11-ايدىڭ 1-كۇنى، التاي مايلىباي ەت ونىمدەرىن ساتۋ شەكتى سەرىكتەستىگىنىڭ سيىر، قوي ەتى سويىسحاناسىنىڭ ەت ءتۇرىن مانەرلەۋ سەحىندا قىزمەتكەرلەر تۇتىنۋشىلاردىڭ ءتۇرلى قاجەتىن قاناعاتتاندىرۋ ءۇشىن ولشەمدەندىرۋ ءتارتىبى بويىنشا سيىردىڭ جاس ەتىن مۇقياتتىلىقپەن ءبولىپ، قوراپتاۋدا.
جىل باسىنان بەرى، التاي قالاسى سارقۋسىن اۋىلىنداعى التاي مايلىباي ەت ونىمدەرىن ساتۋ شەكتى سەرىكتەستىگىنىڭ سيىر، قوي ەتىنىڭ ساۋداسى كۇسەت بولدى. سەرىكتەستىكتىڭ باس ديرەكتورى دامەي شايماردان ۇلى بىلاي دەدى: كۇنىنە 100 باس سيىر جانە 200 تۇياق قوي سويامىز، ايلىق كىرىسىمىز 100 مىڭ يۋاننان اسادى. قازىر جەرگىلىكتى بازاردا تابان تىرەپ تۇرۋمەن بىرگە، سىچۋان قاتارلى شينجياڭنان سىرتقى كوپتەگەن بازارلارعا ءساتتى قادام تاستادىق.
مال، ءۇي قۇسى سويىس كاسىبى مال، ءۇي قۇسى باعىمشىلىعىنان باستالىپ، ەت ونىمدەرى تۇتىنۋىمەن جالعاسىپ جاتادى، ول باعىمشىلىق جەتىستىكتەرىن ەكونوميكالىق ونىمدىلىككە اينالدىرۋدىڭ شەشۋشى بۋىنى، سونداي-اق ماڭىزدى حالىق تۇرمىسى كاسىبى. جىل باسىنان بەرى، ايماقتاعى ءارقايسى قاتىستى تاراۋ (ورىن)، اۋىل (قالاشىق) مال شارۋاشىلىق ونىمدەرىن ساتۋ قىزمەتىنە وسكەلەڭ ءمان بەرىپ، سويۋ الدىندا كارەنتيندەۋ جانە مەڭگەرۋ ءتارتىبىن قاتاڭ اتقارىپ، سويىس مالدىڭ ىندەتسىز تازا بولۋىنا شىنايى كەپىلدىك ەتتى.
قازىر التاي ايماعىندا قالىپتى تيجارات جۇرگىزەتىن مال، ءۇي قۇستارىن سوياتىن تۇراقتى كاسىپورىننان 21 ى بار، رەسمي جاق مال شيپاگەرلەرىن جىبەرىپ، سوياردان بۇرىن مالدى كارەنتيندەپ، تەكسەرەدى. جىل باسىنان قازىرگە دەيىن ايماق بويىنشا 386 مىڭ 800 باس (تۇياق) مال جانە ءۇي قۇسى سويىلىپ، بازار قاجەتىن تولىق قامتاماسىزداندىردى.
التاي ايماقتىق حايۋاناتتار دەنساۋلىعىن باقىلاۋ ورنىنىڭ باستىعى جانات جۇماش ۇلى بىلاي دەدى: بۇدان بىلاي ءبىز مال، ءۇي قۇستارىن سوياتىن كاسىپورىنداردىڭ تۇلعالىق جاۋاپكەرشىلىگىن ۇزدىكسىز ناقتىلاندىرىپ، ءتىپتى دە كوپ سويىس كاسىپورىندارىنىڭ دارەجەسىن جوعارىلاتىپ، جاڭالاپ، ءبىر تۇلعالانعان، ماركالانعان تۇتاس كاسىپ تىزبەگى تيجارات ۇلگىسىنە قاراي دامۋعا شابىتتاندىرامىز.
来源：雪都嘟/阿勒泰地区融媒体中心
记者：阿丽娜·阿依登
通讯员 吾丽帕·吾拉勒别克
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
