تاياۋدا، التاي قالاسىنداعى ءبىر قولايلى دۇكەندە بىرنەشە قالا تۇرعىنى جولداماقشى بولعان جەدەل جولدامالارىن الىپ تارتىپپەن قاتارعا تۇرىپ، ”جيجيانباۋ“ جولداما جونەلتۋ جابدىعىنان پايدالانىپ زاتتارىن جونەلتتى.
— بۇرىن جولدامانى پوچتامەن جونەلتكەندە ءار ءتۇرلى تالونداردى تولتىرىپ كوپ ۋاقىت جۇمسايتىنبىز، اۋرەسى كوپ ەدى، قازىر ”جيجيانباۋ“ جولداما جونەلتۋ جابدىعىنان پايدالانىپ تەز جونەلتەتىن بولدىق،-دەدى قالا تۇرعىنى جاڭ حۇڭبو.
”جيجيانباۋ“ — جۇڭگو پوچتا توبى شەكتى سەرىكتەستىگى التاي ايماقتىق بولىمشە سەرىكتەستىگىنىڭ وسىزامانعى جونەلتۋ-جەتكىزۋ قاجەتىن قاناعاتتاندىرۋ ءۇشىن شىعارعان جولداما جونەلتۋ جابدىعى. بۇل جابدىق ءوز اتى-جونىمەن كۋالاندىرۋ، توراپتا تالون تولتىرۋ، جولداعان ساتتە جونەلتۋ ءارى پوچتا اقىسىن اۆتوماتتى تارتىپ قالۋ (ءۇنحات، جىفۋباۋ ارقىلى تولەۋگە بولادى) قاتارلى كوپ ءتۇرلى فۋنكتسيالاردى شوعىرلاندىرىپ، تۇتىنۋشىلاردىڭ جولداما جونەلتۋ ۋاقىتىن بارىنشا قىسقارتىپ، جولداما جونەلتۋ ءتارتىبىن قاراپايىمداستىردى.
”جيجيانباۋ“ جولداما جونەلتۋ جابدىعى جەلىدەگى جانە جەلىدەن تىسقارى بايلىقتى بىرىكتىرۋدەگى ءبىر رەتكى جاڭالىق اشۋ سىناعىمىز. پايدالانۋشىلار تەك قول تەلەفوندا قاراپايىم مەڭگەرسە بولعانى، جولداما جولداۋدىڭ باسقىشتارىن وپ-وڭاي يگەرە الادى،-دەدى جۇڭگو پوچتا توبى شەكتى سەرىكتەستىگى التاي ايماقتىق بولىمشە سەرىكتەستىگى جونەلتۋ-جەتكىزۋ بازارى ءبولىمىنىڭ قىزمەتكەرى جۋ حۇڭبو.
ساناققا قاراعاندا، قازىرگە دەيىن ايماقتا 84 جولداما جونەلتۋ جابدىعى قولايلى دۇكەن، جەدەل جولداما ورنى، شيپاحانا قاتارلى ادامدار شوعىرلانعان ورىندارعا ورناتىلعان.
来源：雪都嘟/阿勒泰地区融媒体中心
实习记者：张福新
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
