مەجەمەن، 11-ايدىڭ 8-كۇنى تۇننەن 12-كۇنى تۇنگە دەيىن بۋرىلتوعاي اۋدانىنىڭ باسىم كوپ جەرىندە، كوكتوعاي، شىڭگىل اۋداندارىنىڭ وڭتۇستىگىندەگى اۋىل-قالاشىقتاردا جاڭبىر ارالاس قار نەمەسە قىرباق قار جاۋادى، قابا، بۋىرشىن اۋداندارىنىڭ جازىق وڭىرلەرىندە، التاي قالاسىنىڭ وڭتۇستىگىندەگى اۋىل-قالاشىقتاردا ورتاشا نەمەسە قالىڭ قار جاۋىپ، سوڭى جاڭبىر ارالاس قارعا اينالادى، جەمەنەي اۋدانىنىڭ باسىم كوپ بولەگىندە، كوكتوعاي، شىڭگىل اۋداندارىنىڭ تاۋ بوكتەرلەرىندە قالىڭ قار جاۋادى (12 دە 16 سانتيمەتر قالىڭدىقتا). قابا اۋدانىنىڭ تاۋلى وڭىرلەرىندە، ادىرلارىندا، بۋىرشىن اۋدانىنىڭ شۇڭقىر قالاشىعىندا جانە توڭىرەگىندەگى وڭىرلەردە، التاي قالاسىنىڭ تاۋ بوكتەرلەرىندە، كوكتوعاي اۋدانىنىڭ تاۋ بوكتەرىندەگى اۋىل-قالاشىقتاردا ەرەكشە قالىڭ قار جاۋادى (20 دا 30 سانتيمەتر قالىڭدىقتا). قابا اۋدانىنىڭ ۇلكەن ساز، بولباداي جايلاۋى، تەرەكتى اۋىلىندا، بۋىرشىن اۋدانىنىڭ قاناس، قوم، جالدىڭ ءۇيى وڭىرىندە، التاي قالاسىنىڭ ۇلكەن قىران، جىڭىشكە قىران، ۋشىلىك، ەكاشا، تۇنبا، تورعايتى وڭىرلەرىندە، بۋرىلتوعاي اۋدانىنىڭ قىزىلتاۋ وتكەلىندە، ءتور جايلاۋىندا، كوكتوعاي اۋدانىنىڭ اقسالا، جىڭگە، سايقىنبۇلاق جايلاۋلارىندا، شىڭگىل اۋدانىنىڭ ۇشكولىندە ەرەكشە قالىڭ قار جاۋادى (50 دە 70 سانتيمەتر قالىڭدىقتا).
اۋا رايىنىڭ ىقپالى جانە ۇسىنىستار:
1) قاتىناس حاۋىپسىزدىگىن باسقارۋدى كۇشەيتۋ كەرەك
وسى رەت ايماعىمىزدا سوڭعى جارىم جىلداعى كەڭ كولەمدە قار جاۋادى، قارلى اۋا رايىندا جولدى انىق كورۋ قيىنعا سوعادى، جولعا مۇز قاتادى، قار باسادى، قاتىناس باسقارۋ تاراۋلارىنىڭ ءتۇيىندى جول بولەكتەرىندە شارلاۋ جۇرگىزىپ، جول جاعدايىنا نەگىزدەلىپ قاتىناستى ۋاعىندا باسقارۋعا الۋىن، شوفەرلەردىڭ كولىك جۇرگىزگەندە حاۋىپسىزدىككە كوڭىل ءبولۋىن، تاس جول باسقارۋ جانە قالا باسقارۋ تاراۋلارىنىڭ جولداعى قاردى ۋاعىندا تازالاۋىن ۇسىنىس ەتەمىز.
(2) تاۋلى وڭىرلەردەگى قالىڭ قارلى اۋا رايىنىڭ ەلەكتر جەلىسى، حابارلاسۋ جابدىقتارىنا جانە تاۋلى وڭىردەگى تۇرعىنداردىڭ ءوندىرىس، تۇرمىسىنا جەتكىزەتىن ىقپالىنان الدىن الا ساقتانۋ كەرەك
قاتىستى تاراۋلاردىڭ ەلەكتر جەتكىزۋ لەنيالارىن، حابارلاسۋ جابدىقتارىن شارلاۋ، تەكسەرۋ قىزمەتىن جاقسى ىستەپ، لەنيا ماڭايىنداعى كومەسكى حاۋىپ-قاتەرلەردى دەر كەزىندە جويىپ، قالىڭ قاردىڭ ءتيىمسىز ىقپالىنان ساقتانۋىن، تاۋلى وڭىردەگى تۇرعىنداردىڭ تۇرمىستىق قاجەتتى بۇيىمداردى زاپاس ساقتاۋ قىزمەتىن الدىن الا جاقسى ىستەۋىن، سونداي-اق، ءۇي توبەسىندەگى قاردى دەر كەزىندە تازالاپ ، قورا-قالتقىلاردى بەكەمدەۋىن ۇسىنىس ەتەمىز.
(3) مادەنيەت، ساياحات جانە كورىنىس رايونىن باسقارۋ كوميتەتىنىڭ قارلى اۋا رايىنان ساقتانۋ شارالارىن ويداعىداي ىستەۋىن ۇسىنىس ەتەمىز
قاناس، قوم، كوكتوعاي كورىنىس رايوندارىندا قار قالىڭ جاۋادى، كورىنىس رايونىن باسقارۋ كوميتەتىنىڭ قىزمەت مىندەتى بويىنشا كورىنىس رايونىنىڭ حاۋىپسىزدىگىن باسقارۋدى كۇشەيتۋىن ۇسىنىس ەتەمىز.
4) كومىر جاعاتىن وتباسىلارى حاۋىپسىزدىككە كوڭىل ءبولىپ، ىس تيۋدەن، ءورت كەتۋدەن ساقتانۋى كەرەك.
来源：阿勒泰地区气象台
编辑：米拉木古丽·穆斯那提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
