حۋبەي ولكەلىك قوعام حاۋىپسىزدىگى ورگاندارى حۋاڭ دافا قارا قولدار ۇيىمىن الاستادى
حۋبەي ولكەلىك قوعام حاۋىپسىزدىگى ورگاندارى 2024 – جىلى حۋاڭ دافا قارا قولدار ۇيىمىن الاستادى، بۇل قارا قولداردى - سۇرقيا كۇشتەردى الاستاۋ كۇرەسىن ۇدايىلاندىرعاننان بەرى، حۋبەي ولكەسى الاستاعان ەڭ ءىرى، ىقپالى ەڭ زور قارا قولدار ۇيىمى. بۇل اقپاراتتى ءتىلشى حۋبەي ولكەلىك ۇكىمەتتىڭ اقپارات كەڭسەسى 1 – ايدىڭ 7 – كۇنى وتكىزگەن حۋبەي ولكەسىندەگى قوعام حاۋىپسىزدىگى ورگاندارىنىڭ ”حالىققا مالىمەت بەرۋ“ اتتى اقپار جاريالاۋ ماجىلىسىنەن ۇعىسقان.
2024 – جىلدان بەرى، حۋبەي ولكەلىك قوعام حاۋىپسىزدىگى ورگاندارى قارا قولداردى – سۇرقيا كۇشتەردى الاستاۋدى ىلگەرىلەتۋدى ۇدايىلاندىرىپ، ”تورعا ىلىكپەي قالعان بالىقتاردى“ جاپپاي قولعا ءتۇسىرىپ، حۋاڭ دافانى قامتىعان قارا قولدىق – سۇرقيالىق قىلمىس كۇمانىن قالىپتاستىرعان 103 ادامدى تۇتقىنداپ، قارا قولدار ۇيىمىنان 10 ۇيىمدى، سۇرقيا كۇشتەردەن 81 توپتى الاستاعان. بۇكىل ولكە بويىنشا كىسى ولىمىنە قاتىستى بولىپ بايقالعان دەلولاردى تۇگەلدەي انىقتاۋ نەگىزىندە، كىسى ولىمىنە قاتىستى ەسكى دەلولاردان 87 دەلونى انىقتاعان.
ساناققا قاراعاندا، حۋبەي ولكەسىندە 2024 – جىلى ولكە بويىنشا تەلەكوم مەن ينتەرنەتتەن پايدالانىپ الدامكوستىك ىستەگەن دەلولاردىڭ سانى مەن جەتكىزگەن زيانى سايكەستى مەزگىلدەگىمەن سالىستىرعاندا جەكە – جەكە %21.56، %28.52 تومەندەگەن، ءداستۇرلى ”ۇرلاۋ، توناۋ، الداۋ“ جاعىنداعى دەلولاردىڭ سانى سايكەستى مەزگىلدەگىدەن %44.44 تومەندەگەن، جاڭا دەلولاردى انىقتاۋ مولشەرى سايكەستى مەزگىلدەگىدەن 25.74 پايىز ارتقان. بۇكىل ولكە بويىنشا قىلمىستىق ىستەر دەلولارىنىڭ تۋىلۋ سانى سايكەستى مەزگىلدەگىدەن %30.4 تومەندەپ، ون جىلدان بەرگى ەڭ زور تومەندەۋ مولشەرىن جاراتقان.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
