تاياۋدا، ءتىلشىنىڭ بۋرىلتوعاي اۋداندىق مادەنيەت-دەنەتاربيە، راديو-تەلەۆيزيا جانە ساياحات مەكەمەسىنەن ۇعىسۋىنشا، بيىل بۇل اۋدان ”ساياحات +“ ۇلگىسىن ءتۇيىن ەتىپ، بايلىق، جولاۋشى قاينارى، قىزمەت وتەۋ سىندى ”3 ۇلكەن فاكتوردى“ ارقاۋ ەتىپ، ساياحات ونىمدەرىندە، ۇلگىسىندە، كاسىپ كۇيىندە جاڭالىق اشۋعا جانە قىزمەت وتەۋدە ۇزدىك بولۋعا ءتۇيىندى تۇردە كۇش سالىپ، ساياحات كاسىبىنىڭ دامۋى تەبىندى بولعان. الدىڭعى 3 توقساندا بۇل اۋدان جيىنى 4 ميلليون 301 مىڭ 900 ساياحاتشى (رەت) قابىلداپ، سايكەس مەزگىلدەگىدەن %35.14 ارتقان؛ ساياحات كىرىسى 2 ميلليارد 554 ميلليون يۋانعا جەتىپ، سايكەس مەزگىلدەگىدەن % 29.23 ارتقان.
جىل باسىنان بەرى، بۋرىلتوعاي اۋدانى ساپالى ەكولوگيا مەن وزگەشە گۋمانيتارلىق بايلىقتى تياناق ەتىپ، ”جالپى ۋاقىت، جالپى ماۋسىم، جالپى ءوڭىر، جالپى كورىنىس“ ورنالاستىرۋىنا تاباندى بولىپ، قىسقى بالىق اۋلاۋ مادەنيەتى ساياحات مەرەكەسى، التىن، اسىل تاس، قاس تاسى كورمە قيمىلى، ”مەنىڭ التايىم“ ساربۇلاق ساحارا سپورت جارىسى، سونداي-اق ”1-مامىر“، دۋان-ۋ مەرەكەسى، 1-قازان مەملەكەت مەرەكەسى سياقتى ماڭىزدى تۇيىندەردەن پايدالانىپ، دەمالىس كەزىندەگى تۇيىندەردى بەلسەنە قالىپتاستىرىپ، ”جەلىدە + جەلىدەن تىس“ ۇلگىسى ارقىلى ساپالى ساياحات بايلىعىن، ەرەكشە ساياحات تاۋارلارىن جانە ەرەكشە مادەنيەتتى جاپپاي ايگىلەدى.
بۋرىلتوعاي اۋدانىنىڭ ساۋداگەرى ياڭ تيڭجۇڭ بىلاي دەدى: ساياحات كاسىبىنىڭ تەز قارقىنمەن دامۋىنا ىلەسە، ساۋدامىز دا بارعان سايىن جاقساردى. بۇرىنعى جىلدارمەن سالىستىرعاندا، كىرىسىمىز %40 كە تاياۋ ارتتى.
بيىل بۋرىلتوعاي اۋدانى ”باقىت“، ”بالىق“، ”مۇز“ سياقتى ەرەكشە مادەنيەت ماركاسىنا ۇزدىكسىز تەرەڭ ىزدەنىس جاساپ، ساياحات تۇتىنۋىنىڭ جاڭا قاجەتىنە ىرىقتىلىقپەن ۇيلەسىپ، ساياحاتتىڭ جاڭا قامداۋىن ۇزدىكسىز بايىتىپ، قيىنكەرىش، التىن قايراڭ، ۇلىڭگىر قايراڭى سياقتى كورىنىس رايونىنا سۇيەنىپ، كاسىپ سالاسىنىڭ توعىسپالى دامۋىن ۇزدىكسىز تەرەڭدەتىپ، ساياحات كاسىبىنىڭ ۇزدىكسىز ارتۋىنا، نەگىزدىك قۇرىلعىلاردىڭ ۇزدىكسىز جاقسارۋىنا، ساياحاتشىلارعا قىزمەت وتەۋ ساپاسىنىڭ بىرتىندەپ جاقسارۋىنا مۇمكىندىك جاسادى.
بۋرىلتوعاي اۋداندىق مادەنيەت-دەنەتاربيە، راديو-تەلەۆيزيا جانە ساياحات مەكەمەسى پارتگرۋپپاسىنىڭ مۇشەسى، مەكەمەنىڭ ورىنباسار باستىعى شيە يىنيىن بىلاي دەدى: كەلەسى قادامدا، ءبىز ۇگىت تەبىنىن ۇزدىكسىز ارتتىرىپ، قىزمەت وتەۋ دەڭگەيىن جوعارىلاتىپ، سارا ساياحات جەلىسىن قالىپتاستىرىپ، اۋدان ءوڭىرى ساياحاتىنىڭ تارتىمدىلىق قۋاتى مەن بازار باسەكەلىك قۋاتىن ۇزدىكسىز كۇشەيتىپ، ”ساياحات + دامۋدىڭ“ جاڭا جاعدايىن اشامىز.
来源：雪都嘟/阿勒泰地区融媒体中心
通讯员:刘维芳
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
