تيانشان جاڭا سۋرەتشىلەرىنىڭ ءورىس اشۋشىسى ۋ شياۋبيڭ قازىر شينجياڭ اسەمونەرشىلەر قوعامىنىڭ مۇشەسى، التاي ايماقتىق اسەمونەرشىلەر قوعامىنىڭ ورىنباسار ءتوراعاسى، قاناس حاتكەرلىك-سۋرەت ورنىنىڭ ورىنباسار باستىعى، فيتيان اسەمونەر سارايىنىڭ كەلىسىم جاساسقان كوركەمونەرشىسى، بەيجيڭ جياديڭ سۋرەت قوعامىنىڭ سۋرەتشىسى.
ۋ شياۋبيڭ وتكەن عاسىردىڭ 80-جىلدارىندا باتىس سولتۇستىكتەگى شەت-شالعاي رايوندا دۇنيەگە كەلگەن. جاپالى تۇرمىس ونىڭ قايسار مىنەز-قۇلقى مەن كوركەمونەرگە قاجىماي-تالماي تالپىناتىن قاجىرلىلىعىن شىڭدادى. داشۋەنى بىتىرگەننەن كەيىن ۋ شياۋبيڭ كورىكتى شينجياڭنىڭ وزگەشە تاۋ-وزەن كورىنىسى مەن الۋان ءتۇرلى جەرگىلىكتى سالت-ساناسىنا قىزىققاندىقتان، شينجياڭعا كەلىپ قىزمەت ىستەۋدى ءوزى ءوتىنىش ەتتى. وسىلايشا، ول 17 جىل وسى جەردە تۇرىپ اۋىل-قىستاقتارعا، مال شارۋاشىلىق رايوندارىنا ۇنەمى بارىپ، تيانشان تاۋىن، ءشول دالانى كەسىپ ءوتىپ، تۇرمىس امالياتىن مولىنان توپتادى.
ۋ شياۋبيڭ ”تيانشاندى“ شابىت قاينارى ەتىپ، كورىكتى شينجياڭنىڭ گۋمانيتارلىق سالت-ساناسى جونىندە كەڭ كولەمدە ىشكەرىلەي ىزدەنىس جاساپ جانە زەرتتەۋ جۇرگىزىپ، ەڭ سوڭىندا، ”تيانشاننىڭ تاۋ-وزەن جاڭا سۋرەتى“ سىندى وزگەشە كوركەمونەر ستيلىن جاراتتى. ونىڭ تۋىندىلارىندا قويۋ وڭىرلىك مادەنيەت ەرەكشەلىگى مەن داۋىرلىك ارتقى كورىنىس قامتىلعان.
ۇعىسۋعا قاراعاندا، «تاڭ ساۋلەسى»، «اۋىل-قىستاقتاعى تۇرمىسىم»، «كەشكى شاپاق» قاتارلى ۋاكىلدىك تۋىندىلارى ءتۇرلى كوركەمونەر باعالاۋىندا كوپ رەت سيلىققا يە بولعان.
来源：雪都嘟/阿勒泰地区融媒体中心
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
