەلىك پارتكومنىڭ تۇراقتى مۇشەسى، ولكەلىك ۇكىمەتتىڭ ۇنەمىلىك ىستەرگە جاۋاپتى ورىنباسار ولكە باستىعى ساي دۇڭ التاي ايماعىنىڭ پارتيا، ۇكىمەت ۋاكىلدەر ۇيىرمەسىمەن كەزدەستى. ۋ حاييىڭ مىنالاردى اتاپ كورسەتتى: شينجياڭعا باعىتتامالى كومەكتەسۋ — پارتيا ورتالىق كوميتەتىنىڭ جاساعان كەلەلى شەشىم ورنالاستىرۋى، ارقالاۋعا ءتيىستى كەلەلى ساياسي جاۋاپكەرشىلىك، جيلين ولكەسى باس شۋجي شي جينپيڭنىڭ شينجياڭ قىزمەتى جونىندەگى ماڭىزدى بايىمداۋلارىن باتىل دايەكتىلەندىرىپ، تياناقتاندىرىپ، ەڭ تاڭداۋلى دارىندىلاردى، ەڭ سايلاۋىت كۇشتەردى، ەڭ ساپالى بايلىقتى شينجياڭعا كومەكتەسۋ قىزمەتىنىڭ ءبىرىنشى شەبىنە جۇمساپ، دارىندى، كاسىپ سالاسى، حالىق تۇرمىسى، وقۋ ـ اعارتۋ، مادەنيەت قاتارلى ءتۇيىندى سالالاردى ارقاۋ ەتىپ، نەگىز قالاۋ، ۇزاق بولاشاققا تيىمدىلىك جاساۋ، ولقىلىقتاردى تولىقتاۋ قاتارلى اناعۇرلىم كوپ قىزمەتتى جوسپارلاپ اتقارىپ، التاي ايماعىنداعى ءار ۇلت كادرلارىمەن، بۇقاراسىمەن بىرگە باعىتتامالى كومەكتەسۋ قىزمەتىن اناعۇرلىم ويداعىداي ىستەۋ كەرەك.

شيە شاۋدي التاي ايماقتىق پارتكوم، اكىمشىلىك مەكەمەسى جانە ايماقتاعى ءار ۇلت كادرلارى مەن بۇقاراسى اتىنان حيلۇڭجياڭ ولكەسىنىڭ، جيلين ولكەسىنىڭ ۇزاق ۋاقىتتان بەرى زور كۇشپەن قولداپ، قالتقىسىز كومەك كورسەتكەنىنە شىنايى العىس ايتتى. شيە شاۋدي بىلاي دەدى: تالاي جىلدان بەرى، حيلۇڭجياڭ، جيلين ولكەلىك پارتكوم، ولكەلىك ۇكىمەت باستان ـ اياق شينجياڭعا، التايعا سۇيىسپەنشىلىك ارناپ، وسكەلەڭ ساياسي سانالىلىق جانە كۇشتى جاۋاپكەرشىلىك ارقالاپ، بۇكىل ولكەنىڭ كۇشىن جۇمىلدىرىپ، بۇكىل ولكەنىڭ اقىل-پاراساتىن شوعىرلاندىرىپ، شينجياڭعا باعىتتامالى كومەكتەسۋ قىزمەتىن جان-جاقتى، كوپ ساتىلى، كەڭ سالادا ىلگەرىلەتىپ، التايدىڭ ورنىقتىلىعىن پارمەندى قورعاپ، التايدىڭ دامۋىن ىلگەرىلەتىپ، التايدىڭ حالىق تۇرمىسىن جاقسارتىپ، ”التىنتاۋ الابىندا“ شينجياڭعا باعىتتامالى كومەكتەسۋدىڭ شۇعىلالى داستانىن جازىپ، كاسىپ سالاسى، وقۋ-اعارتۋ، ەمدەۋ، دارىندى قاتارلى سالالاردا سۇبەلى تابىسقا قول جەتكىزدى، التاي ايماقتىق پارتكوم، اكىمشىلىك مەكەمەسى جانە ءار ۇلت كادرلارى مەن بۇقاراسى مۇنى كوكەيىندە بەرىك ساقتاپ، شىن جۇرەكتەن العىس ايتادى. وسى رەتكى حيلۇڭجياڭ ولكەسىنە، جيلين ولكەسىنە بارىپ ۇيرەنۋ، تەكسەرۋ جۇرگىزۋدى وراي ەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە-ءدال، جاپپاي دايەكتىلەندىرىپ، شينجياڭعا كومەكتەسۋ تەكشەسىنەن، دانەكەرىنەن ويداعىداي پايدالانىپ، ەكى ولكەنىڭ تەحنيكا، قارجى، دارىندى قاتارلى جاقتارداعى ابزالدىلىعىن تولىق ساۋلەلەندىرىپ، كۇشتى شوعىرلاندىرا وتىرىپ نەگىز قالاۋ، ۇزاق بولاشاققا تيىمدىلىك جاساۋ، حالىق تۇرمىسىنا تيىمدىلىك جاساۋ سىندى ءىرى، ماڭىزدى ىستەردى ىلگەرىلەتىپ، ءار ۇلت كادرلارى مەن بۇقاراسىنىڭ كەڭ كولەمدە ارالاسۋىن، ىشتەسۋىن، توعىسۋىن جەبەپ، رەفورما، دامۋ، ورنىقتىلىقتىڭ ءىس جۇزىندىك ونىمدىلىگى ارقىلى ەكى ولكە حالقىنىڭ تەرەڭ دوستىعىنا قارىمجى قايتارىپ، وتانىمىزدىڭ شەكارا ءوڭىرىنىڭ گۇلدەنىپ-كوركەيۋىنە، دامۋىنا، باياندى تىنىشتىعىنا اناعۇرلىم زور ۇلەس قوسۋعا قۇلشىنۋ كەرەك.

حيلۇڭجياڭ ولكەسىندە ۇيرەنۋ، تەكسەرۋ جۇرگىزگەندە التاي ايماعىنىڭ پارتيا، ۇكىمەت ۋاكىلدەر ۇيىرمەسى جابدىق جاساۋ، اۋىل شارۋاشىلىق كاسىبى، كاسىپتىك وقۋ-اعارتۋ قاتارلى جاقتاردى ءتۇيىندى تۇردە ارقاۋ ەتىپ، ىلگەرىندى-كەيىندى شىنجىن (حاربين) كاسىپ باقشاسى، حيلۇڭجياڭ حۇيدا عىلىم-تەحنيكا شەكتى جارنا سەرىكتەستىگى، ميڭياڭ شىعىس سولتۇستىك جەل ەلەكتر جوعارى دەڭگەيلى جابدىق جاساۋ كاسىپ بازاسى، داچيڭ قۇرىش ادام ۋاڭ جينشي ەسكەرتكىش سارايى، جۇڭگو 1-اۋىر ونەركاسىپ توبى، چيحان ياڭجيا ەلەكتروندىق ساۋدا شەكتى سەرىكتەستىگى، جامىس كاسىپتىك وقۋ-اعارتۋ توبى، جامىس جوعارى دەڭگەيلى زەردەلى اۋىل شارۋاشىلىق ماشينالارى جابدىقتارىن زەرتتەۋ ـ اشۋ، جاساۋ بازاسى، كايشىڭ (جامىس) زەردەلى اۋىل شارۋاشىلىق كاسىپ باقشاسى قاتارلى جەرلەردە ۇيرەنۋدە بولىپ تەكسەرۋ جۇرگىزدى.

جيلين ولكەسىندە ۇيرەنۋ، تەكسەرۋ جۇرگىزگەندە التاي ايماعىنىڭ پارتيا، ۇكىمەت ۋاكىلدەر ۇيىرمەسى اۋىل شارۋاشىلىق قوسىمشا ونىمدەرىن جىنتىكتەي مانەرلەۋ، ساياحات كاسىبى، ءدارى جاساۋ قاتارلى جاقتاردى ءتۇيىندى تۇردە ارقاۋ ەتىپ، ىلگەرىندى-كەيىندى 1-اۆتوكولىك توبى قىزىلتۋ زەردەلى ءوندىرىس جەلىسى، چاڭچۇن حاۋيۋە مۇسىلمانشا ەت شارۋاشىلىعى شەكتى جارنا سەرىكتەستىگى، جيلين مەيحۋا امين قىشقىلى شەكتى سەرىكتەستىگى، جيلين جيديان نىڭگوۋ (بايچىڭ) ەنەرگيا ساقتاۋ قارجى قوسۋ شەكتى سەرىكتەستىگى، ج ك پ لياۋنيڭ، جيلين ولكەلىك كوميتەتىنىڭ كونە جۇرتى قىزىل تاربيە بازاسى، سۇڭيۋان شاعانكول ساياحات ەكونوميكالىق اشۋ رايونى، تۇڭحۋا دۇڭباۋ ءدارى-دارمەك شەكتى جارنا سەرىكتەستىگى، جۇڭگو تۇڭتيان اراق كاسىبى توبى شەكتى سەرىكتەستىگى قاتارلى جەرلەردە ۇيرەنۋدە بولىپ تەكسەرۋ جۇرگىزدى.

ايماق باسشىلارىنان گۋ يان، سۇڭ چياڭ، تاڭ جيە، پان فىڭ قاتارلىلار قيمىلعا قاتىناستى.